ກອງປະຊຸມນັກທຸລະກິດໜຸ່ມອາຊຽນ ຄັ້ງທີ 9 ປະຈໍາປີ 2024 ໄດ້ໄໄຂຂື້ນຢ່າງເປັນທາງການ     

   ກອງປະຊຸມນັກທຸລະກິດໜຸ່ມອາຊຽນ ຄັ້ງທີ 9 ປະຈໍາປີ 2024 ໄດ້ໄຂຂຶ້ນຢ່າງເປັນທາງການ    ໃນວັນທີ 3 ຕຸລາ 2024 ພາຍໃຕ້ຫົວຂໍ້: “ສ້າງເຄື່ອຂ່າຍນັກທຸລະກິດໜຸ່ມອາຊຽນໃຫ້ເຂັ້ມແຂງ ເພື່ອອານະຄົດທີ່ຍືນຍົງ”. ໃຫ້ກຽດເປັນປະທານຂອງ ທ່ານ ນາງ ສຸວາລີ ຄໍາຜຸຍ ຜູ້ວ່າການປະທານສະມາຄົມນັກທຸລະກິດໜຸ່ມແຫ່ງຊາດລາວ, ເປັນກຽດເຂົ້າຮ່ວມຂອງ ທ່ານ ມອນໄຊ ລາວມົວຊົ່ງ ເລຂາຄະນະບໍລິຫານງານ ສູນກາງຊາວໜຸ່ມ ປະຊາຊົນ ປະຕິວັດລາວ ມີຄະນະຜູ້ແທນຂັ້ນສູງຈາກບັນດານັກທຸລະກິດໜຸ່ມປະເທດອາຊຽນ ພ້ອມແຂກຖືກເຊີນຈາກພາກສ່ວນກ່ຽວຂ້ອງ ເຂົ້າຮ່ວມ.

     ກອງປະຊຸມຄັ້ງນີ້ ຈັດຂຶ້ນພາຍໃຕ້ບັນຍາກາດທີ່ ສປປ ລາວ ໄດ້ຮັບກຽດເປັນເຈົ້າພາບຈັດກອງປະຊຸມສຸດຍອດອາຊຽນ ຄັ້ງທີ 44-45 ໜຶ່ງໃນນັ້ນ ສະມາຄົມນັກທຸລະກິດໜຸ່ມແຫ່ງຊາດລາວ ໄດ້ຮັບກຽດຈັດກອງປະຊຸມດັ່ງກ່າວ, ເພື່ອເປັນການເຕົ້່າໂຮມບັນດານັກທຸລະກິດໜຸ່ມ ທີ່ຂຶ້ນກັບສະມາຄົມນັກ ທຸລະກິດໜຸ່ມອາຊຽນ ແລະ ຄູ່ຮ່ວມງານຕ່າງໆ, ເປັນການເປີດໂອກາດສ້າງແຮງບັນດານໃຈໃຫ້ນັກທຸ ລະກິດໜຸ່ມໄດ້ສະແດງໃຫ້ເຫັນເຖິງຂີດຄວາມສາມາດ, ການແຂ່ງຂັນ, ການຍາດແຍ່ງທາງດ້ານທຸລະກິດໃນອາຊຽນ, ຂົງເຂດພາກພື້ນຂອງນັກທຸລະກິດໜຸ່ມ ແລະ ທາງເປັນການປຶກສາຫາລືແລກປ່ຽນແນວຄວາມຄິດ ແລະ ຄວາມເປັນໄປໄດ້ ໃນການຮ່ວມມືດ້ານທຸລະກິດໃນອະນາຄົດ, ອີກດ້ານໜຶ່ງກໍ່ເພື່ອເປັນການທົບທວນຄືນເຖິງແຜນວຽກ ກໍ່ຄື ຜົນໄດ້ຮັບຂອງກອງປະຊຸມຄັ້ງທີ່ຜ່ານມາໃນປີ 2023 ທີ່ປະເທດອິນໂດເນເຊຍ.

