ທະນາຄານຄຳລາວສ້າງຫ້ອງວິເຄາະຄຸນນະພາບຄຳດ້ວຍເຕັກນິກມາດຕະຖານສາກົນ

ພິທີເຊັນບົດບັນທຶກຄວາມເຂົ້າໃຈຮ່ວມກັນກ່ຽວກັບການ ສ້າງຫ້ອງວິເຄາະຄຳລະຫວ່າງທະນາຄານຄຳລາວ (Lao Bullion Bank) ແລະ ບໍລິສັດ ແຮວມຸດຟິດເຊີ (Helmut Fischer) ຈັດຂຶ້ນວັນທີ 25 ກັນຍາ 2024 ທີ່ບໍລິສັດ PTL Holding ຈຳກັດ ນະຄອນຫຼວງວຽງຈັນ ຮ່ວມລົງນາມລະ ຫວ່າງ ທ່ານ Mark Luvant Head of Operation ແລະ ທ່ານ Craig Gordon The Director Regional Manager Asia HELMUT FISCHER HOLDING AG.

ບໍລິສັດ ແຮວມຸດຟິດເຊີ ເນັ້ນເປັນຜູ້ຜະລິດ ແລະ ຈຳໜ່າຍເຄື່ອງສະແກນກວດສອບ ຫຼື ວ່າ X-ray ໃນນາມ Fischer ຈາກປະເທດເຢຍລະມັນ ເຊິ່ງໄດ້ສ້າງຕັ້ງບໍລິສັດຂື້ນປີ 1953 ບໍລິສັດໄດ້ມີການພັດທະນາຜະລິດຕະພັນມາຢ່າງຕໍ່ເນື່ອງ ໂດຍວິໄສທັດຂອງຜູ້ກໍ່ຕັ້ງນັ້ນ ມີຄວາມປະສົງຕ້ອງ ການສ້າງຄວາມໜັ່ນຄົງໃຫ້ກຸ່ມອຸດສະຫະກຳຕ່າງໆ ຜ່ານສິນຄ້າຂອງບໍລິສັດພາຍໃຕ້ແບຣນຟິດເຊີ (Fischer) ໃນປັດຈຸບັນບໍລິສັດ ແຮວມຸດຟິດເຊີມີ 21 ສາຂາ ແລະ ຕົວ ແທນຫຼາຍກວ່າ 80 ປະເທດທົ່ວໂລກ ເຊິ່ງໄດ້ໃຫ້ບໍລິການລູກຄ້າດ້ານການຂາຍ ບໍລິການຫ້ອງທົດລອງກວດສອບສະເພາະທາງ.

ບໍລິສັດໄດ້ຮັບການຍອມຮັບຢ່າງກວ້າງຂວາງໃນກຸ່ມອຸດສາ ຫະກໍາຕ່າງໆເຊັ່ນ:ອຸດສາຫະກໍາຄໍາອຸປະ ກອນເສີມ ເຄື່ອງ ປະດັບ ເອເລັກໂຕຣນິກຈົນໄປເຖິງອຸດສາຫະກໍາຂຸດຄົ້ນບໍ່ແຮ່ ໂຮງງານຂຸດຄົ້ນໂລຫະວັດຖຸມີຄ່າໄປຈົນເຖິງ ອຸດສາກະຫຳເຮືອບິນ-ການບິນເປັນຕົ້ນ.

ເນື່ອງດ້ວຍທະນາຄານຄຳລາວ Lao Bullion Bank ໄດ້ເຫັນເຖິງຄຸນນະພາບຂອງການກວດສອບ ແລະ ວິເຄາະຂອງວັດຖຸມີຄ່າປະເພດຄຳ ເຊິ່ງມີຄວາມສຳຄັນຕໍ່ຄວາມໜັ້ນຄົງໂປ່ງໃສທາງດ້ານທຸລະກິດ ເພື່ອສ້າງຄວາມເຊື່ອໜັ້ນໃຫ້ແກ່ລູກຄ້າ ແລະ ປະຊາຊົນລາວ ພ້ອມທັງພາກສ່ວນອື່ນໆທີ່ກ່ຽວຂ້ອງ ດ້ວຍເຫດນີ້ທະນາຄານຄຳລາວ ຈຶ່ງໄດ້ຈັດ ຕັ້ງຫ້ອງກວດສອບ-ວິເຄາະຄຳທີ່ອີງຕາມມາດຕະຖານສາ ກົນດ້ວຍເຕັກນິກຕ່າງໆ ເຮັດໃຫ້ໜັ້ນໃຈໄດ້ວ່າການກວດ ສອບຄຳຂອງທະນາຄານຄຳລາວນັ້ນມີຄວາມຖືກຕ້ອງ ແລະ ແມ້ນຢຳຕາມມາດຕະຖານສາກົນ.

#ວຽງຈັນໃໝ່

แชร์