ຫຼຸດຜ່ອນຄວາມຮ້ອນໃຫ້ມືຖື ດ້ວຍສິ່ງທີ່ຢູ່ໃກ້ຕົວທ່ານ

ປົກກະຕິການໃຊ້ງານມືຖື ນັ້ນຖ້າເກີດຄວາມຮ້ອນຫຼາຍຄົນ ເລືອກທີ່ຈະພັກການເຮັດວຽກຂອງ ເຄື່ອງໄວ້ເລີຍ ໂດຍບໍ່ເຮັດຫຍັງແຕ່ ກໍອາດຈະເຮັດໃຫ້ຄວາມຮ້ອນຫຼຸດລົງແດ່ຫຼືບໍ່ຫຼຸດລົງແດ່ ຊຶ່ງຄັ້ງນີ້ຈະມາແນະນຳວິທີຫຼຸດຄວາມຮ້ອນມືຖື ດ້ວຍຮູບແບບທີ່ໃກ້ຕົວ ແລະທ່ານ ເອງກໍເຮັດໄດ້.

  1. ກົດປິດ Apps ທັງໝົດ: ວິທີທຳອິດຖືວ່າງ່າຍດາຍທີ່ສຸດລອງປິດ Application ບົນມືຖືທັງໝົດ ແລະປ່ອຍໄວ້ໄລຍະໜຶ່ງຈະພົບວ່າ ເຄື່ອງຈະເຢັນລົງເພາະ CPU ບໍ່ ຕ້ອງເຮັດວຽກໜັກ ແລະດຶງໄຟມາ ໃຊ້ງານຫຼາຍຈົນເກີນໄປນັ້ນເອງ ນອກຈາກຫຼຸດຄວາມຮ້ອນໄດ້ແລ້ວ ຍັງປະຢັດແບັດເຕີຣີໄດ້ອີກດ້ວຍ 2. ລອງໄປຢູ່ໃນບ່ອນອາກາດ ເຢັນໆ: ຫາກເຄື່ອງຮ້ອນ ແລະທ່ານ ໃຊ້ງານຢູ່ບ່ອນຮ້ອນກໍຈະບໍ່ເຮັດໃຫ້ຄວາມຮ້ອນຫຼຸດລົງໄດ້ລອງປ່ຽນ ສະຖານທີ່ເຊັ່ນໄປນັ່ງບ່ອນມີແອ ຫຼື ໄປຍ່າງຢູ່ຫ້າງຊັບພະສິນຄ້າ ຫຼື ຈະນັ່ງເຮັດວຽກໃນບ່ອນທີ່ເຢັນໜ້ອຍໜຶ່ງມືຖືກໍສາມາດຫຼຸດຄວາມຮ້ອນ ລົງໄດ້  3.  ປິດເປີດເຄື່ອງໃໝ່: ວິທີ ທີ່ໃກ້ຕົວທ່ານອີກແບບໜຶ່ງຄືການປິດເປີດເຄື່ອງໃໝ່ໂດຍປະໄວ້ປະ ມານ 1-2  ນາທີ  ເພື່ອໃຫ້ການທຳ ງານພາຍໃນເຄື່ອງໄດ້ພັກຜ່ອນຈະ ເຮັດໃຫ້ຄວາມຮ້ອນຂອງເຄື່ອງຫຼຸດ ລົງໄດ້ບໍ່ໜ້ອຍເລີຍ 4.ວາງໄວ້ໃກ້ໆ ກັບສິ່ງທີ່ມີອຸນຫະພູມຕໍ່າ: ສິ່ງຂອງ ທີ່ອຸນຫະພູມຕໍ່າໆນັ້ນຄືນ້ຳກ້ອນ ຈອກນ້ຳທີ່ມີຄວາມເຢັນ ຊຶ່ງຕ້ອງ ລະວັງຢ່າໃຫ້ຖືກນ້ຳອາດເກີດຄວາມເສຍຫາຍໄດ້ແຕ່ຖ້າມືຖືກັນນ້ຳໄດ້ ແນະນຳວ່າວິທີນີ້ຄ່ອນຂ້າງດີ ແລະ ບໍ່ເປັນອັນຕະລາຍ 5. ລົບ Apps ທີ່ມີການໃຊ້ຊັບພະຍາກອນເຄື່ອງ ອອກໄປ: ສຸດທ້າຍຖ້າທ່ານເຮັດວິທີຕ່າງໆແລ້ວແຕ່ເຄື່ອງກໍຍັງຮ້ອນຢູ່ແນະນຳວ່າການລົບ Apps ຫຼື ປິດ Apps ທີ່ມາກັບເຄື່ອງແຕ່ເຮົາ ບໍ່ໄດ້ໃຊ້ງານກໍເປັນອີກວິທີໜຶ່ງທີ່ດີບໍ່ໜ້ອຍ.

ຫາກທ່ານປ່ອຍໃຫ້ມືຖືຮ້ອນ ເລື້ອຍໆຈະມີຜົນເສຍທັງເຮັດໃຫ້ ຄວາມທົນທານຂອງເຄື່ອງຫຼຸດລົງ Mainboard ເກີດຄວາມເສຍຫາໄວຂຶ້ນ ແລະເປັນອັນຕະລາຍກັບ ແບັດເຕີຣີໄດ້ສະນັ້ນລອງປັບໃຊ້ ເບິ່ງວ່າຈະສາມາດເຮັດໃຫ້ເຄື່ອງ ເຢັນລົງໄດ້ຫຼາຍປານໃດຕໍ່ໄປ.

แชร์