ຫຼວງພະບາງ ຮັບລາງວັນໜຶ່ງໃນຮ້ອຍເລື່ອງ ລາວຂອງຈຸດໝາຍປາຍທາງທີ່ຍືນຍົງຂອງໂລກ

ຫຼວງພະບາງຖືເປັນເມືອງເອກຂອງລາວຂຶ້ນຊື່ເປັນເມືອງທ່ອງທ່ຽວແຂກພາຍໃນ ແລະ ຕ່າງປະເທດຮູ້ຈັກດີຮັບລາງວັນໜຶ່ງໃນຮ້ອຍເລື່ອງລາວຂອງຈຸດໝາຍປາຍທາງທີ່ ຍືນຍົງຂອງໂລກ ແມ່ນລາງວັນ ມາດຕະຖານການທ່ອງທ່ຽວລະ ດັບໂລກ ທີ່ມອບໃຫ້ແກ່ຈຸດໝາຍ ປາຍທາງການທ່ອງທ່ຽວ ທີ່ຜ່ານ ການກວດກາມາດຖານ, ເງື່ອນ ໄຂຕ່າງໆຕາມເກນ ມາດຖານ ເຊິ່ງຖືກກຳນົດ ແລະ ຮັບຮອງໂດຍ ອົງການ Green Destination ທີ່ເປັນອົງການແນວໜ້າໃນການຢັ້ງຢືນຄວາມຍືນຍົງຢູ່ຈຸດໝາຍ ປາຍທາງການທ່ອງທ່ຽວພາຍໃນ ໂລກ ທີ່ຖືກຍອມຮັບໂດຍສະພາ ການ ທ່ອງທ່ຽວແບບຍືນຍົງໂລກ ຫຼື Global Sustainable Tourism Council (GSTC).

ທ່ານ ປອ ນາງ ສຸດາພອນ ຄົມທະວົງ ຫົວໜ້າພະແນກ ຖະແຫລງຂ່າວວັດຖະນາທຳ ແລະທ່ອງທ່ຽວໃຫ້ຮູ້ວ່າ: ໃນແຜນພັດທະນາ,ສົ່ງເສີມ ແລະຄຸ້ມຄອງການທ່ອງ ທ່ຽວຂອງແຂວງຫຼວງພະບາງສໍາລັບປີ2020 - 2024 ໂດຍ “ການພັດທະນາການທ່ອງທ່ຽວຕາມທິດຫັນເປັນອຸດສາຫະກຳການທ່ອງທ່ຽວທີ່ຍືນຍົງ, ທັນສະໄໝ ແລະ ມີຄຸນນະພາບສົ່ງເສີມການທ່ອງທ່ຽວໂດຍການມີສ່ວນຮ່ວມຂອງປະຊາຊົນ ແລະ ພັດທະນາໃຫ້ເປັນຈຸດໝາຍປາຍທາງການທ່ອງທ່ຽວເຮັດໃຫ້ເສດຖະກິດຂອງແຂວງຂະຫຍາຍຕົວຢ່າງຕໍ່ເນື່ອງ”.

ທາງຄະນະນໍາພະແນກຖະແຫຼງ ຂ່າວ, ວັດທະນະທຳ ແລະ ທ່ອງ ທ່ຽວແຂວງ ມີຄວາມຍິນດີ ແລະ ພາກພູມໃຈເປັນຢ່າງຍິ່ງ ແຈ້ງມາ ຍັງບັນດາທ່ານຊາວຫຼວງພະ ບາງ, ນັກທ່ອງທ່ຽວ, ນັກຂ່າວທັງ ພາຍໃນ ແລະຕ່າງປະເທດຊາບວ່າ ນະຄອນຫຼວງພະບາງ ແຂວງ ຫຼວງພະບາງ ເປັນຈຸດໝາຍປາຍ ທາງທໍາອິດ ແລະໜຶ່ງດຽວຂອງ ສປປ ລາວ ທີ່ໄດ້ຖືກຄັດເລືອກໃຫ້ ເປັນ “ໜຶ່ງໃນຮ້ອຍເລື່ອງລາວ ຂອງຈຸດໝາຍປາຍທາງທີ່ຍືນຍົງ ຂອງໂລກ” ສໍາລັບປີ 2024 ໃນ ໝວດ ການຄຸ້ມຄອງຈຸດໝາຍປາຍ ທາງການທ່ອງທ່ຽວ, ຫົວຂໍ້:ການ ປົກປັກຮັກສາສະຖາປັດຕະຍາ ກຳຮູບ ແບບອາຄານບ້ານເຮືອນ ພາຍໃນເຂດມໍລະດົກໂລກຫຼວງ ພະບາງ ຫຼື 2024 Green DestinationTop 100 Stories Award.