ກອງປະຊຸມຄັ້ງນີ້ ຜູ້ເຂົ້າຮ່ວມຍັງໄດ້ຮັບຟັງບັນດາຫົວຂໍ້ທີ່ສໍາຄັນເປັນຕົ້ນ: ສາຍພົວພັນ ຂອງ ABAC ແລະ AYEC, ຫົວຂໍ້ກ່ຽວກັບກອງປະຊຸມທຸລະກິດ ແລະ ການລົງທຶນອາຊຽນ, ການສົ່ງເສີມເສດຖະກິດດິຈິຕອນ ສໍາລັບບັນດານັກທຸລະກິດໜຸ່ມພາຍໃນ ສປປ ລາວ, ອານາຄົດຂອງອາຊຽນ, ການຫັນປ່ຽນທຸລະກິດ ແລະ ການລົງທຶນໃຫ້ທັນຍຸກທັນສະໄໝ ເພື່ອຄວາມຍືນຍົງ. ນອກຈາກນີ້, ວາລະກອງປະຊຸມຍັງໄດ້ແບ່ງອອກເປັນ 2 ເວທີສົນທະນາຄື: ເວທີສົນທະນາທີ 1 ນໍາສະເໜີຫົວຂໍ້ທີ່ຕິດພັນກັບການເຊື່ອມໂຍງເພື່ອຄວາມເຂັ້ມແຂງ ຜ່ານການປະດິດສ້າງຮ່ວມກັນ ແລະ ຜ່ານການລົງທຶນຮ່ວມກັນ, ການສ້າງລະບົບນິເວດພາຍໃນອາຊຽນ ເພື່ອເສີມສ້າງຄວາມເຂັ້ມແຂງໃຫ້ແກ່ຜູ່ປະກອບການໜຸ່ມຢ່າງຮອບດ້ານ, ເວທີສົນທະນາ ທີ 2 ນໍາສະເໜີຫົວຂໍໍ້ກ່ຽວກັບທິດທາງການດໍາເນີນທຸລະກິດໃນປັດຈຸບັນ ສໍາລັບນັກທຸລະກິດໜຸ່ມໃນຍຸກດິຈິຕອນ. ພ້ອມດຽວກັນນີ້, ກອງປະຊຸມຍັງໄດ້ມີການມອບລາງວັນນັກທຸລະກິດໜຸ່ມອາຊຽນດີເດັ່ນ ແລະ ມອບລາງວັນທຸລະກິດໜຸ່ມລາວດີເດັ່ນຕື່ມອິກ.

ນອກນັ້ນ, ທ່ານ ທອບ ຈີລາຍຸດ ຜູ້ກໍ່ຕັ້ງບໍລິສັດ ບິດຄັບ ໄດ້ໃຫ້ສຳພາດໃນລາຍການ PHATALK ຈາກມູມມອງຕ່າງໆ ໂດຍສະເພາະແມ່ນ ເລື່ອງຂອງ AI ທີ່ຫລາຍຄົນກຳລັງຢ້ານກົວວ່າຈະມາແທນທີ່ມະນຸດ ພ້ອມກັບເນື້ອຫາທີ່ຫນ້າສົນໃຈເຊັ່ນ: ເລື່ອງການປູກຕົ້ນໄມ້, ການຮັກສາປ່າໄມ້ ຫລຸດຜ່ອນການປ່ອຍອາຍແກ໊ສ ທົດແທນການທຳລາຍມົນລະພິດ ທີ່ສັບທາງສີ່ງແວດລ້ອມເອີ້ນວາ"Carbon Credit" , ການບໍລິຫານ ແລະ ການຈັດການອົງກອນໃຫ້ມີປະສິທິພາບສູງສຸດ, ພ້ອມກັບຝາກຂໍ້ຄິດຕ່າງໆໃຫ້ກັບນັດທຸລະກິດຍຸກໃຫມ່ ໂດຍສະເພາະ ໃນກຸ່ມອາຊຽນເພື່ອຮຽນຮູ້ວິທີການປັບຕົວໃນມື້ທີ່ໂລກກຳລັງປ່ຽນໄປ. ທ່ານສາມາດຕິດຕາມໄດ້ໃນ page facebook: phatalk ແລະ tiktok: Phatalk_188 (ພາທ໋ອກ ອັນເດີສະກໍ 188)                           

แชร์