ທ່ານນາງ ຄັດທະຈັນ ຈັນທະບູລີ ໄດ້ຮັບລາງວັນນັກທຸລະກິດໜຸ່ມດີເດັ່ນອາຊຽນ

ທ່ານນາງ ຄັດທະຈັນ ຈັນທະບູລີ ປະທານບໍລິສັດຮຸ່ງເຮືອງ ລາວໂລເຈັສຕິກ ຈໍາກັດ (HHL) ນັກທຸລະກິດຍິງ ຢູ່ລະດັບແຖວໜ້າຂອງລາວທີ່ເພິ່ນມີຄວາມຮູ້ຄວາມສາມາດ ແລະວິໄສ່ທັດພັດທະນາການບໍລິຫານ ທີ່ມີປະສົບການເກືອບ 20 ປີ ກາຍເປັນທີ່ຍ້ອມຮັບສັງຄົມທົ່ວໂລກໃນເລື່ອງການໃຫ້ບໍລິການສາງສິນຄ້າລະຫວ່າງປະເທດ ແລະເລື່ອງຂະແໜງໂລເຈສຕິດທີ່ສະຫນາມບິນສາກົນວັດໄຕ ນະຄອນຫຼວງວຽງຈັນ ແລະ ຕົ້ນເດືອນ ຕຸລາຜ່ານມາເພິ່ນກ້າວສູ້ຄວາມປະສົບຄວາມສຳເລັດຮັບລາງວັນນັກທຸລະກິດໜຸ່ມດີເດັ່ນອາຊຽນ 2024.

ສຳລັບລາງວັນດັ່ງກ່າວເປັນຄວາມພາກພູມໃຈຫລາຍເປັນນິມິດຫມາຍແຫ່ງຄວາມສຳເລັດ ແລະເພີ່ມແຮງບັນດານໃຈໃຫ້ຍິ່ງຕ້ອງສູ້ຊົນດໍາເນີນທຸລະກິດຕິດພັນກັບການພັດທະນາຊ່ວຍເຫລືອສັງຄົມສິ່ງສຳຄັນກໍຖືວ່າເປັນສິ່ງຢັ້ງຢືນຜົນງານຜ່ານມາໃນການດໍາເນີນທຸລະກິດເນື່ອງຈາກວ່າເຮົາຕ້ອງໄດ້ຕາມມາດຖານເງື່ອນໄຂຕາມລະບຽບຂອງຄະນະກໍາມະການຈັດງານ.

ທ່ານນາງ ຄັດທະຈັນ ຈັນທະບູລີ ໃຫ້ສຳພາດນັກຂ່າວເສດຖະກິດ-ສັງຄົມ ຮູ້ວ່າ: ບໍລິສັດຮຸ່ງເຮືອງ ລາວໂລເຈັສຕິກ ຈໍາກັດ (HHL) ເປັນບໍລິສັດຂອງຄົນລາວ 100%, ສ້າງຕັ້ງຂຶ້ນປີ 2009 ພາຍໃຕ້ການເປັນ ປະທານຂອງຕົນໃນການດໍາເນີນທຸລະກິດດ້ານໂລເຈັສຕິກ ໂດຍໃຫ້ບໍລິການສ້າງສິນຄ້າລະຫວ່າງປະເທດ ທີ່ສະຫນາມບິນສາກົນວັດໄຕ ນະຄອນຫຼວງວຽງຈັນ ແລະຂົນສົ່ງສິນຄ້າທາງບົກ, ທາງອາກາດທັງພາຍໃນ ແລະຕ່າງປະເທດ, ການບໍລິການຫຸ້ມຫໍ່ສິນຄ້າ ແລະການບໍລິການເອກະສານນໍາ ເຂົ້າາ-ສົ່ງອອກ.

ສ່ວນຍຸດທະສາດຂອງການບໍລິຫານ, ທ່ານ ນາງ ຄັດທະຈັນ ຈັນທະບູລີ ໃຫ້ຮູ້ຕື່ມວ່າ: ທາງບໍລິສັດໄດ້ນໍາໃຊ້ບຸກຄະລາກອນທີ່ມີຄຸນນະພາບ, ໂດຍໃຫ້ພະນັກງານຮຽນຮູ້ສິ່ງໃໝ່ໆ ຕາມຍຸກທີ່ໄດ້ມີການພັດທະນາ,ໃຫ້ພະນັກງານໄປຝຶກອົບຮົມແຕ່ລະປະເທດເປັນປະຈຳເພື່ອນຳເອົາປະສົບການມາພັດທະນາ ຈົນເປັນທີ່ຍອມຮັບຈາກສາກົນເລື່ອງການບໍລິການທີ່ຮັບມາດຕະຖານ.

แชร์