ທ່ານ ມົງກຸດເພັດ ວົງພະຈັນ ໄດ້ແຈ້ງໃຫ້ຮູ້ວ່າ:ການຈັດເກັບກອງທືນການທ່ອງທ່ຽວຢ່ແຂວງ ສະຫວັນນະເຂດ ເຄີຍໄດ້ຈັດ ຕັ້ງປະຕິບັດມາກ່ອນໜ້ານີ້ແລ້ວ ໂດຍອິງໃສ່ນິຕິກຳທີ່ກ່ຽວຂ້ອງແນໃສ່ເຮັດໃຫ້ການຈັດເກັບເງິນກອງທຶນການທ່ອງທ່ຽວມີປະສິດທິພາບ ແລະ ປະສິດທິຜົນຫລາຍຂຶ້ນ, ຢູ່ແຂວງ ສະຫວັນນະ ເຂດ ມີດ່ານສາກົນຢູ່ 3 ດ່ານ ເຊິ່ງໄດ້ຈັດເກັບມາແລ້ວພຽງ 2 ດ່ານ ຄື: ດ່ານສາກົນມິດຕະພາບ 2 ແລະ ດ່ານສາກົນແດນສະຫວັນ.

ສ່ວນດ່ານສາກົນສະໜາມບິນສະຫວັນນະເຂດ ຍັງບໍ່ທັນໄດ້ ຮັບການຈັດຕັ້ງປະຕິບັດ ເນື່ອງຈາກຍັງຢູ່ໃນໄລຍະທາງບໍລິສັດການບິນໂຈະຖ້ຽວບິນຕ່າງປະເທດຊົ່ວຄາວ, ການເກັບຈາກນັກທ່ອງທ່ຽວຕ່າງປະເທດ ທີ່ເດີນທາງເຂົ້າມາທ່ອງທ່ຽວຢູ່ ສ ປປ ລາວ ເປັນລາຍບຸກຄົນຫລື ເປັນຄະນະໂດຍຜ່ານຫລືບໍ່ຜ່ານການບໍລິການຂອງບໍລິສັກນຳທ່ຽວ ພາຍໃນ ແລະ ຕ່າງປະເທດ ໃນອັດ ຕາ 10,000 ກີບຕໍ່ຄົນຕໍ່ຄັ້ງ ໃນອັດຕາດຽວກັນທົ່ວປະເທດ ໂດຍເກັບສະເພາະໃນເວລາເຂົ້າ ແລະ ອອກປະເທດ ຢູ່ແຕ່ລະດ່ານສາກົນທົ່ວປະເທດ, ບຸກຄົນຫຼືຄະນະທີ່ໄດ້ຮັບການຍົກເວັ້ນການ ເກັບພັນທະກອງທືນການທ່ອງທ່ຽວມີຄື: ຄົນພິການແຂນ, ຂາ , ຕາບອດ, ເສຍອົງຄະ ຫຼືຜູ້ປ່ວຍທີ່ບໍ່ສາມາດຊ່ວຍເຫຼືອຕົນເອງ, ເດັກນ້ອຍຕ່ຳກວ່າອາຍຸ 15 ປີ , ນັກບວດ,ນັກຮຽນ ແລະ ນັກສຶກ ສາພາຍໃນ ຫຼືຕ່າງປະເທດ ທີ່ຢູ່ໃນໄລຍະຂອງການຮຽນການສຶກ ສາ,ຜູ້ອອກແຮງງານປະຈຳໂຮງຈັກ ໂຮງງານ ຫຼື ວິສາຫະກິດ ແລະ ນັກລົງທຶນພາຍໃນ ຫຼືຕ່າງປະເທດ ທີ່ໄດ້ຮັບອະນຸຍາດອອກແຮງງານ ຫຼື ລົງທືນຢ່າງຖຶກຕ້ອງທີ່ຖືໜັງສືເດີນທາງ ເຂົ້າ - ອອກ ສ ປປ ລາວ ໄດ້ຫລາຍຄັ້ງ , ນັກຂັບຂີ່ພາຍໃນຫຼື ຕ່າງປະເທດ ຂັບຂີ່ພາຫະນະໂດຍສານປະຈຳທາງ , ແພດ , ໝໍ, ນັກກູ້ໄພ ສຸກເສີນ , ເຈົ້າໜ້າທີ່ຮັກສາຄວາມປອດໄພ, ນັກການທູດ, ພະນັກງານປະຈຳສະຖານທູດ , ກົງສູນ ແລະ ເຈົ້າໜ້າທີລັດ ທີ່ໄດ້ຮັບອະນຸຍາດຢ່າງຖືກຕ້ອງ ຈາກທາງການ ( ແຕ່ຕ້ອງມີໜັງສືຢັ້ງຢືນຈາກອົງການທີ່ກ່ຽວຂ້ອງ ).

ຂ່າວ: ວິທະຍຸແຂວງສະຫວັນນະເຂດ