ງານວາງສະແດງສີລະປະ ການກຸສົນພາຍໃຕ້ຫົວຂໍ້: "ຄວາມຫວັງ"

ງານວາງສະແດງສີລະປະ ການກຸສົນພາຍໃຕ້ຫົວຂໍ້: "ຄວາມຫວັງ" ບໍລິສັດຕາຂ່າຍໄຟຟ້າພາກໃຕ້ຈີນແມ່ນ້ຳຂອງແມ່ນ້ຳລ້ານຊ້າງສາກົນຈຳກັດ ແລະ LCAE ໄດ້ຮ່ວມກັນຈູດປະກາຍສະຫວ່າງແຫ່ງຄວາມຝັນທາງດ້ານສີລະປະຂອງເດັກນ້ອຍພິເສດໃນ ສປປ ລາວ

ວັນທີ 31 ເດືອນຕຸລາຜ່ານມານີ້,ງານວາງສະແດງສິລະປະຮ່ວມສະໄໝລາວຄັ້ງທຳອິດ (LCAE) ໄດ້ໄຂຂຶ້ນຢູ່ນະຄອນ ຫຼວງວຽງຈັນ, ງານວາງສະແດງດັ່ງກ່າວໄດ້ຖືເອົາ "ຄວາມຫວັງ" ເປັນຫົວຂໍ້ຂອງຕົນ ແລະ ຄົ້ນຄວ້າຫຼາຍບັນຫາຂອງສັງຄົມ, ວັດທະນະທຳ ແລະ ຄວາມຫວັງຢ່າງເລິກເຊິ່ງໂດຍຜ່ານຮູບແບບສີລະປະທີ່ຫຼາກຫຼາຍສີສັນ. ບໍລິສັດຕາຂ່າຍໄຟຟ້າພາກໃຕ້ຈີນແມ່ນ້ຳຂອງແມ່ນ້ຳລ້ານຊ້າງສາກົນຈຳກັດໃນຖານະທີ່ເປັນຜູ້ສະໜັບສະໜູນຫຼັກ ແລະ ຄູ່ຮ່ວມງານພິເສດຂອງງານດັ່ງກ່າວ, ໄດ້ສະໜັບສະໜູນການສຶກສາຂອງ ສປປ ລາວຢ່າງຕັ້ງໜ້າ ແລະ ສົ່ງເສີມການພົບປະແລກປ່ຽນວັດທະນະທຳລະຫວ່າງລາວ-ຈີນ ມາເປັນເວລາຫຼາຍປີ.

ງານວາງສະແດງຄັ້ງນີ້ ບໍ່ພຽງແຕ່ໄດ້ເຕົ້າໂຮມບັນດາກຳລັງແນວໜ້າດ້ານສີລະປະຍຸກສະໄໝຂອງລາວ, ແຕ່ຍັງສະ ແດງໃຫ້ເຫັນເຖິງຜົນງານການປະດິດສ້າງຂອງເດັກພິການຫູຈາກສູນການສຶກສາເດັກພິເສດ “ມືແຫ່ງຄວາມຫວັງ” ແລະ ບັນດານັກສີລະປິນໜຸ່ມໃນທ້ອງຖິ່ນນະຄອນຫຼວງວຽງຈັນ. ເຂົາເຈົ້ານຳໃຊ້ບັນດາຮູບແບບສີລະປະເຊັ່ນ: ສໍແຕ້ມຮູບ ແລະເຄື່ອງຫັດຖະກຳອື່ນຯເພື່ອຖ່າຍທອດຄວາມງາມ ແລະ ຄວາມອ່ອນໂຍນໃນໃຈຂອງເຂົາເຈົ້າໃຫ້ແກ່ຜູ້ຊົມໂດຍຜ່ານກາຟິກ ແລະ ສີສັນ. ຜົນງານເຫຼົ່ານີ້ແມ່ນເຕັມໄປດ້ວຍຄວາມໄຮ້ດຽງສາຂອງການເປັນເດັກ ແລະ ຄວາມຄິດສ້າງສັນ, ເປັນການສັງເກດ ແລະຈິນຕະນາການຂອງເດັກນ້ອຍທີ່ມີຕໍ່ໂລກ, ທັງເປັນຄວາມຄາດຫວັງຂອງພວກເຂົາ ໃນອະນາຄົດອີກດ້ວຍ.

