ປັດຈຸບັນຊາວກະສິກອນໃນທົ່ວແຂວງຄໍາມ່ວນ ເກັບກູ້ຜົນຜະລິດພືດລະດູຝົນໄດ້ແລ້ວ 4,418 ເຮັກຕາ
ໃນລະດູການປູກພືດລະດູຝົນປີ 2024 ທົ່ວແຂວງຄໍາມ່ວນ ມີເນື້ອທີ່ແຜນການປູກພືດລວມທັງໝົດ 13,261 ເຮັກຕາ, ຄາດຄະເນຜົນຜະລິດ 213,831 ເຮັກຕາ. ໃນນັ້ນ, ເນື້ອທີ່ແຜນການປູກພືດເພື່ອເປັນສະບຽງອາຫານ 2,534 ເຮັກຕາ, ຄາດຄະເນຜົນຜະລິດ 27,204 ໂຕນ, ເນື້ອທີ່ແຜນການປູກພືດເພື່ອເປັນສິນຄ້າ 10,727 ເຮັກຕາ, ຄາດຄະເນຜົນຜະລິດ 186,627 ໂຕນ.
ຜ່ານການຈັດຕັ້ງປະຕິບັດເນື້ອທີ່ປູກພືດລວມທັງໝົດໄດ້ 22,769 ເຮັກຕາ, ເນື້ອທີ່ເສຍຫາຍຈາກນໍ້າຖ້ວມ 603 ເຮັກຕາ, ເນື້ອທີ່ຍັງເຫຼືອ 22,166 ເຮັກຕາ. ໃນນີ້, ເນື້ອທີ່ແຜນການປູກພືດເພື່ອເປັນສະບຽງອາຫານ ປະຕິບັດໄດ້ຕົວຈິງ 2,528 ເຮັກຕາ, ເນື້ອທີ່ເສຍຫາຍ 65 ເຮັກຕາ, ເນື້ອທີ່ຍັງເຫຼືອ 2,463 ເຮັກຕາ; ເນື້ອທີ່ແຜນການປູກພືດເພື່ອເປັນສິນຄ້າປະຕິບັດໄດ້ຕົວຈິງ 20,241 ເຮັກຕາ, ເນື້ອທີ່ເສຍຫາຍ 538 ເຮັກຕາ, ເນື້ອທີ່ຍັງເຫຼືອ 19,703 ເຮັກຕາ.
ມາຮອດປະຈຸບັນການເກັບກູ້ພືດລວມປະຕິບັດໄດ້ 4,418 ເຮັກຕາ ເທົ່າກັບ 19.93 % . ໃນນີ້, ພືດເພື່ອເປັນສະບຽງອາຫານເກັບກູ້ໄດ້ 355 ເຮັກຕາ ເທົ່າກັບ 14.42 %; ພືດເພື່ອເປັນສິນຄ້າເກັບກູ້ໄດ້ 4,062 ເຮັກຕາ ເທົ່າກັບ 20.62 %.
ພ້ອມກັນນັ້ນຊາວກະສິກອນໃນຈໍານວນ 2 ເມືອງຂອງແຂວງຄໍາມ່ວນຄື: ເມືອງນາກາຍ ແລະ ເມືອງບົວລະພາໄດ້ປູກເຂົ້າເນີນສູງສໍາເລັດໃນເນື້ອທີ່ 308 ເຮັກຕາ.
ໃນນັ້ນ ເມືອງບົວລະພາ 130 ເຮັກຕາ ແລະ ເມືອງນາກາຍ 178 ເຮັກຕາ.
ສ່ວນວ່າເມືອງທີ່ມີເນື້ອທີ່ແຜນການປູກພືດລວມຫຼາຍກວ່າໝູ່ ແມ່ນເມືອງໄຊບົວທອງ, ເມືອງຄູນຄໍາ, ເມືອງຍົມມະລາດ, ເມືອງນາກາຍ ແລະ ເມືອງທ່າແຂກ.
ທີ່ມາ: ຂ່າວແຂວງຄໍາມ່ວນ
