ເວທີເຈົ້ານະຄອນອາຊຽນ ປຶກສາຫາລື 5 ຫົວຂໍ້ສໍາຄັນ

ກອງປະຊຸມເວທີເຈົ້ານະຄອນອາຊຽນ ໄດ້ຈັດຂຶ້ນໃນວັນທີ 19 ກັນຍາ 2024 ນີ້ ທີ່ຫໍປະຊຸມແຫ່ງຊາດ ໂດຍການເປັນປະທານກ່າວເປີດກອງປະຊຸມຂອງທ່ານ ອາດສະພັງທອງ ສີພັນດອນ ເຈົ້າຄອງນະຄອນຫຼວງວຽງຈັນ, ມີທ່ານ ດຣ. ນາງ ເບີນາເດຍ ອີຣາວາຕີ ຈັນດຣາເດວີ ເລຂາທິການ ໃຫຍ່ຂອງອົງການ UCLG ASPAC ແລະ ທ່ານ ພູວົງ ວົງຄໍາຊາວ ຮອງເຈົ້າຄອງນະຄອນຫຼວງວຽງຈັນ ພ້ອມດ້ວຍຄະນະຜູ້ແທນນະຄອນອາຊຽນ ເຂົ້າຮ່ວມ.

ທ່ານເຈົ້າຄອງນະຄອນຫຼວງວຽງຈັນ ກ່າວວ່າ: ກອງປະຊຸມເວທີເຈົ້ານະຄອນອາຊຽນ ຜ່ານມາ ແມ່ນມີຜົນສໍາເລັດເປັນຢ່າງດີ ເຮັດ ໃຫ້ບັນດານະຄອນພວກເຮົາ ມີຄວາມໃກ້ຊິດກັນຫຼາຍຂຶ້ນ, ໄດ້ມີການແລກປ່ຽນບົດຮຽນນໍາກັນ ໃນດ້ານ ຕ່າງໆທີ່ພົວພັນເຖິງນະໂຍບາຍ 3 ເສົາຄໍ້າຂອງການເຊື່ອມໂຍງອາຊຽນ ເຊັ່ນ: ການພັດທະນາຕົວເມືອງຕາມ ທິດຍືນຍົງ, ການແກ້ໄຂບັນກາລົດຕິດ, ການສ້າງຕົວເມືອງສີຂຽວ, ການທ່ອງທ່ຽວ ແລະ ອຸດສາຫະກຳທ່ອງ ທ່ຽວແລະການແລກປ່ຽນວັດທະນະທໍາອື່ນໆ.

ສໍາລັບກອງປະຊຸມເວທີເຈົ້ານະຄອນອາຊຽນ ຄັ້ງນີ້, ພາຍໃຕ້ຄໍາຂັວນ “ເພີ່ມທະວີການເຊື່ອມຈອດ ແລະ ຄວາມເຂັ້ມແຂງ ເພື່ອການພັດທະນາແບບຍືນຍົງ ຂອງບັນດານະຄອນອາຊຽນ”. ຊຶ່ງປະກອບມີ 5 ຫົວຂໍ້: ຫົວຂໍ້ທີ 1 ຕົວເມືອງທີ່ໜ້າຢູ່ ແລະ ຍືນຍົງ”; ຫົວຂໍ້ທີ 2: “ ການທ່ອງທ່ຽວສີຂຽວ”; ຫົວຂໍ້ທີ 3 “ ການ ພັດທະນາເສດ ຖະກິດແບບຍືນຍົງ "; ຫົວຂໍ້ທີ 4 : " ຕົວເມືອງທີ່ມີຄວາມຍືນຍົງດ້ານສິ່ງແວດລ້ອມ "; ຫົວຂໍ້ທີ 5: ຄວາມເຂັ້ມແຂງທຶນທານຕໍ່ການປ່ຽນແປງສະພາບອາກາດ " ເຊິ່ງເນື້ອໃນ ຄໍາຂວັນ ແລະ ຫົວຂໍ້ຂອງກອງປະຊຸມຄັ້ງນີ້ ບັນດາທ່ານແມ່ນໄດ້ມີການແລກປ່ຽນບົດຮຽນຮ່ວມກັນມາແລ້ວທີ່ກອງ ປະຊຸມຄົບຄະນະ ແລະ ກອງປະຊຸມຄູ່ຂະໜານ ເຫັນວ່າສອດຄ່ອງກັບນະໂຍບາຍ 3 ເສົາຄໍ້າຂອງອາຊຽນ ທີ່ກໍານົດໄວ້.

แชร์