ການນໍາແຂວງວຽງຈັນ ແລະນັກສືກສາ ຢ້ຽມຢາມກຸ່ມບໍລິສັດ CCCG ໃນຂົງເຂດປະເທດລາວ

ບໍລິສັດ ນ້ຳ ແລະ ໄຟຟ້າສາກົນ ແຫ່ງປະເທດຈີນ ໃນເຄືອກຸ່ມບໍລິສັດ CCCG  (CWE) ໄດ້ຈັດພິທີຢ້ຽມຢາມກຸ່ມບໍລິສັດ CCCG ໃນຫົວຂໍ້ "ສ້າງສາຍພົວພັນຮ່ວມມື ແມ່ນໍ້າຂອງ-ແມ່ນ້ຳລ້ານຊ້າງ " ຂຶ້ນໃນວັນທີ 28 ພະຈິກ ຜ່ານມາ ທີ່ເມືອງເຟືອງ ແຂວງວຽງຈັນ. ໂດຍການເຂົ້າຮ່ວມຂອງ ທ່ານ ດາວເຮືອງ ນັນທະວົງ ຮອງເຈົ້າແຂວງວຽງຈັນ, ທ່ານ ວັນໄຊ ຕະວິນຍານ ຮອງຫົວໜ້າຄະນະໂຄສະນາອົບຮົມສູນກາງພັກ ຫົວໜ້າບັນນາທິການໃຫຍ່ ໜັງສືພິມ ປະຊາຊົນ, ທ່ານ ຈ້າວຈ້ຽນຫຼິນ ຮອງຜູ້ອຳນວຍການພະແນກວັດທະນະທຳອົງກອນ ກຸ່ມບໍລິສັດ CCCG, ທ່ານ ນາງ ອິນ ເຈຍ ຮອງບັນນາທິການສູນພັດທະນາການສື່ສານສາກົນ ພະແນກພາສາຕ່າງປະເທດຂອງ ສປ ຈີນ, ມີທ່ານທູດເສດຖະກິດຈີນ ປະຈຳ ສປປ ລາວ, ທ່ານຮອງອະທິການບໍດີສະຖາບັນສູນກາງວິຈິດສິນ ພ້ອມດ້ວຍພາກສ່ວນກ່ຽວຂ້ອງ ແລະ ອຳນາດການປົກຄອງທ້ອງຖິ່ນ, ສື່ມວນຊົນພາຍໃນ ສປປ ລາວ ແລະ ສປ ຈີນ ເຂົ້າຮ່ວມ.

 ທ່ານ ດາວເຮືອງ ນັນທະວົງ ກ່າວວ່າ:  ເຂື່ອນໄຟຟ້ານ້ຳລີກ 1-2  ບໍ່ພຽງແຕ່ສະໜອງກະແສໄຟຟ້າທີ່ມີຄວາມສະຖຽນໃຫ້ໜ່ວຍງານໄຟຟ້າພາກກາງຂອງລາວເທົ່ານັ້ນ, ແຕ່ຍັງໄດ້ສະໜອງພະລັງງານສະອາດໃຫ້ແກ່ທ້ອງຖິ່ນ, ຮັບປະ ກັນຄວາມປອດໄພໃນລະດູນໍ້າຖ້ວມ, ສົ່ງເສີມການພັດທະນາດ້ານການປະມົງ ແລະ ການທ່ອງທ່ຽວ ແລະ ຫວັງວ່າ ກຸ່ມບໍລິສັດ CCCG ພ້ອມດ້ວຍໜ່ວຍງານທີ່ກ່ຽວຂ້ອງຈະສືບຕໍ່ໝູນໃຊ້ທ່າແຮງດ້ານຊັບພະຍາກອນ ເພື່ອສົ່ງເສີມການກໍ່ສ້າງບັນດາໂຄງການທີ່ມີຄຸນນະພາບ ແລະ ປະກອບສ່ວນເຂົ້າໃນການພັດທະນາເສດຖະກິດ ແລະ ສັງຄົມຂອງລາວໃຫ້ຫຼາຍຍິ່ງຂຶ້ນ.

