ເສບຢາບ້າຈົນຫຼອນ ນອນຢູ່ຕູບມີຄົນມາຫາເລື່ອງເລີຍຜິດຖຽງ ແລະ ຕີກັນຈົນມີຜູ້ເສຍຊີວິດ

ປກສ ແຂວງຄໍາມ່ວນ ລາຍງານວ່າ: ວັນທີ 29 ຕຸລາ 2024 ທີ່ຜ່ານມາເຈົ້າໜ້າທີ່ພະແນກສືບສວນສອບສວນໄດ້ນໍາຕົວຜູ້ຖືກຫາໃນຄະດີຄາດຕະກຳລົງເຮັດແຜນທົດສະກຳເພື່ອປະກອບຄຳຮັບສາລະພາບ.
ເຈົ້າໜ້າທີ່ ປກສ ແຂວງໃຫ້ຮູ້ວ່າ ເຫດການເກີດຂຶ້ນ ວັນທີ 20 ສິງຫາຜ່ານມາ ເນື່ອງຈາກມີເຫດຄາຕະກໍາ ມີຜູ້ເສຍຊີວິດ 1 ຄົນ ຊື່ ທ້າວ ແຄນຊີດໍ ລາຊະວົງ ອາຍຸ 42 ປີ, ປະຊາຊົນ ບ້ານດອນຂຽວ ເມືອງໜອງບົກ ແລະ ບາດເຈັບສາຫັດ 1 ຄົນ ຊື່ ທ້າວ ຈ່ອຍ ລິນດາ ອາຍຸ 25 ປີ ອາຊີບປະຊາຊົນ ຢູ່ບ້ານນານ້ອຍ ເມືອງໄຊບົວທອງ ແຂວງ ຄໍາມ່ວນ, ຜ່ານການເກັບກຳຂໍ້ມູນຫຼັກຖານຢູ່ຈຸດເກີດເຫດ, ຊັນນະສູດຊາກສົບ ແລະ ເອົາຄຳໃຫ້ການຈາກປະຊາຊົນທີ່ຢູ່ໃກ້ຄຽງ ຈຶ່ງຮູ້ວ່າ: ທັງສອງແມ່ນເປັນກຳມະກອນຮັບຈ້າງເຜົາຖ່ານ.
ສ່ວນສາເຫດ ແລະ ແຮງຈູງໃຈແມ່ນຍ້ອນບັນຫາຢາເສບຕິດ ເພາະຜ່ານມາ ທ້າວ ຈ່ອຍ ລິນດາ (ຜູ້ບາດເຈັບ) ແມ່ນໄດ້ເຄື່ອນໄຫວພົວພັນເສບຢາເສບຕິດມາແຕ່ປີ 2019, ກ່ອນມື້ກໍ່ເຫດ 2 ວັນ ຜູ້ກ່ຽວໄດ້ໄປຊື້ຢາບ້ານຳຄົນຮູ້ຈັກຈຳນວນ 2 ເມັດມາເສບຄົນດຽວຈົນໝົດແລ້ວກັບມາບ່ອນເຮັດວຽກຈຶ່ງເຮັດໃຫ້ທ້າວ ແຄນຊິດໍ (ຜູ້ເສຍຊີວິດ) ຈົ່ມວ່າໃຫ້ເກີດການຜິດຖຽງກັນຢ່າງຮຸນແຮງຈົນກາຍເປັນເຫດຄາຕະກຳໃນຄັ້ງນີ້.

แชร์