ສູນການສຶກສາ "ມືແຫ່ງຄວາມຫວັງ" ສໍາລັບເດັກນ້ອຍພິເສດນີ້ ແມ່ນບໍລິສັດຕາຂ່າຍໄຟຟ້າພາກໃຕ້ຈີນແມ່ນ້ຳຂອງແມ່ນ້ຳລ້ານຊ້າງສາກົນຈຳກັດເປັນຫນ່ວຍງານສະຫນັບສະຫນູນຕົ້ນຕໍຂອງຂະບວນການການກຸສົນທີ່ມີຫົວຂໍ້ວ່າ: "ແສງສະຫວ່າງແຫ່ງຄວາມຫວັງ". ການເຄື່ອນໄຫວດັ່ງກ່າວແມ່ນແນໃສ່ເພື່ອການສະໜັບສະໜູນການສຶກສາຂອງ ສປປ ລາວ ແລະ ຊຸກຍູ້ການແລກປ່ຽນວັດທະນະທຳລະຫວ່າງ ລາວ-ຈີນ. ນັບຕັ້ງແຕ່ການເປີດຕົວໃນຄັ້ງວັນທີ 14 ເດືອນມັງກອນ ປີ 2023 ເປັນຕົ້ນມາ, ກິດຈະກໍາດັ່ງກ່າວໄດ້ຈັດຂຶ້ນຢູ່ປະເທດລາວ ຢ່າງສໍາເລັດຜົນເຖິງ 6 ຄັ້ງ, ເປັນການລວມເອົາກໍາລັງໃຈຈາກປະຊາຊົນທຸກຊັ້ນຄົນ ເພື່ອສະໜອງອຸປະກອນການສຶກສາ ແລະ ສົ່ງເສີມການຂະຫຍາຍຕົວໃຫ້ແກ່ໂຮງຮຽນ ແລະ ສະຖາບັນການສຶກສາພາຍໃນສາມແຫ່ງນີ້, ງານວາງສະແດງສີລະປະໃນຄັ້ງນີ້ເປັນສ່ວນຫນຶ່ງທີ່ສໍາຄັນຂອງຊຸດກິດຈະກໍາເຫຼົ່ານີ້.

ຜູ້ຕາງຫນ້າ ບໍລິສັດຕາຂ່າຍໄຟຟ້າພາກໃຕ້ຈີນແມ່ນ້ຳຂອງແມ່ນ້ຳລ້ານຊ້າງສາກົນ ຈຳກັດກ່າວວ່າ: “ຜ່ານງານວາງ ສະແດງຄັ້ງນີ້,ພວກເຮົາຫວັງວ່າຈະສະແດງເຖິງຄວາມຮັກ ແລະ ຄວາມເປັນຫ່ວງເປັນໄຍຂອງພວກເຮົາຕໍ່ກັບເດັກນ້ອຍພິເສດນີ້, ນຳໃຊ້ພະລັງສີລະປະເພື່ອເສີມສ້າງຄວາມເຊື່ອໝັ້ນຕົນເອງ ແລະຊ່ວຍເຫຼືອເຂົາເຈົ້າໃຫ້ດີຂຶ້ນ. ຊ່ວຍໃຫ້ພວກເຂົາເຊື່ອມໂຍງເຂົ້າກັບສັງຄົມໄດ້ດີຂຶ້ນ,ການປະດິດສ້າງຂອງງານວາງສະແດງແມ່ນຢູ່ໃນການລວບລວມຄວາມຄິດສ້າງສັນຂອງເດັກ ນ້ອຍພິເສດກັບການປະຕິບັດຄວາມຮັບຜິດຊອບຕໍ່ສັງຄົມຂອງບໍລິສັດ, ບັນລຸການພົວພັນຢ່າງກວ້າງຂວາງກັບສັງຄົມໂດຍຜ່ານສື່ມວນຊົນຮູບແບບໃຫມ່ ແລະ ຮູບແບບສີລະປະທີ່ຫຼາກຫຼາຍສີສັນ. ໃນອະນາຄົດ, ບໍລິສັດຈະສືບຕໍ່ມຸ່ງຫມັ້ນທີ່ຈະສົ່ງເສີມ ການຮ່ວມມື ແລະ ແລກປ່ຽນດ້ານວັດທະນະທຳລະຫວ່າງລາວ-ຈີນ, ພວກຂ້າພະເຈົ້າຫວັງວ່າຈະສ້າງການພົວພັນດ້ານມະນຸດສະທຳ, ສີລະປະ ແລະ ວັດທະນະທຳທີ່ເລິກເຊິ່ງກວ່າເກົ່າກັບທຸກລະດັບຂອງສັງຄົມລາວ, ເພື່ອປະກອບສ່ວນເຂົ້າໃນການພັດທະນາການສຶກສາ ແລະ ສີລະປະຢູ່ ສປປລາວ.”

แชร์