ອີຢູເມີນຄຳຂູ່ອາເມລິກາ ແຕ່ບໍ່ຫ້າມໃຊ້ອຸປະກອນຫົວເຫວີຍ

 ແຫຼ່ງຂ່າວເຜີຍຄະນະກຳມາ ທິການເອີຣົບ ຊຶ່ງເປັນໜ່ວຍງານບໍລິຫານຂອງສະຫະພາບເອີຣົບ (ອີ ຢູ) ຈະຂໍໃຫ້ຊາດສະມາຊິກແບ່ງປັນ ຂໍ້ມູນເພື່ອຮັບມືກັບຄວາມສ່ຽງດ້ານຄວາມປອດໄພໄຊເບີແຕ່ຈະບໍ່ຫ້າມໃຊ້ອຸປະກອນຂອງ “ຫົວເຫວີຍ”ຂອງ ສປ ຈີນ ໃນການວາງເຄືອຂ່າຍ 5 ຈີຕາມຄຳຂູ່ຂອງອາເມລິກາ.

ທ່ານ ອັນດຣຸສອັນຊິບ ກຳມາທິການເອີຣົບດ້ານຕະຫຼາດຮ່ວມດິຈິຕອນຈະນຳສະເໜີຂໍ້ຄິດເຫັນແມ່ນ ບໍ່ມີຜົນບັງຄັບທາງກົດໝາຍແຕ່ຈະມີນ້ຳໜັກທາງການເມືອງທີ່ອາດ ນຳໄປສູູ່ການອອກກົດໝາຍລະດັບປະເທດຂອງແຕ່ລະຊາດສະມາຊິກໜຶ່ງໃນແຫຼ່ງຂ່າວເຜີຍກັບສຳນັກ ຂ່າວຣອຍເຕີວ່າທ່ານອັນຊິບຈະຂໍໃຫ້ຊາດສະມາຊິກໃຊ້ຊຸດເຄື່ອງມື ທີ່ກຳນົດໄວ້ໃນຄຳສັ່ງອີຢູວ່າດ້ວຍ ຄວາມປອດໄພເຄືອຂ່າຍ ແລະລະບົບຂ່າວສານປີ 2016 ແລະກົດ ໝາຍຄວາມປອດໄພໄຊເບີທີ່ຫາກໍ ຜ່ານຄວາມເຫັນດີເມື່ອບໍ່ດົນມານີ້ ຕົວຢ່າງເຊັ່ນຊາດສະມາຊິກຄວນແລກປ່ຽນຂໍ້ມູນແລະປະສານງານກັນເລື່ອງຜົນການປະເມີນຄວາມ ສ່ຽງດ້ານຄວາມປອດໄພ ແລະ ການອອກໃບຮັບຮອງອຸປະກອນ ເຊື່ອມຕໍ່ອິນເຕີເນັດແລະອຸປະກອນ 5 ຈີ ແຕ່ຈະບໍ່ຂໍໃຫ້ມີຄຳສັ່ງລະດັບ ເອີຣົບຫ້າມການໃຊ້ອຸປະກອນຂອງ ບໍລິສັດຫົວເຫວີຍເຕັກໂນໂລຊີ ແລະຈະປ່ອຍໃຫ້ເປັນການຕັດສີນໃຈ ຂອງຊາດສະມາຊິກເອງຣອຍເຕີ ລະບຸວ່າຄຳແນະນຳນີ້ຖືວ່າເຂັ້ມງວດ ຕໍ່ກາລົງທຶນຂອງຈີນຫຼາຍຂຶ້ນຫຼັງ ຈາກປ່ອຍໃຫ້ຈີນເຂົ້າເຖິງຕະຫຼາດອີຢູຢ່າງອິດສະຫຼະມາຫຼາຍປີປະຈຸບັນຈີນຄອງຕະຫຼາດອຸປະກອນໃນ ການຜະລິດສິນຄ້າໄຮເທັກຫຼາຍ ເຖິງ 70% ຂອງທັງໝົດໃນໂລກ ຂະນະທີ່ອາເມລິກາພະຍາຍາມເກ້ຍ ກ່ອມໃຫ້ເອີຣົບປິດຕະຫຼາດບໍ່ໃຫ້ຫົວ ເຫວີຍເຂົ້າມາ ໂດຍອ້າງວ່າອາດຖືກລັດຖະບານຈີນໃຊ້ເປັນຊ່ອງທາງຈາລະກຳຫົວເຫວີຍຢືນຢັນປະຕິ ເສດ ແລະຍື່ນຟ້ອງອາເມລິກາໄປ ໃນຕົ້ນເດືອນມີນາທີ່ຜ່ານມາ.

ນອກຈາກປະເດັນຫົວເຫວີຍແລ້ວອີຢູມີແຜນຫາລືເລື່ອງການ ໃຫ້ເງິນອຸດໜູນບໍລິສັດຂອງລັດ ຖະບານຈີນບົດບາດຂອງລັດໃນ ເສດຖະກິດຈີນ ແລະການເຂົ້າເຖິງ ຕະຫຼາດຈີນຫຼາຍຂຶ້ນໃນກອງປະ ຊຸມສຸດຍອດ “ອີຢູ-ຈີນ” ໃນວັນ ທີ 9 ເມສາທີ່ຜ່ານມາ.    

แชร์