ເມືອງສະໝ້ວຍ ມີບ້ານທຸກຍາກ 29 ບ້ານ 1 ພັນກວ່າຄອບຄົວ

ເມືອງສະໝ້ວຍກໍ່ແມ່ນອີກເມືອງໜຶ່ງທີ່ນອນໃນ 8 ຕົວເມືອງ ຂອງແຂວງສາລະວັນ ແລະນອນໃນ 3 ເມືອງທຸກຍາກຂອງແຂວງ, ເມືອງ ສະໝ້ວຍ ຫ່າງຈາກເທສະບານ ແຂວງໄປທາງທິດຕາເວັນອອກປະມານ 148 ກິໂລແມັດ ຕາມເສັ້ນ ທາງ 15 B, ມີຊາຍແດນຕິດຈອດຄື: ທິດເໜືອຕິດກັບເມືອງນອງ ແຂວງສະຫວັນນາເຂດ, ທິດໃຕ້ຕິດກັບ ເມືອງກະລືມ ແຂວງເຊກອງ, ທິດ ຕາເວັນຕົກຕິດກັບເມືອງຕະໂອ້ຍ, ທິດຕາເວັນອອກຕິດກັບເມືອງອາເລືອຍແລະເປັນເມືອງທີ່ມີຊາຍແດນ ຕິດຈອດກັບປະເທດ ສສ ຫວຽດນາມ, ເມືອງສະໝ້ວຍ ມີເນື້ອທີ່ທັງໝົດ 118 ແສນເຮັກຕາ, ມີ 4 ກຸ່ມບ້ານ ແລະມີ 51 ບ້ານ, ມີ 2.852 ຫຼັງ ຄ່າເຮືອນ, ມີ 3 ພັນກວ່າຄອບຄົວ, ມີປະຊາກອນທັງໝົດ17,9 ພັນຄົນ, ຍິງ 8,8  ພັນຄົນ, ມີ 2 ຊົນເຜົ່າຄື: ລາວລຸ່ມ ແລະເຜົ່າປະໂກະ, ເຜົ່າປະ ໂກະກວມ 79%  ຂອງພົນລະເມືອງ, ອາຊີບສ່ວນໃຫຍ່ແມ່ນປູກຝັງລ້ຽງສັດ ແລະຄ້າຂາຍເປັນອາຊີບສຳ ຮອງ.

ອິງຕາມບົດລາຍງານແຜນພັດ ທະນາເສດຖະກິດ-ສັງຄົມຂອງເມືອງສະໝ້ວຍທີ່ໄດ້ລາຍງານຕໍ່ກອງປະ ຊຸມສຳມະນາລະດົມຄວາມຄິດເຫັນໃສ່ຮ່າງບົດລາຍງານການເມືອງ ແລະຮ່າງແຜນພັດທະນາເສດຖະ ກິດ-ສັງຄົມຂອງເມືອງໃນວັນທີ 23 ເມສາທີຜ່ານມານີ້ວ່າ: ເພື່ອເປັນການສືບຕໍ່ແກ້ໄຂວຽກງານພັດທະນາ ແລະລົບລ້າງຄວາມທຸກຍາກຂອງປະຊາຊົນໃຫ້ຫຼຸດລົງເທື່ອລະ ກ້າວຕາມແຜນການ ແລະແນວທາງຂອງພັກລັດວາງອອກໃຫ້ປະກົດຜົນເປັນຈິ່ງໄດ້ນັ້ນທາງການນຳຂອງ ເມືອງກໍ່ໄດ້ເອົາໃຈໃສ່ສຸມທຸກເຮື່ອແຮງສະຕິປັນຍາ ໂດຍໄດ້ມີສ່ວນຮ່ວມຈາກຫຼາຍຂະແໜງການລວມ ທັງພາກລັດ, ເອກະຊົນ ແລະອົງການຈັດຕັ້ງສາກົນອື່ນໆປະກອບສ່ວນທຶນຮອນເຂົ້າໃນແຜນການເຄື່ອນໄຫວແກ້ໄຂຄວາມທຸກຍາກຂອງພໍ່ ແມ່ປະຊາຊົນ ຊຶ່ງລວມມີຫຼາຍກິດຈະກຳເຊັ່ນ: ການສ້າງຖະໜົນຫົນທາງ, ການຂະຫຍາຍ ສາຍສົ່ງໄຟຟ້າ,ຊົນລະປະທານຂະໜາດນ້ອຍ,ການ ສະໜອງອຸປະກອນ ການສຶກສາ, ຄູ, ໂຮງຮຽນ, ສຸສາລາ, ນໍ້າໃຊ້, ນໍ້າກິນ ແລະກິດຈະກຳສົ່ງເສີມການປູກ-ການລ້ຽງ, ວຽກງານຈັກສານກໍ່ໄດ້ ມີການຝຶກອົບຮົມ ແລະໄດ້ສຸມທຸກທຶນຮອນໃສ່ໃນແຕ່ລະປີເຮັດໃຫ້ 51 ບ້ານທຸກຍາກຂອງເມືອງສະໝ້ວຍ ຍັງເຫຼືອພຽງ 29 ບ້ານກວມເອົາ  56% ແລະຄອບຄົວທຸກຍາກຍັງ ເຫຼືອພຽງ 1609 ຄອບຄົວກວມເອົາ 54% ຖ້າທຽບໃສ່ປີຜ່ານມາຫຼຸດລົງ 9% ຂອງຈຳນວນຄອບຄົວທັງໝົດ.

ທິດທາງຕໍ່ໜ້າສຸມໃສ່ການພັດ ທະນາກະສີກຳ ແລະປ່າໄມ້ໃຫ້ກາຍ ເປັນຂະແໜງຄຳປະກັນດ້ານສະບຽງອາຫານເປັນຕົ້ນແມ່ນການປູກ, ການລ້ຽງຕ່າງໆໃນຫຼາຍຮູບແບບໃຫ້ຫຼາຍກາຍເປັນສິນຄ້າ, ດຶງດູດການລົງທຶນ ໃຫ້ມີຫຼາຍພາກສ່ວນມີສ່ວນຮ່ວມ ແລະລົບລ້າງບ້ານທຸກຍາກໃນ 29 ບ້ານ 1ພັນກວ່າຄອບຄົວ, ພ້ອມທັງ ປະກາດບ້ານພັດທະນາ 6 ບ້ານຄື: ບ້ານເທດສະບານ, ບ້ານລະຮາງ, ລະໄລກົງ-ລະໄລສ້ອຍ, ອາສົກ-ອາຮໍ ແລະໂຮ່ຕະລຽບ.

ນສພ ເສດຖະກິດ-ສັງຄົມ

แชร์