ຮອງປະທານປະເທດ ເຮັດວຽກຢູ່ແຂວງຈຳປາສັກ

ໃນວັນທີ 2 ຕຸລາ 2024, ທ່ານ ນາງ ປານີ ຢາທໍ່ຕູ້ ກໍາມະການກົມການເມືອງສູນກາງພັກ ຮອງປະທານປະເທດ ແຫ່ງ ສ ປປ ລາວ ພ້ອມຄະນະໄດ້ເຄື່ອນໄຫວ ຢ້ຽມຢາມພົບປະປະຊາຊົນ ບ້ານສະເພັງ ເມືອງມຸນລະປາໂມກ ແຂວງຈຳປາສັກ ໂດຍມີທ່ານ ອາລຸນໄຊ ສູນນະລາດ ເຈົ້າແຂວງຈໍາປາສັກ ພ້ອມຄະນະການນໍາແຂວງ, ພະແນກການທີ່ກ່ຽວຂ້ອງຮ່ວມຕິດຕາມການເຄື່ອນໄຫວ.

ໂອກາດນີ້ທ່ານ ວັນນະສັກ ຊາດຕະກຸນ ເຈົ້າເມືອງມຸນລະປະໂມກ ພ້ອມດ້ວຍຄະນະພັກ-ຄະນະນໍາຂອງເມືອງໃຫ້ການຕ້ອນຮັບ ແລະລາຍງານກ່ຽວກັບຈຸດພິເສດ , ການຈັດຕັ້ງແຜນການປະຕິບັດການລົງທຶນທ່າແຮງການພັດທະນາເສດຖະກິດ-ສັງຄົມຂອງເມືອງ ໃຫ້ຮັບຊາບ, ປະຈຸບັນກໍາລັງດໍາເນີນ ກະສິກຳການປູກເຂົ້າ ແນວພັນໃໝ່,ສ້າງແຜນບັນດາເປົ້າໝາຍເຜີຍແຜ່ກຳນົດການຜະລິດຕາມ ສອຈ ໃນແຕ່ລະບ້ານກຸ່ມການຜະລິດ,ມີຄວາມພ້ອມໃນການຈັດກອງປະຊຸມໃຫ່ຍຂອງເມືອງຊື່ງເມືອງມຸນລະປາໂມກມີທ່າແຮງທາງດ້ານນການຜະລິດກະສິກຳ, ການຜະລິດສິນຄ້າເຊີ່ງໄດ້ຮັບການຮັບຮອງເປັນ ສິນຄ້າ ODOP ຈໍານວນ 3 ກຸ່ມ ຄື: ກຸ່ມຫັດຖະກຳຈັກສານຫວາຍ, ກຸ່ມຈັກສານສາດເຕີຍ, ເສັ້ນເຟີ ແລະ ແຜ່ນແໜມ, ປັບປຸງ ການກະກຽມຂະຫຍາຍຕະຫຼາດສອງແຫ່ງ, ການປູກພືດກະສິກຳລະດູຝົນ ແລະ ພືດ ອຸດສາຫະກຳ ແລະ ອື່ນໆ.

ຜ່ານມາໄດ້ສໍາເລັດ, ການສ້ອມແປງ-ກໍ່ສ້າງເສັ້ນທາງ, ການປັບປຸງຊົນລະປະທານ 7ແຫ່ງ, ການດຳເນີນໂຄງການກໍ່ສ້າງຫໍຫຼັກເມືອງ, ສະພາບການຈັດຕັ້ງປະຕິບັດວຽກງານວຽກກໍ່ສ້າງຮາກຖານ, ການເມືອງ-ພັດທະນາຊົນນະບົດ ໃນໄລຍະ 9 ເດືອນ ຜ່ານມາ ປີ 2024,ພ້ອມນັ້ນກໍ່ໄດ້ລາຍງານໃຫ້ຮູ້ເຖິງສະພາບຜົນສະທ້ອນ ຂອງໄພນໍ້າຖ້ວມ ຕໍ່ກັບ ການປູກຝັງ-ລ້ຽງສັດ, ການແກ້ໄຂຊ່ວຍເຫຼືອປະຊາຊົນໃນ ຈັດຊື້ແນວພັນໃໝ່, ການສະໜອງຢາຂ້າສັດຕຸພືດ.