ລາງວັນໜຶ່ງໃນຮ້ອຍເລື່ອງ ລາວຂອງຈຸດໝາຍປາຍທາງທີ່ ຍືນຍົງຂອງໂລກ ແມ່ນລາງວັນ ມາດຕະຖານການທ່ອງທ່ຽວລະ ດັບໂລກ ທີ່ມອບໃຫ້ແກ່ຈຸດໝາຍ ປາຍທາງການທ່ອງທ່ຽວ ທີ່ຜ່ານ ການກວດກາມາດຖານ, ເງື່ອນ ໄຂຕ່າງໆຕາມເກນ ມາດຖານ ເຊິ່ງຖືກກຳນົດ ແລະ ຮັບຮອງໂດຍ ອົງການ Green Destination ທີ່ເປັນອົງການແນວໜ້າໃນການຢັ້ງຢືນຄວາມຍືນຍົງຢູ່ຈຸດໝາຍ ປາຍທາງການທ່ອງທ່ຽວພາຍໃນ ໂລກ ທີ່ຖືກຍອມຮັບໂດຍສະພາ ການ ທ່ອງທ່ຽວແບບຍືນຍົງໂລກ ຫຼື Global Sustainable Tourism Council (GSTC). ສໍາລັບປີ 2024 ໄດ້ມີຫຼາຍກວ່າ 170 ຈຸດໝາຍປາຍທາງການ ທ່ອງທ່ຽວ ຈາກ 45 ປະເທດ,ຜ່ານການປະເມີນໂດຍຊ່ຽວຊານ, ວິຊາການຈາກອົງການ Green Destination ຕາມເກນທີ່ກຳ ນົດໄວ້ ເຊິ່ງໄດ້ປະກາດລາຍຊື່ຢ່າງ ເປັນທາງການໃນວັນທີ 15 ຕຸລາ 2024 ຖືກຄັດເລືອກ 100 ຈຸດ ໝາຍປາຍທາງຈາກ 32 ປະເທດ ເຊິ່ງພິທີມອບຮັບໃບຢັ້ງຢືນ ໃນລະ ຫວ່າງວັນທີ 10-12 ທັນວາ 2024 ທີ່ ປະເທດຊິລີ,

ຜົນສໍາເລັດດັ່ງກ່າວ, ສະແດງໃຫ້ເຫັນເຖິງຄວາມພະຍາຍາມໃນການຍົກລະດັບຄຸນນະພາບດ້ານການທ່ອງທ່ຽວພາຍໃນແຂວງຂອງພວກເຮົາໃຫ້ມີມາດຕະຖານສາກົນສູງຂຶ້ນ, ຍົກສູງຖານະ ບົດ ບາດຂອງຫຼວງພະບາງໃຫ້ພົ້ນ ເດັ່ນ ຂຶ້ນໃນເວທີສາກົນຍິ່ງຂຶ້ນ. ນອກຈາກນີ້, ຍັງແມ່ນໝາກຜົນ ແຫ່ງການຮ່ວມມືຂອງທຸກພາກ ສ່ວນໃນສັງຄົມ ໃນການປົກປັກ ຮັກສາເມືອງມໍລະດົກໂລກຫຼວງພະບາງແຫ່ງນີ້ໃຫ້ຢືນຍົງຮ່ວມ ກັນ ແລະສືບຕໍ່ເອົາໃຈໃສ່ພັດທະ ນາການທ່ອງທ່ຽວໃຫ້ກາຍເປັນ ຈຸດໝາຍປາຍທາງການທ່ອງ ທ່ຽວຂອງໂລກຢ່າງແທ້ຈິງ. ນອກຈາກນີ້, ກໍຂໍສະແດງຄວາມຂອບໃຈມາຍັງບັນດາພະແນກການ ອ້ອມຂ້າງແຂວງ ທີ່ໄດ້ສະໜອງຂໍ້ ມູນທີ່ຈຳເປັນໃຫ້ແກ່ຄະນະກຳມະ ການ, ຂໍຂອບໃຈມາຍັງອົງການບໍລິຫານພື້ນທີ່ພິເສດ ເພື່ອການພັດ ທະນາການທ່ອງທ່ຽວແບບຍືນ ຍົງປະເທດ ໄທ ແລະແຂວງກັງ ວອນ ສ. ເກົາຫຼີ ສະມາຊິກສະຫະ ພັນການທ່ອງທ່ຽວຂອງບັນດາ ຊາດໃນອາຊີຕາເວັນອອກ ຫຼືອີ ໂຕບ ທີ່ໄດ້ຊ່ວຍແນະນໍາ ແລະ ແລກປ່ຽນຂໍ້ມູນ ເພື່ອສະໝັກລາງ ວັນດັ່ງກ່າວ. ນະໂອກາດນີ້, ຂ້າ ພະເຈົ້າ ຂໍຮຽນຮ້ອງມາຍັງຊາວ ຫຼວງພະບາງ, ຜູ້ປະກອບການທຸ ລະກິດທັງພາຍໃນ ແລະຕ່າງປະ ເທດ ແລະທຸກພາກສ່ວນໃນສັງຄົມ ຈົ່ງໄດ້ສືບຕໍ່ສະໜັບສະໜູນ,ສ້າງການມີ ສ່ວນຮ່ວມໃນດ້ານວຽກ ງານການທ່ອງທ່ຽວຂອງແຂວງ ໃຫ້ໄດ້ຮັບການພັດທະນາຢ່າງບໍ່ຢຸດຢັ້ງ.ໃນຕໍ່ໜ້າພວກເຮົາຍັງຈະສືບຕໍ່ປັບປຸງຕາມເກນມາດຖານ ຂອງ ອົງການ Green Destination ໃຫ້ຄົບຖ້ວນເພື່ອໃຫ້ສາມາດຮັບການຢັ້ງຢືນໃຫ້ເປັນ ຈຸດໝາຍປາຍທາງການທ່ອງທ່ຽວ ທີ່ຍືນຍົງ ຫຼື Green Destiantion Cetificationໄດ້ໃນຕໍ່ໜ້າ. ພ້ອມດຽວກັນນີ້, ຍັງຈະສືບຕໍ່ສະເໜີຈຸດໝາຍປາຍທາງການທ່ອງທ່ຽວທີ່ໂດດເດັ່ນພາຍໃນແຂວງແຫ່ງອື່ນໆເພື່ອຮັບລາງວັນໃນປີຕໍ່ໄປ.

แชร์