ປ່ອຍແລ້ວເອັມວີເພງ “ຢາກກັບໄປວັນນັ້ນຂອງໜຸ່ມວິນລີ້

ເອັມວີເພງ ຢາກກັບໄປວັນນັ້ນ” ຂອງໜຸ່ມວິນລີ້ ທາລາເທບວິໄລວັນ ນັກຮ້ອງ-ຊາຍແບບສັງກັດ ຄ້າຍກ້າວໜ້າເອັນເຕີເທັນເມັ້ນໄດ້ ປ່ອຍອອກສູ່ສາຍຕາມວນຊົນຮັບຊົມ ກັນພ້ອມກັນທົ່ວປະເທດໃນວັນທີ 22 ເມສາ 2019 ຜ່ານເຟສບຸກ ແລະຢູ ທູບຂອງ Willy Vilayvanh ແລະ ກ້າວໜ້າເອັນເຕີເທັນເມັ້ນ.

ໜຸ່ມວິນລີ້ທາລາເທບວິໄລວັນໃຫ້ຮູ້ວ່າ: ຜົນງານນີ້ວິນລີ້ຕັ້ງໃຈເຕັມທີ່ ແລະຍັງໄດ້ 2 ນັກສະແດງມາ ຮ່ວມງານຄັ້ງນີ້ຄື:ໝີພູ-ພູຄໍາທິບພົມວົງ ນາງສາວລາວ ທີ່ຫາກໍໄປປະ ກວດໃນເວທີ Miss Global ທີ່ປະເທດຟິລິບປິນມາຮັບບົດເປັນນາງເອກ ແລະໄດ້ໜຸ່ມກ້າ-ບຸນພິທັກພູນຜົນຜູ້ຊະນະໂຄງການປະກວດ  Lao Super Model 2018 ມາຮັບບົດ ພະຮອງ, ພ້ອມທັງໄດ້ຕ້າເອແພັກ ສິລະປິນຮຸ່ນອ້າຍຜູ້ມີງານໂດດເດັ່ນ ໃນວົງການບັນເທີງເພງລາວມາກໍາ ກັບການຖ່າຍທໍານໍາອີກ. 

ສໍາລັບເພງ “ຢາກກັບໄປວັນ ນັ້ນ” ມີເນື້ອເພງເວົ້າເຖິງການທີ່ຄົນໜຶ່ງຮູ້ສຶກຜິດທີ່ເຮັດໃຫ້ຄົນໆໜຶ່ງ ເສຍໃຈເວລາທີ່ມີເຂົາຢູ່ບໍ່ເຄີຍເຫັນຄ່າແລະຄວາມສໍາຄັນເມື່ອຕ້ອງເສຍ ເຂົາໄປ ຈຶ່ງຮູ້ຊຶ້ງເຖິງຄວາມຮັກທີ່ ເຂົາມີໃຫ້ ຈຶ່ງຮູ້ໃຈໂຕເອງວ່າຮັກເຂົາ ແຕ່ມັນກໍ່ສາຍໄປແລ້ວໄດ້ແຕ່ຢາກໃຫ້ເຈົ້າກັບມາ ແລະຢາກກັບໄປວັນ ນັ້ນມື້ນັ້ນທີ່ຍັງມີເຈົ້າ ແລະເຮົາຢູ່.

ແນວໃດກໍດີເອັມວີເພງດັ່ງກ່າວ ແມ່ນໄດ້ປ່ອຍເປັນທາງການແລ້ວ ຜ່ານ 2 ຊ່ອງທາງຄື: ເຟສບຸກ Willy Vilayvanh ແລະກ້າວໜ້າ ເອັນເຕີເທັນເມັ້ນ ຫຼື ຢູທູບ ນັ້ນເອງ ຊຶ່ງບັນດາແຟນໆເພງສາມາດເຂົ້າ ຊົມກັນໄດ້ຜ່ານຊ່ອງທາງດັ່ງກ່າວ, ທີ່ສໍາຄັນຢ່າລືມກົດຖືກໃຈ ແລະກົດ ແບ່ງປັນເພື່ອເປັນການສົ່ງເສີມຜົນ ງານເພງລາວທັງເປັນການໃຫ້ກໍາ ລັງໃຈສິລະປິນລາວນໍາອີກ, ໜຸ່ມວິນລີ້ ຄາດວ່າຈະມີຜົນງານໃໝ່ໆອອກ ມາສູ່ມວນຊົນຮັບຊົມຕື່ມໃນອີກບໍ່ ດົນນີ້.

แชร์