ການແກ້ໄຂລະເບີດບໍ່ທັນແຕກທີ່ຕົກຄ້າງຢູ່ ເມືອງພູວົງ ແຂວງອັດຕະປື

ວັນທີ 31 ຕຸລາ 2024, ຄະນະກໍາມະການແກ້ໄຂບັນຫາລະເບີດບໍ່ທັນແຕກຂັ້ນແຂວງອັດຕະປື ໄດ້ເຄື່ອນໄຫວຢ້ຽມຢາມສະໜາມປະຕິບັດງານຢູ່ບ້ານນໍາກົງ ເມືອງພູວົງ.

ໃນການລົງເຄື່ອນໄຫວຈັດຕັ້ງປພຕິບັດງານຄັ້ງນີ້ແມ່ນເປັນສະໜາມທີ 005, ເປັນດິນປະເພດກະສິກຳຂອງພໍ່ແມ່ປະຊາຊົນ ແລະ ໄດ້ລົງກວດກູ້ໃນເນື້ອທີ່ທັງໝົດ 36008 m² ຂອງບ້ານນໍ້າກົງ, ເມືອງພູວົງ ເຊິ່ງໄດ້ເລີ່ມປະຕິບັດງານແຕ່ວັນທີ 29/8/2024, ຈົນມາຮອດວັນທີ 30/10/2024 ສາມາດກວດກູ້ເນື້ອທີ່ໄດ້ 11,985 m² ເທົ້າກັບ 33%, ໃນນັ້ນໄດ້ກວດພົບລະເບີດບໍ່ທັນແຕກ 7 ໜ່ວຍ, ເປັນປະເພດ BLU26=3ໜ່ວຍ, BLU42=4 ໜ່ວຍ, ໃນນີ້ຄາດຄະເນການສໍາເລັດແມ່ນ 23/12/2024.

ຄະນະກໍາມະການຄຸ້ມຄອງ ເພື່ອແກ້ໄຂບັນຫາລະເບີດບໍ່ທັນແຕກຂັ້ນແຂວງ ໄດ້ໃຫ້ທິດຊີ້ນໍາຕໍ່ທີມງານປະຕິບັດງານພາກສະໜາມ ເອົາໃຈໃສ່ເພີ່ມທະວີຄວາມຮັບຜິດ ຊອບຕໍ່ການປະຕິບັດວຽກກງານ ການສໍາຫຼວດ ແລະ ກວດກູ້ລະເບີດ ໃນພື້ນທີ່ທໍາການຜະລິດຂອງພໍ່ແມ່ປະຊາຊົນ ເພື່ອໃຫ້ມີຄວາມປອດໄພໃນເວລາສົ່ງຄືນພື້ນທີ່ໃຫ້ປະຊາຊົນ, ພ້ອມນັ້ນ ຄະນະພັກອໍານາດການປົກຄອງຂອງເມືອງ ແລະ ບ້ານ ຈົ່ງເປັນເຈົ້າການໃຫ້ການຮ່ວມມື ຕໍ່ທີມງານປະຕິບັດງານພາກສະໜາມ ໂດຍການເປັນເຈົ້າການອໍານວຍຄວາມສະດວກໃນດ້ານຕ່າງໆ ພ້ອມກັນເປັນເຈົ້າການປຸກລະດົມຂວນຂວາຍ ໂຄສະນາຊ່ວຍທີມງານ ໃນການສ້າງຄວາມຮັບຮູ້ເຂົ້າໃຈເຖິງຜົນຮ້າຍ ແລະ ຄວາມເປັນອັນຕະລາຍຂອງລະເບີດບໍ່ທັນແຕກ.
ຂ່າວ-ພາບ: ມະນີວອນ

แชร์