ຜິວງາມອ່ອນນຸ່ມດ້ວຍໝາກກ້ຽງ

ໝາກກ້ຽງເປັນໝາກໄມ້ລົດຊາດແຊບທີ່ມີ ປະໂຫຍດຕໍ່ຜິວຫຼາຍ ຊຶ່ງຫາກໃຜທີ່ມີບັນຫາຜິວສາ ມາດໃຊ້ໝາກກ້ຽງຊ່ວຍຟື້ນຟູສຸຂະພາບຜິວໄດ້.

• ຊ່ວຍໃຫ້ຮູຂຸມຂົນຫົດນ້ອຍລົງ: ໂດຍການເອົາ ນໍ້າໝາກກ້ຽງສົດມາພອກໃຫ້ທົ່ວໃບໜ້າປະໄວ້ປະມານ 15 ນາທີ ຈຶ່ງລ້າງອອກໂດຍນໍ້າເຢັນ.
• ຊ່ວຍປິ່ນປົວສິວ: ນໍາເອົານໍ້າໝາກກ້ຽງສົດໆ ມາທາທົ່ວໃບໜ້າກໍຈະຊ່ວຍຫຼຸດຄວາມມັນໄດ້ທັງຍັງ ຊ່ວຍໃຫ້ສິວແຫ້ງໄວ ແລະຊ່ວຍຫຼຸດການເກີດຮອຍສິວ ອີກດ້ວຍ.
• ຊ່ວຍເຮັດໃຫ້ຜິວຂາວຂຶ້ນ: ນໍາເອົາເປືອກໝາກ ກ້ຽງສົດໆມາຜັດຖູລົງເທິງຜິວໜ້າປະມານ 15 ນາທີ ຈາກນັ້ນປິດຮູຂຸມຂົນດ້ວຍການລ້າງອອກ ໂດຍນໍ້າ ເຢັນຫາກເຮັດເປັນປະຈຳຈະເຫັນຜົນໄດ້ໄວຂຶ້ນ.
• ຊ່ວຍຂັດຜິວໄດ້ເປັນຢ່າງດີ: ປອກເປືອກໝາກ ກ້ຽງອອກແລ້ວເອົາເປືອກມາຂັດຜິວ ໂດຍເອົາເປືອກໝາກກ້ຽງປະສົມກັບຂີ້ໝິ້ນຝຸ່ນ ແລະນໍ້າເຜີ້ງຈາກນັ້ນ ເອົາມາຂັດຖູຜິວຄ່ອຍໆແລ້ວລ້າງອອກພຽງເທົ່ານີ້ຜິວຂອງທ່ານກໍຈະສົດໃສຂຶ້ນ.
• ຊ່ວຍກຳຈັດບັນຫາຜິວໝົ່ນໝອງ: ນໍາເອົານໍ້າ ໝາກກ້ຽງໄປແຊ່ໃນຖ້ານແຊ່ແຂງໃຫ້ເປັນກ້ອນແລ້ວ ເອົາມາຖູໃບໜ້າທັງຍັງຊ່ວຍຫຼຸດອາການລະຄາຍເຄືອງຂອງຜິວ, ປິ່ນປົວສິວ ແລະຊ່ວຍໃຫ້ສີຜິວສະ ໝໍ່າສະເໝີກັນ.

• ຮຽບຮຽງໂດຍ: ຟ້າ

• 26/04/2019