ພາຍຫຼັງຄະນະຜູ້ແທນຂັ້ນສູງຂອງແຂວງຈຳປາສັກ ສຳເລັດການຢຽມ ແລະ ເຮັດວຽກຢູ່ແຂວງກ້ວາງນາມ ສສ ຫວຽດນາມ, ວັນທີ 28 ກັນຍາ 2024, ຄະນະນໍາຂັ້ນສູງຂອງແຂວງຈຳປາສັກ ນໍາໂດຍ ສະຫາຍ ອາລຸນໄຊ ສູນນະລາດ ກໍາມະການສູນກາງພັກ ເລຂາພັກແຂວງ ເຈົ້າແຂວງໆຈໍາປາສັກ ພ້ອມຄະນະ ໄດ້ສືບຕໍ່ເດີນທາງຢຽມຢາມ ແລະ ເຮັດວຽກຢູນະຄອນດາໜັງ ສສ ຫວຽດນາມ ເຊິ່ງໃຫ້ກຽດຕ້ອນຮັບໂດຍ ສະຫາຍ ເລ ຈຸງ ຈີງ ຮອງເລຂາຄະນະພັກນະຄອນດາໜັງ ປະທານຄະນະກຳມະການປະຊາຊົນນະຄອນດາໜັງ ພ້ອມຄະນະ.
ໂອກາດດັ່ງກ່າວ, ສະຫາຍ ເລ ຈຸງ ຈີງ ຮອງເລຂາຄະນະພັກນະຄອນດາໜັງ ປະທານຄະນະກຳມະການປະຊາຊົນນະຄອນດາໜັງ ໄດ້ກ່າວສະແດງການຕ້ອນຮັບຢ່າງອົບອຸ່ນ ແລະ ສະໜິດສະໝົມ ທີ່ໄດ້ພົບປະ ຕ້ອນຮັບ ຄະນະຜູ້ແທນຂັ້ນສູງແຂວງຈຳປາສັກ ທີ່ມາເຄື່ອນໄຫວຢ້ຽມຢາມ ແລະ ເຮັດວຽກຢູ່ນະຄອນດາໜັງ ເຊິ່ງເປັນການສືບຕໍ່ຮັກສາການແລກປ່ຽນຄະນະຜູ້ແທນຂັ້ນສູງ ຢ້ຽມຢາມເຊິ່ງກັນ ແລະ ກັນ ທັງແລກປ່ຽນເນື້ອໃນການຮ່ວມມື ເຊິ່ງຄະນະພັກ - ຄະນະນໍານະຄອນດາໜັງເອົາໃຈໃສ່ທີ່ສຸດ ໃນການຮ່ວມມືກັບບັນດາແຂວງພາກໃຕ້ຂອງລາວ ກໍຄືການຮ່ວມມືກັບແຂວງຈໍາປາສັກ.
