ໃນວັນທີ 16 ກັນຍາ 2024 ທ່ານ ບຸນໂຈມ ອຸບົນປະເສີດ ເຈົ້າແຂວງສະຫວັນນະເຂດ ພ້ອມດ້ວຍພາກສ່ວນທີ່ຂ້ອງໄດ້ລົງຕິດຕາມສະພາບນໍ້າຖ້ວມທີ່ເມືອງຈຳພອນ,ໂດຍໃຫ້ການຕ້ອນຮັບຂອງທ່ານ ວົງສະຫວັນ ວຽງມະນີ ເຈົ້າເມືອງໆຈຳພອນ ໂອກາດດັ່ງກ່າວ ທ່ານ ວົງສະຫວັນ ວຽງມະນີ ກໍໄດ້ລາຍງານກ່ຽວກັບສະພາບນໍ້າຖ້ວມພາຍໃນເມືອງ, ເມືອງຈຳພອນມີຄວາມສ່ຽງຕໍ່ໄພນໍ້າຖ້ວມລວມມີ 22 ບ້ານ,ໃນນັ້ນທາງເມືອງຍັງໄດ້ຕັ້ງສູນຈຸດພັກສຸກເສີນຢູ່ 14 ຈຸດພາຍໃນເມືອງເພື່ອກະກຽມຄວາມພ້ອມໃນເວລານໍ້າຖ້ວມໃຫ້ປະຊາຊົນໄດ້ພັກເຊົາ, ໃນນັ້ນມີ 6,057 ຄອບຄົວທີ່ຖຶກຜົນກະທົບ,ມີ 1,510 ຫຼັງຄາເຮືອນ, ມີ 19,105 ຄົນ,ມີເສັ້ນທາງຕັດຂາດມີ 06 ບ້ານ, ບ້ານທີ່ມີເນື້ອທີ່ທຳການຜະລິດນາປີທີ່ຖຶກຖ້ວມມີ 60 ບ້ານ, ມີ 10,049 ຄອບຄົວ, ມີເນື້ອທີ່ຖືກຖ້ວມ 6,919 ເຮັກຕາ, ມີ 5,667ຄອບຄົວ, ໂອກາດດຽວກັນທ່ານເຈົ້າແຂວງຍັງໃຫ້ຄວາມສຳຄັນຕໍ່ກັບປະຊາຊົນບ້ານຫົວເມືອງ, ທ່ານ ຍັງໄດ້ແນະນຳໃຫ້ປະຊາຊົນປູກພຶດໄລຍະສັ້ນໃນເວລານໍ້າບົກລົງເປັນຕົ້ນແມ່ນ: ຜັກກາດ, ໝາກຖົ່ວ, ຜັກບົ່ວ, ໝາກແຕງຫຼືພຶດຜັກ ຕ່າງໆເພື່ອສ້າງລາຍໄດ້, ນອກນັ້ນທ່ານຍັງໄດ້ແນະນຳໃຫ້ກະສິກຳປ່າໄມ້ຫາແນວພັນເຂົ້າຫຼືພືດຜັກຕ່າງໆ ແລະມາສາທິດໃຫ້ປະຊາຊົນຮັບຮູ້ເພື່ອເຂົ້າໃຈໃນການເຮັດກະສິກຳໃຫ້ໄດ້ຜົນປະໂຫຍດຫຼາຍຂື້ນກວ່າເກົ່າ,ຈາກນັ້ນການນຳແຂວງ ແລະເມືອງກໍໄດ້ໄປຕິດຕາມກວດບິ່ງການເຊາະເຈື່ອນຂອງເຊ ທີ່ບ້ານຊະຄຶນ ແລະ ກວດກາການກໍ່ສ້າງກັນເຈື່ອນຂອງ ຄັນຄູຝາຍສຸຍ ທີ່ຍັງບໍ່ທັນສຳເລັດຕື່ມອີກ.