ຫຼວງນໍ້າທາກຽມປະກາດພະທາດຫຼວງຈຽງຕືງ ເປັນມໍລະດົກແຫ່ງຊາດປະຈໍາທ້ອງຖີ່ນ

ກອງປະຊຸມປືກສາຫາລື ເພື່ອກະກຽມວຽກງານສະເຫຼີມສະຫຼອງພະທາດຫຼວງຈຽງຕືງ ແລະການປະກາດເປັນມໍລະດົກແຫ່ງຊາດປະຈໍາທ້ອງຖີ່ນເພືອສົ່ງເສີມປີທ່ອງທ່ຽວລາວ 2024 ໄດ້ຈັດຂຶ້ນໃນວັນທີ 29 ຕຸລານີ້ ຢູ່ທີຫ້ອງປະຊຸມຫ້ອງວ່າເມືອງສິງ ແຂວງຫຼວງນໍ້າທາ ໂດຍການເປັນປະທານຂອງທ່ານ ຊຽງວັນ ສົມລັດທອງ ຮອງເຈົ້າເມືອງໆສິງ.
 
ກອງປະຊຸມໄດ້ປະກອບຄໍາຄິດຄໍາເຫັນຢ່າງກົງໄປກົງມາໃນການກະກຽມຈັດງານສະເຫຼີມສະຫຼອງພະທາດຫຼວງຈຽງຕຶງ ທີ່ຈະປະກາດເປັນມໍລະດົກແຫ່ງຊາດປະຈຳທ້ອງຖີ່ນເພື່ອສົ່ງເສີມປີທ່ອງທ່ຽວລາວ 2024 ໃນອີກບໍ່ດົນນີ້ ໂດຍສະເພາະແມ່ນດ້ານເນື້ອໃນ, ສະຖານທີ່, ງົບປະມານ, ການວາງສະແດງສິນຄ້າ ແລະ ຊີມອາຫານພື້ນເມືອງ, ການຕ້ອນຮັບແຂກ ແລະ ຂະບວນການອື່ນໆ ໃນການຈັດງານບູນໃນຄັ້ງນີ້, ພ້ອມນີ້ໃນກອງປະຊຸມຍັງໄດ້ແລກປ່ຽນບົດຮຽນກ່ຽວກັບການວາງສີລາລືກການສ້າງພະເຈົ້າປາງພອນ ເພື່ອໃຫ້ຖືກຕ້ອງຕາມຮິດຄອງປະເພນີ ແລະການແກ້ໄຂສະຖານທີ່ທີ່ຈະສ້າງພະເຈົ້າຕື່ມອີກ.
ຂ່າວ: ກີ່ງແກ້ວ

แชร์