ຂປລ.ສຳນັກຂ່າວCNBC, ທ່ານ ສຣີ ມູລຢານີ ອິນທຣາວາຕີ (Sri Mulyani Indrawati),ລັດຖະມົນຕີ ກະຊວງ ການເງິນ ອິນໂດເນເຊຍ ເປີດເຜີຍວ່າ: ລວມຍອດຜະລິດ ຕະພັນ ພາຍໃນ (GDP) ຂອງອິນໂດເນເຊຍການ​ເຕີບ​ໂຕ​ ໃນ​ລະດັບ 5%, ​ເຊິ່ງສູງ​ກວ່າ ​ລະດັບ​ ສະ​ເລ່ຍ​ ທົ່ວ​ໂລກ​ທີ່ 2%, ​ແມ່ນ​ຍັງ​ບໍ່​ພຽງພໍ​ ທີ່​ອິນ​ໂດ​ເນ​ເຊຍ ສູ້ຊົນ ​ບັນລຸ​ ເປົ້າ​ໝາຍ​ ໃຫ້ກາຍ​ ເປັນ​ປະ​ເທດ ​ທີ່​ມີ​ລາຍ​ຮັບ​ສູງ.ຈາາກລາຍ ໄດ້ປານກາງຖືວ່າ ເປັນສ່ວນໜຶ່ງຂອງ “ວິໄສທັດ 2045” ຊຶ່ງເປັນແຜນການ ອັນໃຫຍ່ຫລວງ.ທີ່​ແນ​ໃສ່​ ຫັນ​ປະ​ເທດ ​ເປັນ​ປະ​ເທດ​ ທີ່​ມີ​ຄົນ​ງານ​ ທີ່​ມີ​ສີ​ມື​ດີກັບ ລະດັບສູງ ຂອງຄ່າຈ້າງ​ແລະ ຫລຸດຜ່ອນ ​ຄວາມທຸກ​ຍາກ ​ຕາມ​ກຳນົດ ​ເວລາ​ເພື່ອ​ສະ​ເຫລີມ ສະຫລອງ​ ວັນ​ປະກາດ​ ເອກະລາດ​ ຄົບຮອບ 100ປີ.ພ້ອມ​ທັງ ​ກ່າວ​ຕື່ມ​ວ່າ“​ເພື່ອ​ກ້າວ​ໄປ​ໜ້າ​ ກັບ​ແຜນ ການ​ເຕີບ​ໂຕ(ຈາກ​ປະ​ເທດ​ທີ່​ມີ​ລາຍ​ໄດ້​ປານ​ກາງ​​ເພື່ອ​ກາຍ​ເປັນ​ ປະ​ເທດ​ ທີ່​ມີ​ລາຍ​ຮັບ​ສູງ, ພວກ​ເຮົາ ​ຈຳ​ເປັນ​ຕ້ອງ​ລົງ​ທຶນ​ ເພີ່ມ​ເຕີມ​ໃນ​ແຫລ່ງ​ທຶນ​ ມະ​ນຸດ ໃຫ້ຫລາຍຂຶ້ນ.ຂະນະທີ່ ກອງທຶນ ເງິນຕາ ສາກົນ(IMF) ໄດ້ກ່າວເນັ້ນວ່າ: ເປົ້າໝາຍ ຂອງອິນໂດເນເຊຍ ແມ່ນການເພີ່ມມູນຄ່າ ເພີ່ມເຕີມຜ່ານລະບົບ ຕ່ອງໂສ້ ມູນຄ່າ ຈາກວັດຖຸດິບ ໄປຫາກຸ່ມສິນຄ້າ ໂພຊະນາການການສ້າງ ປະຊາກອນ ທີ່ມີຄວາມຊໍານິ ຊໍານານກຽມພ້ອມ ສໍາລັບ ຍຸກດິຈິຕອນແລະ ​ເລັ່ງ​ລັດ​ ການ​ພັດ​ທະ​ນາ ​ພື້ນ​ຖານ​ໂຄງ​ລ່າງ​ ແລະ​ ການ​ປະ​ຕິ​ຮູບ​ ສະ​ຖາ​ບັນເພື່ອສະໜັບ ສະໜູນການເຕີບໂຕ ທີ່ສົມດຸນເປັນມິດ ຕໍ່ສິ່ງແວດລ້ອມແລະ ເທົ່າທຽມກັນ./.