ສຶກສາຄວາມເປັນໄປໄດ້ ພັດທະນາລະບົບຄຸ້ມຄອງ ການນຳເຂົ້າ-ສົ່ງອອກສິນຄ້າ

ພິທີເຊັນບົດບັນທຶກຄວາມເຂົ້າໃຈ MOU ກ່ຽວກັບານຮ່ວມມືໃນການສຶກສາລະບົບບໍລິຫານຈັດການຄວບຄຸມການຄ້າ ແລະສິນຄ້າ ລະຫວ່າງປະเทดDIGITAL TRADE OPERATING PLATFORM ລະຫວ່າງຫ້ອງການກະຊວງອຸດສາຫະກຳ ແລະການຄ້າ (ອຄ) ກັບ ບໍລິສັດ ເອໄອດີຊີ ເທັກ ຈຳກັດຜູ້ດຽວ ຈັດຂຶ້ນໃນວັນທີ 19 ພະຈິກ 2024 ທີ່ກະຊວງ ອຄ

ທ່ານ ປອ ບົວວັນ ວິລະວົງ ກ່າວວ່າ: ຈຸດປະສົງການເຊັນສັນຍາ ແມ່ນການສຶກສາຄວາມເປັນໄປໄດ້ໃນການພັດທະນາລະບົບສໍາລັບວຽກງານການຄຸ້ມຄອງການນໍາເຂົ້າ-ສົ່ງອອກສິນຄ້າ, ສິນຄ້າຜ່ານແດນ (transit) ແລະ ສິນຄ້ານໍາເຂົ້າເພື່ອສົ່ງອອກຂອງຂະແໜງ ອຄ.

ການຮ່ວມມືດັ່ງກ່າວຖືເປັນການພັດທະນາເສດຖະກິດ-ສັງຄົມ ເວົ້າລວມ, ເວົ້າສະເພາະແມ່ນການຫັນເປັນດີຈີຕອນ ຂອງຂະແໜງ ອຄ, ການຄົ້ນຄວ້າ ແລະ ພັດທະນາລະບົບດັ່ງກ່າວຈະເປັນການເຊື່ອມຈອດດ້ານຂໍ້ມູນ ຂອງສິນຄ້າ ກັບ ຫຼາຍຂະແໜງການທັງພາຍໃນ ແລະຕ່າງປະເທດ. ນອກນັ້ນ, ຍັງຈະເພີ່ມຄວາມສະດວກດ້ານການບໍລິການ ແລະການເກັບລາຍຂັນເຂົ້າລັດຢ່າງເປັນລະບົບຄົບຖ້ວນ

ເຖິງວ່າຄວາມພ້ອມຂອງແຕ່ລະຂະແໜງການ ແລະຫົວໜ່ວຍທຸລະກິດອາດຍັງບໍ່ທັນສູງແຕ່ຂ້າພະເຈົ້າເຊື່ອໝັ້ນວ່າການຫັນເຂົ້າສູ່ລະເສດຖະກິດດີຈີຕອນຈະເປັນກະແສສໍາຄັນ ຕໍ່ການພັດທະນາເສດຖະກິດ-ສັງຄົມ ແລະແຕ່ລະພາກສ່ວນຈະຄ່ອຍກ້າວເຂົ້າສູ່ລະບົບດັ່ງກ່າວຕາມກົນໄກຂອງເສດຖະກິດໂລກ.

ອີງຕາມມະຕິກອງປະຊຸມສະພາແຫ່ງຊາດ ແລະ ແຜນວຽກຈຸດຂອງລັດຖະບານ ໃນປີ2024 ທີ່ກຳນົດໄວ້ໂດຍສະເພາະການແກ້ໄຂຄວາມຫຍຸ້ງຍາກທາງດ້ານ ເສດຖະກິດ-ການເງິນ ຕາມມະຕິ 19/ກມສພ ໄດ້ສຸມໃສ່ແກ້ໄຂບັນຫา ຄວາມຫຍຸ້ງຍາກທາງດ້ານເສດຖະກິດ-ການເງິນໂດຍສະເພາະບັນຫາເງິນເຟີ້, ອັດຕາແລກປ່ຽນ, ລາຄາສິນຄ້າ ແລະ ການຄຸ້ມຄອງການນໍາເຂົ້າ-ສົ່ງອອກ, ການສະກັດກັ້ນການຄ້ານອກລະບົບ ດ້ວຍການຍັງຄັບໃຊ້ບັນດາມາດຕະການ ທີ່ໄດ້ວາງອອກແລ້ວນັ້ນໃຫ້ປະກົດຜົນເປັນຈິງ ແລະເປັນຮູບປະທຳຫຼາຍຂຶ້ນກ່ວາເກົ່າ, ສາມາດຄຸ້ມຄອງເງິນຕາຕ່າງປະເທດຈາກການສົ່ງອອກ-ນໍາເຂົ້າ ສິນຄ້າຜ່ານ ລະບົບທະນາຄານໃຫ້ຫຼາຍຂຶ້ນໂດຍລັດຖະບານໄດ້ສຸມໃສ່ການເກັບລາຍຮັບຕາມກົດໝາຍ ແລະລະບຽບການທີ່ໄດ້ກຳນົດໄວ້, ເລັ່ງການຫັນເປັນທັນສະໄໝ ແລະຂະຫຍາຍຖານລາຍໃໝ່. ດັດສົມຈໍານວນບໍລິສັດນໍາເຂົ້າ- ສົ່ງອອກ ຫຼຸດຜ່ອນການນໍາເຂົ້າສິນຄ້າທີ່ສາມາດຜະລິດເອງໄດ້ຫັນໄປສູ່ການ ຂາຍຍົກ-ຂາຍຍ່ອຍ ເພື່ອຄຸ້ມຄອງການນໍາເຂົ້າສິນຄ້າໃຫ້ຫຼຸດໜ້ອຍຖອຍລົງ.

ການສຶກສາຄວາມເປັນໄປໄດ້ໃນຄັ້ງນີ້ແມ່ນເປັນບາດກ້າວອັນສໍາຄັນຂອງການສຶກສາຫັນເປັນທັນສະໄໝເພື່ອຫັນວຽກງານຄຸ້ມຄອງເຂົ້າສູ່ລະບົບ, ມີການບັງຄັບໃຊ້ນິຕີທີ່ວາງອອກໃຫ້ມີຜົນສັກສິດ ແລະສາມາດເກັບກຳ, ສັງລວມລາຍຮັບການນໍາເຂົ້າ-ສົ່ງອອກໃຫ້ເປັນລະບົບ.

แชร์