ສໍາເລັດການປະກວດໂລໂກ້ ສະເຫຼີມສະຫຼອງສູນວັດທະນະທໍາຈີນ ປະຈໍາ ສປປ ລາວ ຄົບຮອບ 10 ປີ

ສູນວັດທະນະທໍາຈີນ ປະຈໍາ ສປປ ລາວ ໄດ້ຈັດພິທີມອບລາງວັນການປະກວດໂລໂກ້ ສະເຫຼີມສະຫຼອງສູນວັດທະນະທໍາຈີນ ປະຈໍາ ສປປ ລາວ ຄົບຮອບ 10 ປີຂື້ນໃນວັນທີ 31 ຕຸລາ 2024, ພາຍໃນງານໃຫ້ກຽດຂື້ນມອບໃບກຽດຕິຄຸນໂດຍ ທ່ານ ນາງ ຫຼີ​ ຢີ່ຜິງ ຫົວໜ້າສູນວັດທະນະທໍາຈີນ ປະຈໍາ ສປປ ລາວ ໃຫ້ແກ່ ທ່ານ ສັນໄຊ ດວງຈັນທາ ຜູ້ທີ່ໄດ້ຮັບລາງວັນຊະນະເລີດ ການປະກວດໂລໂກ້ ສະເຫຼີມສະຫຼອງສູນວັດທະນະທໍາຈີນ ປະຈໍາ ສປປ ລາວ ຄົບຮອບ 10. ປີ ພ້ອມດວ້ຍຕົວແທນຜູ້ໄດ້ຮັບລາງວັນດີເດັ່ນ 3 ທ່ານ.​

ວັນທີ 3 ພະຈິກ 2024 ແມ່ນວັນສ້າງຕັ້ງສູນວັດທະນະທໍາຈີນ ຄົບຮອບ 10 ປີ. ໃນໄລຍະເດືອນກໍລະກົດ ເຖິງເດືອນ ກັນຍາທີ່ຜ່ານມາ ສູນວັດທະນະທໍາຈີນໄດ້ມີການຈັດການປະກວດໂລໂກ້ ສະເຫຼີມສະຫຼອງສູນວັດທະນະທໍາຈີນ ປະຈໍາ ສປປ ລາວ ຄົບຮອບ 10 ປີຂື້ນ, ເຊິ່ງຜົນງານຂອງທ່ານ ສັນໄຊ ດວງຈັນທາ ໄດ້ຮັບລາງວັນຊະນະເລີດ ແລະ ຜົນງານຂອງລາວຈະຖືກນໍາໃຊ້ເຂົ້າໃນການໂຄສະນາເຜີຍແຜ່ໃນກິດຈະກໍາສະເຫຼີມສະຫຼອງຄົບຮອບ 10 ປີຂອງສູນ.
ຂ່າວຈາກ: ສູນວັດທະນະທໍາຈີນປະຈໍາລາວ

แชร์