ພິທີເປີດໄຟສີຟ້າ ສະເຫຼີມສະຫຼອງວັນເດັກໂລກ ຄົບຮອບ 35 ປີ ທ່າມກາງຄວາມສະດຸ້ງໄວຕໍ່ການປ່ຽນແປງສະພາບດິນຟ້າ ອາກາດ
ໃນວັນທີ 20 ພະຈິກ 2024 ສປປ ລາວ ສະເຫຼີມສະຫຼອງວັນເດັກໂລກ ຄົບຮອບ 35 ປີ ທ່າມກາງຄວາມສະດຸ້ງໄວຕໍ່ການ ປ່ຽນແປງສະພາບດິນຟ້າອາກາດຂອງເດັກ ແລະ ໄວໜຸ່ມນະ ຄອນຫຼວງວຽງຈັນ ປະຕູໄຊເປັ່ງປະກາຍແສງສີຟ້າໃນຍາມຄໍ່າຄືນໄປພ້ອມໆກັບປະຊາຊາດໃນທົ່ວໂລກ ໃນໂອກາດສະເຫຼີມສະຫຼອງວັນເດັກໂລກ ແລະ ວັນຄົບຮອບສົນທິສັນຍາ ວ່າດ້ວຍ ສິດທິເດັກຄົບຮອບ 35 ປີ (20 ພະຈິກ 1989 - 20 ພະຈິກ 2024).
ການສະເຫຼີມສະຫຼອງວັນດັ່ງກ່າວ ສະແດງໃຫ້ເຫັນເຖິງນິມິດໝາຍຂອງຊາດທີ່ຄຳນຶງເຖິງຄວາມສຳຄັນດ້ານສິດທີເດັກ ແລະ ຮັບຮູ້ເຖິງຄວາມຈຳຮີບດ່ວນຂອງໄວໜຸ່ມມີສ່ວນຮ່ວມໃນການຈັດຕັ້ງແຜນງານການປ່ຽນແປງດິນຟ້າອາກາດ.
ການສະເຫຼີມສະຫຼອງໃນປີນີ້ ຄະນະກຳມາທິການແຫ່ງຊາດເພື່ອຄວາມກ້າວໜ້າຂອງແມ່ຍິງ, ແມ່ ແລະ ເດັກ (ຄຊກມດ) ເນັ້ນໜັກໃສ່ການປົກປ້ອງສິດທິເດັກ ໄປຄວບຄູ່ກັບ ການແກ້ໄຂບັນຫາຄວາມທ້າທາຍດ້ານສິ່ງແວດລ້ອມ. ທຸກໆປີການ ສະເຫຼີມສະຫຼອງວັນສຳຄັນດັ່ງກ່າວ, ຄຊກມດ ມີຄວາມພາກພູມໃຈທີ່ ອົງການຢູນີເຊັບ, ບັນດາຄູ່ຮ່ວມພັດທະນາ, ບັນດາອົງການທີ່ບໍ່ສັງ ກັດລັດຖະບານ, ອົງການຈັດຕັ້ງທາງສັງຄົມ, ສະມາຄົມ ແລະ ບັນດາພາກສ່ວນເອກະຊົນທຸລະກິດຕ່າງໆ ໄດ້ຢືນຄຽງຂ້າງ ແລະ ເປັນຄູ່ຮ່ວມງານຂອງພວກເຮົາ ໃນການສະໜັບສະໜູນ ແລະ ປົກປ້ອງສິດທິຂອງເດັກທຸກໆຄົນ.
