ສໍານັກງານກວດສອບແຂວງກວ່າງຕຸ້ງ ຢ້ຽມຢາມໂຄງການຂອງບໍລິສັດ ພູເບ້ຍ ມາຍນິງ

ບໍລິສັດ ພູເບ້ຍ ມາຍນິງ ໄດ້ຮັບກຽດຕ້ອນຮັບຄະນະຕົວແທນຈາກສໍານັກງານກວດສອບແຂວງກວ່າງຕຸ້ງ (GDPAO) ແລະບໍລິສັດ ກວ່າງດົງ ຣາຍຊິງ ໂຮລດິງ ກຼຸບ (GDRH) ຊຶ່ງເປັນຜູ້ຖືຮຸ້ນຂອງພວກເຮົາ ນັບແຕ່ວັນທີ 21 ຫາ 26 ຕຸລາຜ່ານມາ. ວັດຖຸປະສົງຂອງການມາຢ້ຽມຢາມຂອງຄະນະດັ່ງກ່າວ ແມ່ນເພື່ອກວດກາການຜະລິດ ແລະການດໍາເນີນການຂຸດຄົ້ນ, ແລະເພື່ອປະເມີນຊັບສິນໃນການຂຸດຄົ້ນຂອງບໍລິສັດ ພູເບ້ຍ ມາຍນິງ ປະຈໍາປີ ຊຶ່ງເປັນສ່ວນໜຶ່ງຂອງບໍລິສັດ ແພນອອສ໌, ແລະເປັນບໍລິສັດໃນເຄື່ອຂອງ (GDRH).

ສະມາຊິກຂອງຄະນະດັ່ງກ່າວ ລວມມີທ່ານ ນາງ ຈົງ ເອີຮຸຍ (Zhong Erhui), ນັກກວດສອບຂັ້ນ II ຂອງ GDPAO ແລະ ທ່ານ ຫຼານ ຣູໜິງ (Lan Runing), ຮອງປະທານບໍລິສັດ ກວ່າງດົງ ຣາຍຊິງ ໂຮລດິງ ກຼຸບ (GDRH). ທ່ານ ຫວູ່ ທາວ (Tao Wu), ປະທານບໍລິສັດ ແພນອອສ໌ ແລະ ຮອງປະທານກຸ່ມບໍລິສັດ ກວ່າງດົງ ຣາຍຊິງ ນັນເຟີຣັສ໌ ມາຍນິງ ກຼຸບ (GRNMG) ແລະ ທ່ານ ດາລິງ ເຊັງ, ຜູ້ອໍານວຍການໃຫຍ່ ແລະ ປະທານບໍລິຫານຂອງບໍລິສັດ ແພນອອສ໌, ກໍ່ໄດ້ຮ່ວມເດີນທາງກັບຄະນະດັ່ງກ່າວເພື່ອໄປຢ້ຽມຢາມໂຄງການຂຸດຄົ້ນ-ປງຸແຕ່ງ ທອງ-ຄໍາ ພູຄໍາ ແລະ ໂຄງການຂຸດຄົ້ນ-ປງຸແຕ່ງ ຄໍາ-ເງິນ ບ້ານຫ້ວຍຊາຍ.

