ບໍລິສັດ ພູເບ້ຍ ມາຍນິງ ວາງສະແດງ ຕົວຢ່າງແຮ່ທາດຢູ່ ຫໍວາງສະແດງສໍານັກງານປະທານປະເທດ

ບໍລິສັດ ພູເບ້ຍ ມາຍນິງ (PBM) ໄດ້ມອບຫີນຕົວຢ່າງແຮ່ທອງ ແລະ ຄໍາ, ແລະ ໂລໂກຂອງບໍລິສັດ ພູເບ້ຍ ມາຍນິງທີ່ເຮັດຈາກຄໍາແທ້ 99 ເປີເຊັນ ໃຫ້ກະຊວງ ພະລັງງານ ແລະ ບໍ່ແຮ່ ໃນລະຫວ່າງພິທີມອບ-ຮັບຢູ່ກົມຄຸ້ມຄອງບໍ່ແຮ່ໃນວັນທີ 4 ພະຈິກ. ຕົວຢ່າງແຮ່ຂອງບໍລິສັດ ແມ່ນໜຶ່ງໃນຜະລິດຕະພັນແຮ່ທາດຂອງລາວ ເຊິ່ງຈະຈັດວາງສະແດງຖາວອນຢູ່ ຫໍວາງສະແດງສໍານັກງານປະທານປະເທດ ໃນ ນະຄອນຫຼວງວຽງຈັນ.

ຄໍາແທ້ 99 ເປີເຊັນຂອງບໍລິສັດ ມີນໍ້າໜັກ 30ກຣາມ (2 ບາດ) ແລະ ແກະສະລັກເປັນຮູບຂອງໂລໂກບໍລິສັດ ພູເບ້ຍ ມາຍນິງ. ຫີນຕົວຢ່າງ ແລະ ກະບອກແຮ່ທອງ ໄດ້ສົ່ງມາຈາກບໍ່ເປີດຂອງໂຄງການຂຸດຄົ້ນ-ປຸງແຕ່ງທອງ-ຄໍາ ພູຄໍາ. ຫີນແຮ່ທອງ ມີສ່ວນຜະສົມຂອງແຮ່ຄານໂກພາຍໄຣ (CuFeS2) – ແຮ່ບໍໄນ(Cu5FeS4) ± ແຮ່ໂຄເວີໄລ(CuS) ທີ່ບັນຈຸຢູ່ໃນຫີນເຖົ່າຖ່ານພູເຂົາໄຟທີ່ຖືກປ່ຽນແປງແຮ່ທາດດ້ວຍຮູບແບບຟີລິກ (ຄວດສ໌– ຊີລິໄຊທ໌– ພາຍໄຣທ໌). ເກຼດແຮ່ສະເລ່ຍແຮ່ທອງຂອງຕົວຢ່າງແຮ່ ມີແຕ່ 1 ຫາ 5ເປີເຊັນ. ກະບອກແຮ່ທອງແຮ່ເພີໄຣສ່ວນໃຫຍ່ປະສົມແຮ່ຄານໂກພາຍໄຣ (CuFeS2) ແລະ ແຮ່ບໍໄນ (Cu5FeS4) ຂະໜາດຍ່ອຍ.

ຢູ່ໂຄງການຂຸດຄົ້ນ-ປຸງແຕ່ງຄໍາ-ເງິນ ບ້ານຫ້ວຍຊາຍ, ຕົວຢ່າງຫີນຄໍາ ໄດ້ມາຈາກບໍ່ບ້ານຫ້ວຍຊາຍທາງກາງໃນຊັ້ນທີ 1 ເຊິ່ງມີສ່ວນປະສົມຂອງສາຍແວນຂອງແຮ່ຄວດຂະຫນາດຍ່ອຍ ທີ່ແຊກຢູ່ໃນຫີນພູເຂົາໄຟທທີ່ມີເນື້ອເປັນຜລຶກ.ແຮ່ພາຍໄຣ (FeS2) ທີ່ມີລັກສະນະກະຈາຍຕົວຢູ່ຕາມເນື້ອຫີນ. ເກຼດຂອງຕົວຢ່າງແຮ່ ມີແຮ່ຄໍາແຕ່ 0.5 ຫາ 3ກຣາມຕໍ່ໂຕນ ແລະ ມີແຮ່ເງິນໜ້ອຍກວ່າ 20ກຣາມຕໍ່ໂຕນ. ມູນຄ່າຄາດຄະເນຂອງຫີນຕົວຢ່າງ ແລະ ຄໍາແທ້ ແມ່ນປະມານສີ່ພັນໂດລາສະຫະລັດ.

ທ່ານ ດາລິງ ເຊັງ, ຜູ້ອໍານວຍການໃຫຍ່ ແລະ ປະທານບໍລິຫານຂອງບໍລິສັດ ແພນອອສ໌, ໄດ້ກ່າວເຖິງການປະກອບສ່ວນຂອງເຂດດໍາເນີນງານຂອງບໍລິສັດ ພູເບ້ຍ ມາຍນິງ ຕໍ່ມໍລະດົກແຮ່ທາດຂອງລາວ.

“ຫີນຕົວຢ່າງ ໄດ້ມາຈາກເຂດດໍາເນີນງານລະດັບໂລກຂອງບໍລິສັດ ພູເບ້ຍ ມາຍນິງ ແລະ ເປັນຕົວແທນຄວາມມຸ່ງໝັ້ນຂອງບໍລິສັດ ພູເບ້ຍ ມາຍນິງ ເພື່ອສ້າງຜົນກະທົບດ້ານດີຕໍ່ເສດຖະກິດ ແລະ ສັງຄົມສໍາລັບລັດຖະບານ ແລະ ປະຊາຊົນລາວ.

“ບັນດາແຂກລັດຖະບານກິຕິມະສັກ ແລະ ປະມຸກລັດ ທີ່ຢ້ຽມຢາມຫໍວາງສະແດງສໍານັກງານປະທານປະເທດ ຍັງຈະຮູ້ມູນມໍລະດົກອັນຍາວນານຂອງບໍລິສັດ ແພນອອສ໌, ເປັນສ່ວນໜຶ່ງຂອງບໍລິສັດ ກວາງດົງ ຣາຍຊິງ ໂຮນດີ້ງ ກຣຸບ ແລະ ພ້ອມທັງແລກປ່ຽນມໍລະດົກການຂຸດຄົ້ນແຮ່ຢູ່ໃນບັນດາຊຸມຊົນທ້ອງຖິ່ນຢູ່ແຂວງ ໄຊສົມບູນ.”

ທ່ານ ຈັນເພັງ ບຸນນະຜົນ, ປະທານບໍລິສັດ ພູເບ້ຍ ມາຍນິງ, ໄດ້ໃຫ້ຮູ້ຕື່ມອີກວ່າ “ຫີນຕົວຢ່າງແຮ່ທອງຈາກ ພູຄໍາ ແລະ ແຮ່ຄໍາຈາກບ້ານຫ້ວຍຊາຍ ຍັງມີຄວາມສໍາຄັນສໍາລັບການແລກປ່ຽນຄວາມຮູ້ ແລະ ການຮຽນຮູ້ຄວາມອຸດົມຮັ່ງມີດ້ານແຮ່ທາດຂອງປະເທດ ເຊິ່ງມີການຈັດສະແດງທີ່ມີຄຸນຄ່າຢູ່ຫໍວາງສະແດງ.”

แชร์