ດາວໂຫລດແອັບແທັກຊີ AI TAXI ໄດ້ແລ້ວ ທີ່ APP STORE ຊີວິດການເດີນທາງຂອງທ່ານຈະງ່າຍຂື້ນ

ຖືເປັນຂ່າວດີ ສຳລັບນັກເດີນທາງບໍລິການປະຈຸບັນທາງສາມາດດາວໂຫລດແອັບແທັກຊີ AI TAXI ໄດ້ແລ້ວ ທີ່ APP STORE ທີ່ສຳຄັນໄດ້ຮັບຄວາມປອດໄພສູງ ຈາກບໍລິສັດ ວີເຄກຣຸບ ການຄ້າຂາອອກ-ຂາເຂົ້າຈຳກັດ ໜຶ່ງໃນບໍລິສັດທີ່ມີຊື່ສຽງ ແລະ ເປັນທີ່ຮູ້ຈັກກັນດີ ໂດຍສະເພາະແມ່ນເປັນຜູ້ນຳລົດເຂົ້າຈຳຫນ່າຍ ແລະຫຼາຍທຸລະກິດທີ່ເພິ່ນມີປະສົບການທີ່ສັງຄົມໃຫ້ຄວາມເຊື່ອໝັ່ນປະຈຸບັນເພິ່ນເຫັນຄວາມສຳຄັນດ້ານການບໍລິການຜູ້ໂດຍສານ ຈຶ່ງນຳລົດແທັກຊີໄຟຟ້າລາຄາບໍ່ແພງ, ປອດໄພມາໃຫ້ບໍລິການທີ່ສຳຄັນຍັງຊ່ວຍເປັນການຮັກສາໂລກຮ້ອນນຳອີກ.

ທ່ານ ນາງ ວຽງຄຳ ທອງນາລີ ປະທານບໍລິສັດ ວີເຄກຣຸບ ການຄ້າຂາອອກ-ຂາເຂົ້າຈຳກັດ ໃຫ້ສຳພາດນັກຂ່າວເສດຖະກິດສັງຄົມຮູ້ວ່າ: ສຳລັບການບໍລິການແທັກຊີແມ່ນເລີ່ມແຕ່ ເດືອນທັນວາ 2023 ໂດຍປະຈຸບັນແມ່ນໄດ້ເລີ່ມທົດລອງແລ່ນຢູ່ 30 ຄັນ ພາຍໃນນະຄອນຫຼວງວຽງຈັນ ແລະວັງວຽງ ສ່ວນແຂວງອື່ນແມ່ນນອນຢູ່ໃນແຜນ ແລະ ໃນອານາຄົດແມ່ນມີຄວາມເປັນໄປໄດ້ ແລະແຜນແມ່ນຈະເພີ່ມຈຳນວນລົດໃຫ້ໄດ້ 300 ຄັນ ພາຍໃນ 3 ປີ ຊຶ່ງ ປະເພດລົດທີ່ນຳມາໃຫ້ບໍລິການແມ່ນປະເພດລົດໄຟຟ້າທັງໝົດ 100% ເພື່ອເປັນສ່ວນຮ່ວມໜຶ່ງທີ່ ສຳຄັນໃນການຮັກສາໂລກຮ້ອນ.

ສຳລັບຄ່າບໍລິການໄລຍະທຳອິດເລີ່ມຕົ້ນ 3 ກີໂລແມັດ ແມ່ນຈະເກັບ 50 ພັນກີບ ໄລຍະລະຫວ່າງ3-6ກີໂລແມັດແມ່ນ 9 ພັນກີບ ແລະຈະເພີ່ມຂຶ້ນຕາມໄລຍະທາງນອກຈາກນີ້ຍັງສາມາດໃຫ້ເຊົ່າເປັນມື້ໃນລາຄາບໍ່ສູງ.

แชร์