ໃນລະຫວ່າງການຢ້ຽມຢາມໂຄງການ ພູຄໍາ ແລະ ບ້ານຫ້ວຍຊາຍ, ຄະນະດັ່ງກ່າວໄດ້ທ່ຽວຊົມຫ້ອງຄວບຄຸມທີ່ທັນສະໄໝ, ໂຮງງານຜະລິດ-ປຸງແຕ່ງ, ບໍ່ເປີດ, ແລະ ໂຄງການໃຕ້ດິນ ແລະ ພາກຂະຫຍາຍບ້ານຫ້ວຍຊາຍ. ນອກຈາກນັ້ນ ທາງຄະນະກໍ່ໄດ້ຮັບຟັງການລາຍງານສະພາບລ້າສຸດກ່ຽວກັບແຜນງານປະຕິບັດທີ່ດີເລີດລະດັບສາກົນໃນການດູແລ ແລະຄຸ້ມຄອງສິ່ງແວດລ້ອມການຝຶກອົບຮົມ ແລະພັດທະນາບຸກຄະລາກອນໃຫ້ພະນັກງານຄົນລາວ ແລະການປະກອບສ່ວນທາງດ້ານເສດຖະກິດ-ສັງຄົມໃຫ້ແກ່ບັນດາຊຸມຊົນທ້ອງຖິ່ນ. ຄະນະຢ້ຽມຢາມຍັງໄດ້ເຫັນຕົວຢ່າງຕ່າງໆຢູ່ບັນດາເຂດດໍາເນີນງານຂອງບໍລິສັດ ພູເບ້ຍ ມາຍນິງວ່າທີມງານຕ່າງໆກໍາລັງຈັດຕັ້ງປະຕິບັດ ແລະນໍາເອົາຄຸນນະທໍາຫຼັກຂອງ GDRH ວ່າດ້ວຍການສຸມໃສ່,ການປະຕິບັດ, ນະວັດຕະກໍາ, ເຕັກໂນໂລຊີ ແລະວາງຄົນເປັນທີ່ຕັ້ງມາໃຊ້ໃນຄວາມພະຍາຍາມຂອງພວກເຂົາເພື່ອປັບປຸງຂັ້ນຕອນຕ່າງໆ ແລະປະສິດທິພາບຢ່າງຕໍ່ເນື່ອງທົ່ວບໍລິສັດ.

ທ່ານ ດາລິງ ເຊັງ, ຜູ້ອໍານວຍການໃຫຍ່ ແລະປະທານບໍລິຫານຂອງບໍລິສັດ ແພນອອສ໌, ໄດ້ກ່າວເຖິງການຢ້ຽມຢາມທີ່ສໍາຄັນຂອງສໍານັກງານກວດສອບແຂວງກວ່າງຕຸ້ງໃນຄັ້ງນີ້.

“ນີ້ແມ່ນຄັ້ງທໍາອິດຂອງ GDPAO ທີ່ເດີນທາງມາປະເທດລາວ ຊຶ່ງເປັນສໍານັກງານຊີ້ນໍາ ແລະຄຸ້ມຄອງຈາກລັດຖະບານແຂວງກວ່າງຕຸ້ງຂອງຈີນ.

“ການຢ້ຽມຢາມໂຄງການຂອງບໍລິສັດ ພູເບ້ຍ ມາຍນິງ ເປັນເວລາສາມມື້ນີ້ ຊ່ວຍໃຫ້ຄະນະດັ່ງກ່າວໄດ້ເຫັນຕົວຈິງວ່າບໍລິສັດ ກວ່າງດົງ ຣາຍຊິງ ໂຮລດິງ ກຼຸບ ສືບຕໍ່ປະຕິບັດ ແລະ ຮັກສາການປະຕິບັດຕາມລະບຽບການລົງທຶນລັດວິສາຫະກິດຈີນ ແລະ ບັນດາຂໍ້ກໍານົດໃນການຄຸ້ມຄອງຂອງລັດຖະບານລາວ.”

ທ່ານ ຈັນເພັງ ບຸນນະຜົນ, ປະທານບໍລິສັດ ພູເບ້ຍ ມາຍນິງ, ໄດ້ໃຫ້ຮູ້ຕື່ມອີກວ່າ “ທ່ານນາງ ຈົງ ເອີຮຸຍ ຍັງໄດ້ເຫັນໂອກາດຕ່າງໆທາງທຸລະກິດທີ່ດີຢູ່ລາວໃນຂະນະທີ່ດໍາເນີນການທົບທວນການລົງທຶນທີ່ມີຄຸນນະພາບຂອງບໍລິສັດ GDRH. ຄະນະດັ່ງກ່າວສໍາເລັດການຢ້ຽມຢາມດ້ວຍການສະໜັບສະໜູນອັນເຂັ້ມແຂງສໍາລັບການລົງທຶນຂອງລັດຈີນ ໃນປັດຈຸບັນ ແລະໃນຕໍ່ໜ້າ.”

แชร์