ມອບ-ຮັບອາຄານຮຽນຫຼັງໃໝ່ໂຮງຮຽນປະຖົມ ຫ້ວຍຊໍາອໍ້

ພິທີມອບ-ຮັບອາຄານຮຽນຫຼັງໃໝ່ຂອງມູນນິທິເກຶ້ອຝັນເດັກ ໂຮງຮຽນປະຖົມສຶກສາສົມບູນຫ້ວຍຊໍາອໍ້ເມືອງໄຊຍະບູລີ ແຂວງ ໄຊຍະບູລີ ໄດ້ຈັດຂຶ້ນໃນວັນທີ 24 ເມສາ 2019 ທີ່ໂຮງຮຽນດັ່ງກ່າວ. ໂດຍເຂົ້າຮ່ວມມີທ່ານ ຈັນທະວີວັນນະພາຜົນ ຫົວໜ້າຫ້ອງການ ສຶກສາທິການ ແລະກີລາເມືອງ ໄຊຍະບູລີ,  ທ່ານ ລືໄຊພະດວງເດດຫົວໜ້າພະແນກການຕ່າງປະເທດ ແຂວງ, ທ່ານ ເຈນສ ຄາເອສເນີຈາກປະເທດເຢຍລະມັນ ພ້ອມດ້ວຍຄອບຄົວຜູ້ໃຫ້ທຶນ, ທ່ານ ແດແນລຊິກຝຣິດ ຈາກປະເທດສະວິດເຊີ ແລນປະທານມູນນິທິເກື້ອຝັນເດັກຜູ້ລະດົມທຶນ, ມີຜູ້ຮັບເໝົາໂຄງການ, ຕາງໜ້າພະແນກການທີ່ ກ່ຽວຂ້ອງ, ພະນັກງານ, ຄູ-ອາ ຈານ, ແຂກຖືກເຊີນ, ອໍານາດການປົກຄອງບ້ານ, ພໍ່ແມ່ປະຊາຊົນ ແລະນ້ອງນັກຮຽນເຂົ້າຮ່ວມ.

ທ່ານ  ສຸກັນ  ສີຈໍາປາ  ຜູ້ອໍານວຍ ການໂຮງຮຽນປະຖົມຫ້ວຍຊໍາອໍ້ ກ່າວວ່າ: ໂຮງຮຽນປະຖົມຫ້ວຍຊໍາ ອໍ້ເປັນໂຮງຮຽນໜຶ່ງທີ່ຕັ້ງຢູ່ບ້ານ ຫ້ວຍຊໍາອໍ້ ຫ່າງຈາກເທສະບານ ເມືອງໄປທາງທິດໃຕ້ປະມານ 30 ກິໂລແມັດ, ມີອາຄານຮຽນ 3  ຫຼັງ, ຫ້ອງຮຽນທັງໝົດ 13 ຫ້ອງ, ນໍາໃຊ້ເປັນຫ້ອງຮຽນ 11  ຫ້ອງ, ຫ້ອງການ 1 ຫ້ອງ, ຫ້ອງສະໝຸດ 1 ຫ້ອງ,  ຫ້ອງນໍ້າ 6  ຫ້ອງ,  ສອນ 16 ຄົນ, ຍິງ 10  ຄົນ, ອາສາສະໝັກ 4 ຄົນ, ຍິງ 4 ຄົນ, ໃນນັ້ນຈົບຊັ້ນ ກາງ 11 ຄົນ, ຍິງ 5 ຄົນ, ຊັ້ນສູງ 5 ຄົນ, ຍິງ 5 ຄົນ, ມີນັກຮຽນທັງ ໝົດ 422 ນ້ອງ, ຍິງ 203 ນ້ອງ.

ຊຶ່ງອາຄານຮຽນຫຼັງດັ່ງກ່າວ ມີຂະໜາດລວງກວ້າງ 8 ແມັດ, ລວງຍາວ 35 ແມັດ, ມີ 5 ຫ້ອງຮຽນ, ໂຕະຕັ່ງຄົບຊຸດ, ຝາກໍ່ດ້ວຍດິນຈີ່, ພື້ນເທເບຕົງ, ມຸງດ້ວຍກາ ເບື້ອງລວມມູນຄ່າການກໍ່ສ້າງ  395 ລ້ານກີບ ໂດຍໄດ້ຮັບທຶນຊ່ວຍເຫຼືອລ້າຈາກທ່ານ ເຈນສ໌ ຄາເອສເນີຈາກປະເທດເຢຍລະມັນພ້ອມດ້ວຍຄອບຄົວໃນນີ້ພໍ່ແມ່ປະຊາຊົນປະ ກອບສ່ວນແຮງງານຂຸດເດີ່ນໂຮງຮຽນ, ໄມ້ແບບ 400 ແຜ່ນ, ໄມ້ຄໍ້າແບບ 250 ໂຕ ແລະຂົນດິນເຂົ້າອາຄານ 2 ຄັ້ງ ລວມມູນຄ່າ 38 ລ້ານກວ່າກີບ ໂດຍແມ່ນບໍລິສັດສົມລິດອິນທະວົງກໍ່ສ້າງເປັນ ຜູ້ຮັບຜູ້ເໝົາໂຄງການກໍ່ສ້າງ, ໄລ ຍະເວລາການກໍ່ສ້າງ 3 ເດືອນ, ເລີ່ມລົງມືກໍ່ສ້າງມາແຕ່ວັນທີ 25 ພຶດສະພາ 2018 ມາຮອດວັນທີ 25  ສິງຫາ 2018 ສໍາເລັດ.

ພ້ອມດຽວກັນນີ້ທ່ານ ເຈນສ໌ຄາເອສເນີ ແລະທ່ານ ແດແນລຊິກຝຣິດ ກໍ່ໄດ້ມອບອາຄານຮຽນຫຼັງດັ່ງກ່າວໃຫ້ຫ້ອງການສຶກສາ ທິການ ແລະກີລາເມືອງ, ບ້ານແລະໃຫ້ໂຮງຮຽນນໍາໃຊ້ເຂົ້າໃນການຮຽນ-ການສອນ ແລະປົກປັກຮັກສານໍາໃຊ້ຕໍ່ໄປໃຫ້ເກີດຜົນປະໂຫຍດສູງສຸດໃຫ້ກຽດກ່າວຮັບໂດຍທ່ານ ຈັນທະວີ  ວັນນະພາຜົນ ແລະອໍານາດການປົກຄອງບ້ານ ໂດຍຊ່ອງໜ້າພາກສ່ວນທີ່ກ່ຽວຂ້ອງເຂົ້າຮ່ວມເປັນສັກຂີພິຍານ. 

ຈາກນັ້ນກໍ່ໄດ້ມອບໃບຍ້ອງຍໍ ຂອງທ່ານເຈົ້າແຂວງໄຊຍະບູລີ ແລະມອບຂອງຂວັນໃຫ້ກັບຄອບ ຄົວຜູ້ໃຫ້ທຶນ ແລະຜູ້ລະດົມທຶນຜູ້ທີ່ ມີຄຸນງາມຄວາມດີ ແລະຜົນງານດີເດັ່ນໃນການປະກອບສ່ວນຊ່ວຍ ເຫຼືອລ້າກໍ່ສ້າງໂຮງຮຽນປະຖົມ ຫ້ວຍຊໍາອໍ້.

ໂດຍ: ບຸນຈັນ

แชร์