ລົດເມພະລັງງານໃໝ່ ຈໍານວນ 28 ຄັນ ຈາກທັງໝົດ 55 ຄັນ ກໍາລັງຂົນສົ່ງມາລາວ

ລົດໄຟທີ່ບັນທຸກລົດເມພະລັງງານໃໝ່ 28 ຄັນຈາກຈີນ ໄດ້ອອກຈາກທ່າກຳປັ່ນຂົນສົ່ງສິນຄ້າທາງບົກ-ທະເລສາກົນ Dulaying ໃນເມືອງ Guiyang ແຂວງ Guizhou ໃນວັນທີ 28 ຕຸລານີ້ ເພື່ອເດີນທາງມານະຄອນຫຼວງວຽງຈັນຂອງລາວ.
 
ການຂົນສົ່ງຄັ້ງນີ້ເປັນການສົ່ງອອກໂດຍກົງຄັ້ງທຳອິດຂອງເມືອງກຸ້ຍໂຈ່ວທີ່ຂົນສົ່ງຂອງລົດເມພະລັງງານໃໝ່ທີ່ຜະລິດຢູ່ພາຍໃນຜ່ານທາງລົດໄຟຈີນ-ລາວ.ຊ່ອງທາງການຂົນສົ່ງທາງລົດໄຟໃໝ່ນີ້ຜ່ານທາງລົດໄຟ ຈີນ-ລາວ ເຊິ່ງເປັນເສັ້ນ ທາງທີ່ມີປະສິດທິພາບໃນການສົ່ງອອກລົດຍົນຂອງກຸ້ຍໂຈ່ວມາລາວ, ອຳນວຍຄວາມສະດວກໃຫ້ແກ່ການຄ້າ ແລະ ການຮ່ວມມືໃນຕໍ່ໜ້າ. ຄາດວ່າລົດເມຈະມາຮອດນະຄອນຫຼວງວຽງຈັນພາຍໃນ 7 ວັນ.
 
ທັງໝົດນີ້ແມ່ນຊຸດທໍາອິດໃນຈໍານວນ ລົດເມພະລັງງານໃໝ່ 55 ຄັນຈະຖືກສົ່ງ ມາລາວເປັນ 2 ຂະບວນ, ຊຸດທີສອງຈະບັນທຸກລົດໂດຍສານອີກ 27 ຄັນ ທີ່ກຳນົດອອກເດີນທາງໃນວັນອັງຄານນີ້.
ທີ່ມາ: CGTN
 
 

แชร์