ຂໍ້ດີການກິນໝາກນັດ

ໝາກນັດເປັນໝາກໄມ້ຊະນິດໜຶ່ງທີ່ແຊບ ແລະ ເປັນໝາກໄມ້ທີ່ມີປະໂຫຍດຫຼາຍຢ່າງ ແລະ ມີວິຕາມິນຫຼາຍຊະນິດເຊັ່ນ: ວິຕາມິນ C ແມງການິດ ວິຕາມິນ B1 B6 ໄຟເບີ ແຄວຊຽມ ທີ່ຊ່ວຍເພີ່ມພູມຕ້ານທານ ແລະ ເຮັດໃຫ້ເຮົາມີສຸຂະພາບແຂງແຮງ.

1. ຊ່ວຍໃຫ້ສຸຂະພາບຂອງຫົວໃຈແຂງແຮງຂຶ້ນ: ເພາະໝາກນັດເຮັດໃຫ້ເລືອດໄຫຼວຽນໄດ້ງ່າຍ ຖ້າເລືອດໄຫຼວຽນດີ ຈະເຮັດໃຫ້ຫຼຸດຄວາມສ່ຽງເປັນພະຍາດຫຼອດເລືອດໃນສະໝອງ, ພະຍາດຫົວໃຈ ແລະ ບັນຫາກ່ຽວກັບລະບົບໄຫຼວຽນຂອງເລືອດ.

2. ປ້ອງກັນອະນຸມູນອິດສະຫຼະ: ເພາະໝາກນັດມີວິຕາມິນ C ຫຼາຍ ຊ່ວຍໃນການຕ້ານອະນຸມູນອິດສະຫຼະໄດ້ດີ ປ້ອງກັນອະນຸມູນອິດສະຫຼະທີ່ທໍາລາຍເຊວປົກກະຕິ ແລະ ກໍ່ໃຫ້ເກີດມະເຮັງ.

3. ຕ້ານການອັກເສບ: ໝາກນັດສາມາດຊ່ວຍຕ້ານການອັກເສບ ເສີມສ້າງການເຮັດວຽກຂອງເອນໄຊ ເຊິ່ງເປັນໂຕສົ່ງຜົນກະທົບຫຼັກໃນການກໍ່ໃຫ້ເກີດການບວມ ແລະ ການອັກເສບ, ຫຼຸດການປວດເມື່ອຍ ຫຼື ຂໍ້ອັກເສບ.

4. ເຮັດໃຫ້ກະດູກ ແລະ ຜິວສຸຂະພາບດີ: ໝາກນັດອຸດົມດ້ວຍຟອດສະຟໍລັດ ແມງການິດ ແລະ ແຄວຊຽມ ເຊິ່ງຈະເຮັດໃຫ້ກະດູກແຂງແຮງ ເຊິ່ງແມງການິດຍັງຮັກສາບາດແຜ ແລະ ເຮັດໃຫ້ຜິວເປັ່ງປັ່ງ ສົດໃສ.

5. ຊ່ວຍຍ່ອຍອາຫານໄດ້ດີ: ໝາກນັດຈະດີຕໍ່ລໍາໄສ້ ເຮັດໃຫ້ຍ່ອຍອາຫານໄດ້ດີ ຊ່ວຍທໍາຄວາມສະອາດກັກເກັບນ້ໍາ ແລະ ຍັງບັນເທົາອາການເຈັບທ້ອງໄດ້ອີກດ້ວຍ.

แชร์