 ທ່ານ ວັນໄຊ ຕະວິນຍານ ໄດ້ກ່າວສະແດງຄວາມຊົມເຊີຍ ແລະ ຂອບໃຈ ຕໍ່ບໍລິສັດ CWE. ສປ ຈີນ ແລະ ສປປ ລາວ ແມ່ນສອງປະເທດຄູ່ຮ່ວມຊາຕາກຳ ທີ່ "ຮ່ວມໃຈເປັນໜຶ່ງ, ຊ່ວຍເຫຼືອຊຶ່ງກັນ ແລະ ກັນຈາກໃຈຈິງ, ປຽບດັ່ງຄອບຄົວດຽວກັນ " ບໍລິສັດ CWE ບໍ່ພຽງແຕ່ໄດ້ຊຸກຍູ້ການພັດທະນາອຸດສາຫະກຳໄຟຟ້ານ້ຳຕົກຂອງລາວເທົ່ານັ້ນ, ຫາກຍັງໄດ້ປະກອບສ່ວນຢ່າງຕັ້ງໜ້າເຂົ້າໃນການກໍ່ສ້າງພື້ນຖານໂຄງລ່າງຂັ້ນທ້ອງຖິ່ນ, ສົ່ງເສີມສະຫວັດດີການສັງຄົມ, ໃຫ້ການຊ່ວຍເຫຼືອຊຸມຊົນ, ພັດທະນາການປົກປັກຮັກສາສິ່ງແວດລ້ອມ, ການສຶກສາ ແລະ ຂົງເຂດອື່ນໆ. 

 ກ່ຽວກັບບັນດາຜົນງານທີ່ພົ້ນເດັ່ນຂອງ ກຸ່ມບໍລິສັດ CCCG ໃນພາກພື້ນແມ່ນ້ຳລ້ານຊ້າງ-ແມ່ນ້ຳຂອງ ໄດ້ໃຫ້ຄວາມສຳຄັນດ້ານການຕະຫຼາດ, ຄວາມເປັນມືອາຊີບ ແລະ ການຫັນເປັນວິສາຫະກິດສາກົນ, ສ້າງສາຍສຳພັນທີ່ແໜ້ນແຟ້ນກັບປະຊາຊົນ, ສືບຕໍ່ໃຫ້ການຮ່ວມມືກັບລັດຖະບານທ້ອງຖິ່ນ ແລະ ພາກສ່ວນທີ່ກ່ຽວຂ້ອງ, ພັດທະນານວຽກງານດ້ານພະລັງງານສະອາດ ແລະ ພື້ນຖານໂຄງລ່າງຂອງປະເທດລາວ. ປະກອບສ່ວນໃນການຮ່ວມມືກັບບັນດາປະເທດພາກພື້ນແມ່ນ້ຳລ້ານຊ້າງ-ແມ່ນ້ຳຂອງໃຫ້ຫຼາຍຂຶ້ນ.

 ໂອກາດດັ່ງກ່າວ, ກໍໄດ້ເຂົ້າຮ່ວມກິດຈະກຳການກຸສົນ “ຫ້ອງສະໝຸດແມ່ນ້ຳຂອງ-ແມ່ນ້ຳລ້ານຊ້າງ” ຄັ້ງທີ 4 ຢ້ຽມຊົມຫ້ອງຮຽນສິລະປະການກຸສົນທີ່ສອນໂດຍອາຈານຈາກສະຖາບັນສູນກາງວິຈິດສິນປະຈຳ ສປ ຈີນ ແລະ ຢ້ຽມຢາມ ເຂື່ອນໄຟຟ້ານໍ້າລີກ 1-2, ຫ້ອງຮຽນວິທະຍາສາດພະລັງງານທີ່ສອນໂດຍວິຊາການຈາກເຂື່ອນໄຟຟ້ານ້ຳລີກ 1-2, ຮັບຟັງການເຜີຍແຜ່ບົດລາຍງານການພັດທະນາແບບຍືນຍົງ ຂອງກຸ່ມບໍລິສັດ CCCG ປະຈຳປີ 2023, ຢ້ຽມຢາມສະຖານີໄຟຟ້ານ້ຳຕົກ KIRIROM I ຂອງກຳປູເຈຍຜ່ານທາງອອນລາຍ ແລະ ກິດຈະກຳອື່ນໆ ຊຶ່ງໄດ້ສະແດງໃຫ້ເຫັນເຖິງການປະຕິບັດວຽກງານຕົວຈິງຂອງກຸ່ມບໍລິສັດ CCCG ບໍລິສັດໃນການເສີມສ້າງພື້ນຖານການເປັນຢູ່ຂອງປະຊາຊົນໃນຂົງເຂດແມ່ນ້ຳລ້ານຊ້າງ-ແມ່ນ້ຳຂອງ ແລະ ປັບປຸງສະຫວັດດີການທ້ອງຖິ່ນ ເປັນການສະແດງໃຫ້ເຫັນເຖິງພາບລັກທີ່ດີ ແລະ ຮູບແບບການພັດທະນາແບບຍືນຍົງຂອງວິສາຫະກິດຈີນທີ່ໄດ້ເຄື່ອນໄຫວຢູ່ຕ່າງປະເທດ.

แชร์