ຕໍ່ມາ, ສະຫາຍ ອາລຸນໄຊ ສຸນນະລາດ ເລຂາພັກແຂວງ ເຈົ້າແຂວງຈໍາປາສັກ ກໍໄດ້ສະແດງຄວາມຂອບໃຈ ຕໍ່ ຄະນະພັກ - ຄະນະນໍາ ນະຄອນດາໜັງ ທີ່ໄດ້ໃຫ້ການຕອ້ນຮັບຄະນະຜູ້ແທນແຂວງຈຳປາສັກ ພ້ອມທັງແຈ້ງໃຫ້ຮູ້ ກ່ຽວກັບສະພາບການລວມຂອງແຂວງຈໍາປາສັກ ໃນການຈັດຕັ້ງປະຕິບັດແຜນພັດທະນາເສດຖະກິດ - ສັງຄົມ, ວຽກງານຈຸດສຸມຂອງແຂວງ ຕື່ມອີກ. ໃນການພົບປະຂອງຄະນະຜູ້ແທນທັງສອງຝາຍ ໄດ້ພ້ອມກັນຕີລາຄາສະພາບການຮ່ວມມື ລະຫວ່າງ ສອງພັກ, ສອງລັດຂອງສອງແຂວງ ທີ່ໄດ້ມີການຮ່ວມມືໃນໄລຍະທີ່ຜ່ານມາ (2022 - 2026) ເຊີ່ງພາຍຫຼັງທີ່ໄດ້ຮັບຟັງການສະພາບການ, ບົດຮຽນທີ່ຖອດຖອນໄດ້, ປືກສາຫາລື,ປະກອບຄໍາຄີດເຫັນຕໍ່ບັນຫາດ້ານອອ່ນທີ່ຍັງຄົງຄ້າງຜ່ານມາ ແລ້ວທັງສອງຝາຍໄດ້ມີຄວາມເປັນເອກະພາບກັນສືບຕໍ່ແລກປຽ່ນຄະນະຜູ້ແທນຂັ້ນສູງຂອງແຂວງ ແລະ ອໍານວຍຄວາມສະດວກໃຫ້ແກ່ການພົວພັນຂອງບັນດາພະແນກການ, ຂະແໜງການ, ອົງການຈັດຕັ້ງມະຫາຊົນ, ສະມາຄົມ ແລະ ການຈັດຕັ້ງທຸກຂັ້ນ ແລະນັກທຸລະກິດຂອງສອງແຂວງ ເພື່ອພົບປະແລກປຽ່ນບົດຮຽນ, ເພີ່ມທະວີຄວາມສາມັກຄີ ແລະ ໃຫ້ການຊ່ວຍເຫຼື່ອເຊີ່ງກັນ ແລະ ກັນ.
ທັງສອງຝ່າຍສືບຕໍ່ໃນການຊ່ວຍເຫຼື່ອ ແລະ ສ້າງເງືອນໄຂອໍານວຍຄວາມສະດວກໃຫ້ແກ່ນັກລົງທືນ,ທຸລະກີດຂອງທັງສອງຝ່າຍ ໄດ້ມີການຮ່ວມມືລົງທຶນ,ດໍາເນີນທຸລະກີດນໍາກັນ ໃນບັນດາໂຂງເຂດ, ການຜະລິດການປຸງແຕ່ງ, ຄ້າຂາຍ, ການແລກປ່ຽນສິນຄ້າຕ່າງໆ ສະເພາະການທ່ອງທ່ຽວ ແລະ ຄົມມະນາຄົມສອງຝ່າຍຮ່ວມມືນໍາກັນໃນການຄົ້ນຄ້ວາຄວາມອາດສາມາດ ໃນການເປີດຖ້ຽວຂົນສົ່ງສີນຄ້າ, ສ້າງລາຍກນດ້ານທ່ອງທ່ຽວຂອງສອງແຂວງ ແລະ ບັນດາແຂວງໃກ້ຄຽງ, ສືບຕໍ່ຊອກຫາບັນດາເງື່ອນໄຂປັດໄຈໃນການສ້າງເສັ້ນທາງເສດຖະກິດການເຊື່ອມໂຍງເຊື່ອມຈອດ ເພື່ອຮ່ວມມືກັນທາງດ້ານເສດຖະກິດ, ການສົ່ງອອກ - ນໍາເຂົ້າສິນຄ້າ, ການທ່ອງທ່ຽວ ຕາມທ່າແຮງຂອງສອງແຂວງ. ການພົບປະຄັ້ງນີ້ ກໍໄດ້ມີການເຊັນສັນຍາຮ່ວມທຶນກໍ່ສ້າງໂຮງງານຜະລິດນໍ້າໜາກໄມ້ ລະຫວ່າງບໍລິສັດ ເພັດສະຫວ່າງ ຮ່ວມພັດທະນາ ກາເຟຈຳກັດຜູ້ດຽວ ກັບ ບໍລິສັດ DH99 TRADING And SERVIVCFS CO.LTD ເຊິ່ງບໍລິສັດ ເພັດສະຫວ່າງ ແລະ ບໍລິສັດ DH99 ແມ່ນຄູ່ຮ່ວມສັນຍາ ທີ່ຕົກລົງເຫັນດີພ້ອມກັນດຳເນີນໂຄງການຮ່ວມກັນຕາມຈຸດປະສົງໂດຍຮູບແບບການລົງທຶນໃນໂຄງການສ້າງຕັ້ງໂຮງງານຜະລິດນໍ້າໜາກໄມ້ ເພື່ອຂາຍພາຍໃນ ສປປ ລາວ ແລະ ສົ່ງອອກໄປຕ່າງປະເທດ ໂດຍທັງສອງຝາຍຈະຮ່ວມກັນຖືຮຸ້ນ. ສະຖານທີ່ຕັ້ງໂຮງງານຜະລິດນໍ້າໜາກໄມ້ ຕັ້ງຢູ່ບ້ານວັດຫຼວງ ເມືອງປາກຊ່ອງ ແຂວງຈຳປາສັກ. ຈາກນັ້ນ ກໍໄດ້ມີການລົງນາມເຊັນສັນຍາເຊີ່ງຝາຍບໍລິສັດ ເພັດສະຫວ່າງຮ່ວມພັດທະນາ ກາເຟ ຈຳກັດຜູ້ດຽວ ລົງນາມໂດຍທ່ານ ສີສຸກ ພົມພັກດີ ປະທານບໍລິສັດ ເພັດສະຫວ່າງຮ່ວມພັດທະນາ ກາເຟຈຳກັດຜູ້ດຽວ. ຝາຍບໍລິສັດDH99 ການຄ້າ ແລະ ການບໍລິການ ຈຳກັດ ລົງນາມໂດຍ ທ່ານ ເຈີນ ຍຸຍ ຮືງ ອຳນວຍການບໍລິສັດ DH99 ການຄ້າ ແລະ ການບໍລິການ ຈຳກັດ ໂດຍຊ້ອງໜ້າການນຳທັງສອງແຂວງ ເຂົ້າຮ່ວມເປັນສັກຂີພະຍານ.
ໂອກາດດັ່ງກ່າວ ແຂວງຈໍາປາສັກ ກໍໄດ້ມອບໃບຍ້ອງຍໍໃຫ້ແກ່ບຸກຄົນດີເດັນຂອງນະຄອນດາໜັງຈຳນວນ 3 ສະຫາຍ ທີ່ມີຜົນງານຄຸນງາມຄວາມດີໃນການພົວພັນຮ່ວມມື ແລະ ຊ່ວຍເຫຼືອທືນຮອນ ເພື່ອພັດທະນາແຂວງຈໍາປາສັກໃນໄລຍະຜ່ານມາ ເນື່ອງໂອກາດສະເຫຼີມສະຫຼອງວັນສົນທິສັນຍາມິດຕະພາບ ແລະ ການຮ່ວມມື ລາວ - ຫວຽດນາມ ຄົບຮອບ 45 ປີ ແລະ ວັນສ້າງຕັ້ງສາຍພົວພັນການທູດ ລາວ -ຫວຽດນາມ ຄົບຮອບ 60 ປີ, ໃຫ້ກຽດມອບໃບຍ້ອງຍໍດັ່ກ່າວ ໂດຍສະຫາຍ ອາລຸນໄຊ ສູນນະລາດ ເລຂາພັກແຂວງ ເຈົ້າແຂວງຈຳປາສັກ.
ຂ່າວ-ພາບ: ພູທິບສະຫວັນ ຫ້ອງວ່າການແຂວງ
| ສະກຸນເງີນ | ອັດຕາຊື້ | ອັດຕາຂາຍ | |
|
EUR | 21.356 | 21.571 |
|
USD | 21.996 | 22.140 |
|
THB | 683 | 690 |
|
CNY | 2.713 | 2.740 |