ໂອກາດເຄື່ອນໄຫວດັ່ງກ່າວ, ທ່ານຮອງປະທານປະເທດໄດ້ກ່າວໂອ້ລົມໃຫ້ທິດຊີ້ນຳ ແກ່ຄະນະພັກ-ຄະນະນໍາແຂວງ,ເມືອງ,ພະນັກງານລັດຖະກອນ ພໍ່ແມ່ປະຊາຊົນ, ໂດຍເນັ້ນໃຫ້ ມີການປະເມີນຜົນກະທົບໄພນ້ຳຖ້ວມ, ສໍາຫຼວດພື້ນທີ່ຕົວຈິງເພື່ອຊອກຫາສາເຫດ ມີແຜນການປະຕິບັດໃນໄລຍະສັ້ນ-ຍາວ, ເພື່ອຈັດສັນແກ້ໄຂ,ເພື່ອຫຼີກຫຼ່ຽງ-ຫຼຸດຜ່ອນຄວາມເສຍຫາຍ.

ທ່ານ ນາງ ປານີ ຢາທໍ່ຕູ້, ໄດ້ເນັ້ນຕື່ມໃຫ້ ຄະນະນໍາແຂວງ-ເມືອງ ຕ້ອງໄດ້ສຸມໃສ່ການພັດທະນາພື້ນຖານໂຄງລ່າງເສັ້ນທາງ , ການຈັດສ້າງພື້ນທີ່ປູກຕົ້ນໄມ້ປະເພດກະສິກຳ,ອຸດສາຫະກຳ ນໍາໃຊ້ພື້ນທີ່ການຜະລິດ ເພື່ອປະຕິບັດໄດ້ຍຸດທະສາດການສະໜອງສະບຽງອາຫານ,ການປູກເຂົ້າ,ພືດກະສິກຳອື່ນ,ການປຸງແຕ່ງຜະລິດຕະພັນເຂົ້າກາຍເປັນຜະລິດອື່ນໆສູ່ທ້ອງຕະຫຼາດ,ປັບປຸງແນວພັນ, ສ້າງປັດໃຈການຜະລິດກະສິກຳ ຫຼຸດຜ່ອນຕົ້ນທຶນ ແລະ ຫຼຸດການນຳເຂົ້າ,ປັບປຸງຜະລິດຕະພັນຫັດຖະກຳ ພ້ອມຮັກສາຄວາມສົມດຸນຂອງລາຄາສິນຄ້າ, ສືບຕໍ່ການຜະລິດແບບຕ່ອງໂສ້ງ ຂະຫຍາຍສະມາຊິກກຸ່ມຜະລິດ ຮັກສາຄຸນນະພາບເພື່ອຂະຫຍາຍຕະຫຼາດ,ສືບຕໍ່ ປັບປຸງລະບົບຊົນລະປະທານ, ໄຟຟ້າ, ແນວພັນເຂົ້າດຶງດູດການລົງທຶນຈາກຕ່າງປະເທດ , ການສ້າງແຮງງານທີ່ມີຄຸນນະພາບເພື່ອສືບຕໍ່ພັດທະນາໃນບັນດາຂະແໜງການຕ່າງໆ, ການສຶກສາ ການຂາດນັກຮຽນ -ຄູສອນ, ເພີ່ມທະວີມີສະຕິລະວັງຕົວ ໂດຍສະເພາະບ້ານຊາຍແດນເພີ່ມມິດຫຼຸດຜ່ອນສັດຕູ, ປັບປຸງກຳລັງ ປກສ- ປກຊ ຮັບປະກັນຄວາມສະຫງົບ ຕິດພັນກັບການເປັນເຈົ້າການຂອງການຈັດຕັ້ງມະຫາຊົນ, ສ້າງຂະບວນການຮອບດ້ານ ຕິດພັນກັບການ ກຳນົດເນື້ອໃນທີ່ສອດຄ່ອງກັບຕົວຈິງຕິດພັນກັບແຜນງົບປະມານເພື່ອຈັດຕັ້ງປະຕິບັດສໍາເລັດກອງປະຊຸມໃຫ່ຍຂອງເມືອງ.

ໂອກາດເຄື່ອນໄຫວດັ່ງກ່າວ, ທ່ານຮອງປະທານປະເທດກໍ່ໄດ້ເຄື່ອນໄຫວຢ້ຽມຢາມກຸ່ມຫັດຖະກໍາ, ການຜະລິດ ເສັ້ນເຝີ ແລະແຜ່ນແໜມຂອງບ້ານສະເພັງ, ເຂດການຜະລິດຂອງກຸ່ມຜະລິດເຂົ້າຈ້າວ ແລະການປູກເຂົ້າຕື່ມອີກ.
.
ຂ່າວ-ພາບ ພູທິບສະຫັວນ

แชร์