ບໍລິສັດ ລາວໂທລະຄົມມະນາຄົມ ມະຫາຊົນ ໄດ້ຮັບກຽດຂຶ້ນຮັບລາງວັນ “ຜູ້ປະກອບການອາຊຽນດີເດັ່ນ

ໃນວັນທີ 10 ກັນຍາ 2024 ທີ່ຜ່ານມາ ທ່ານ ສຸພົນ ຈັນທະວີໄຊ ຜູ້ອຳນວຍການໃຫຍ່ ບໍລິສັດ ລາວໂທລະຄົມມະນາຄົມ ມະຫາຊົນ ພ້ອມດ້ວຍຄະນະໄດ້ຮັບກຽດຂຶ້ນຮັບລາງວັນ ຜູ້ປະກອບການອາຊຽນດີເດັ່ນຄັ້ງທີ 9 ປະຈຳປີ 2024 ( 9th ASEAN Entrepreneur Award 2024 ) ໃນເວທີ The 25th World Knowledge Forum 2024 ພາຍໃຕ້ຫົວຂໍ້ “Journey towards Coexistence” ໃນລະຫວ່າງວັນທີ 09 – 11 ກັນຍາ 2024 ທີ່ ເມືອງອິນຊອນ ປະເທດສາທາລະນະລັດເກົາຫຼີໃຕ້ The 25th World Knowledge Forum 2024 (WKF 2024) ໄດ້ເປີດຢ່າງເປັນທາງການ ໂດຍມີແຂກຜູ້ມີກຽດລະດັບສາກົນຈາກທົ່ວໂລກ ຮັບເຊີນເຂົ້າຮ່ວມງານທັງໝົດ 82 ປະເທດ ເເລະມີເເຂກຜູ້ມີກຽດລະດັບສາກົນເຂົ້າຮ່ວມທັງໝົດຈໍານວນ 62,821 ຄົນ ພ້ອມມີນັກບັນລະຍາຍຜູ້ຊ່ຽວຊານຫຼາຍຂະເເໜງຈາກທົ່ວໂລກ ຈໍານວນທັງໝົດ 5,832 ຄົນ ແລະມີຫົວຂໍ້ບັນລະຍາຍທີ່ເປັນອົງຄວາມຮູ້ດ້ານເສດຖະກິດ ເເລະ ເຕັກໂນໂລຊີ ພ້ອມສະຖານນະການທ່າອ່ຽງຂອງໂລກ ທັງໝົດ 1,830 ຫົວຂໍ້ ໂດຍມີການນໍາສະເໜີແລກປ່ຽນເຊີ່ງກັນ ແລະ ກັນ ລະຫວ່າງຜູ້ຊ່ຽວຊານຫຼາຍຂະເເໜງລະດັບໂລກຈາກທົ່ວໂລກ.

ສຳລັບລາງວັນຜູ້ປະກອບການອາຊຽນດີເດັ່ນ ຄັ້ງທີ 9 ປະຈຳປີ 2024 ( 9th ASEAN Entrepreneur Award 2024 ) ມີ 2 ບໍລິສັດຕົວເເທນປະເທດໃນພູມມີພາກອາຊຽນໄດ້ຮັບລາງວັນຄື: ບໍລິສັດ ລາວໂທລະຄົມມະນາຄົມ ມະຫາຊົນ ຈາກ ສປປ ລາວ ແລະ ບໍລິສັດ WorldBridge International Group ຈາກ ປະເທດ ກຳປູເຈຍ.

ບໍລິສັດ ລາວໂທລະຄົມມະນາຄົມ ມະຫາຊົນ ຈາກ ສປປ ລາວ ໄດ້ຮັບລາງວັນ ຜູ້ປະກອບການອາຊຽນດີເດັ່ນ ຄັ້ງທີ 9 ປະຈຳປີ 2024 ເປັນກຽດຂຶ້ນຮັບລາງວັນ ໂດຍທ່ານ ສຸພົນ ຈັນທະວີໄຊ ຜູ້ອຳນວຍການ ລາວໂທລະຄົມ ເຊິ່ງເປັນຜູ້ນໍາ ເເລະ ຜູ້ປະກອບການດີເດັ່ນໃນອຸດສາຫະກຳໂທລະຄົມມະນາຄົມ ເເລະ ການສື່ສານໃນ ສປປ ລາວ ໂດຍມີຜົນປະກອບການທາງທຸລະກິດທີ່ມີການເຕີບໃຫຍ່ຢ່າງໜັ້ນຄົງພ້ອມທັງຂັບເຄື່ອນການພັດທະນາເສດຖະກິດ ເເລະ ການສື່ສານໃນປະເທດຢ່າງວ່ອງໄວເເມ່ນເປັນແບບຢ່າງໃນດ້ານການນຳໃຊ້ເຕັກໂນໂລຊີໃຫມ່ໆ ເພື່ອຮັບໃຊ້ສັງຄົມ, ປະເທດຊາດ ແລະເປັນສ່ວນຫນຶ່ງໃນການພັດທະນາການຫັນປ່ຽນສັງຄົມເປັນດິຈີຕອນຕາມແນວທາງນະໂຍບາຍຂອງພັກລັດ.

แชร์