ໂອກາດນີ້, ດຣ ໄພວັນ ແກ້ວປະເສີດ ຮອງລັດຖະມົນຕີກະ ຊວງສາທາລະນະສຸກໄດ້ກ່າວວ່າ: ລັດຖະບານຂອງ ສປປ ລາວ ໄດ້ໃຫ້ຄຳໝັ້ນສັນຍາໃນການຊ່ວຍເຫຼືອເດັກນ້ອຍ ແລະ ໄວໜຸ່ມ ໂດຍການໂຄສະນາປຸກລະດົມສັງຄົມ ແລະ ມວນຊົນ ພ້ອມກັນລົງທຶນໃສ່ການຈັດຕັ້ງສິດທິເດັກ ແລະ ສ້າງຄວາມເຂັ້ມແຂງໃຫ້ແກ່ເດັກໃນທຸກດ້ານ ພ້ອມທັງຮັບຟັງສຽງ ຄວາມຕ້ອງການຂອງເດັກເພື່ອພັດທະນາ ແລະ ປົກປ້ອງພວກເຂົາ ໂດຍສະເພາະເພື່ອຄົ້ນຫາຄຳຕອບໃນວິທີການແກ້ໄຂຄວາມທ້າທາຍຂອງບັນຫາສິ່ງແວດລ້ອມ, ທັງໝົດນີ້ ກໍເພື່ອພ້ອມການສ້າງອະນາຄົດທີ່ສົດໃສ ແລະ ຍືນຍົງໃຫ້ກັບເດັກ.
ໂອກາດວັນສຳຄັນດັ່ງກ່າວນີ້, ພວກເຮົາ ຍັງມີຕົວແທນເດັກລາວ ຈາກເວທີເດັກ ອາຊຽນ ຄັ້ງທີ 8 ທີ່ ສປປ ລາວ ເປັນເຈົ້າ ພາບ ໄດ້ເຂົ້າຮ່ວມ ແລະ ສະເໜີຜົນເວທີເດັກ ອາຊຽນ ຄັ້ງທີ 8 ຊຶ່ງຕົວແທນເດັກ ໄດ້ກ່າວວ່າ: ພວກຫຼານອາຊຽນ, ພຽງແຕ່ເປັນໃນອະນາຄົດຂອງແຕ່ລະຊາດອາຊຽນ ແຕ່ຍັງເປັນຜູ້ເຂົ້າຮ່ວມຢ່າງຫ້າວຫັນ ເພື່ອຈັດຕັ້ງປະຕິບັດກິດຈະກໍາໃຫ້ເປັນຮູບເປັນຮ່າງ, ເປັນຜູ້ສ້າງການປ່ຽນແປງ, ເປັນຜູ້ປະດິດສ້າງ ແລະ ເປັນຜູ້ຊ່ວຍໃນການແກ້ໄຂບັນຫາ ໂດຍສະເພາະຕໍ່ສະພາບການປ້ຽນແປງດິນຟ້າອາກາດ. ພວກຫຼານໃຫ້ຄຳໝັ້ນສັນຍາຈະດຳເນີນການເຄື່ອນ ໄຫວ ທັງສ່ວນຕົວ ແລະ ຂະບວນການລວມໝູ່, ເພື່ອສ້າງປະຊາ ຄົມອາຊຽນໃຫ້ໝັ້ນຄົງຍືນຍົງ.
ການສະເຫຼີມສະຫຼອງຂອງ ສປປ ລາວ ຖືເປັນສ່ວນໜຶ່ງຂອງການລິເລີ່ມຂອງ ອົງການຢູນີເຊັບ ໃນການຮຽກຮ້ອງໃຫ້ປະເທດຕ່າງໆ ກ້າວໄປສູ່ການກຳນົດນະໂຍບາຍດ້ານສະພາບອາກາດທີ່ຄຳນຶງເຖິງເດັກ. "ສົນທິສັນຍາເພື່ອອະນາຄົດ" (Pact for the Future) ຂອງອົງການສະຫະປະຊາຊາດ ທີ່ຈະປຶກສາຫາລື ໃນກອງປະຊຸມສະພາບອາກາດສົນທິສັນຍາວ່າດ້ວຍ ສິດທິເດັກ, ໄດ້ຮັບການຮັບຮອງ ໃນວັນທີ 20 ພະຈິກ ປີ 1989, ແມ່ນສົນທິສັນຍາສິດທິມະນຸດທີ່ໄດ້ຮັບການຍອມຮັບຢ່າງກວ້າງຂວາງທີ່ສຸດ, ໂດຍລະບຸເຖິງສິດທິຂອງເດັກຢູ່ທົ່ວທຸກແຫ່ງ.
