ລົງນາມອະນຸສັນຍາ ປັບປຸງສັນຍາການລົງທຶນຮອບດ້ານ ອາຊຽນ (ACIA) ຄັ້ງທີ 5

ໃນວັນທີ 16 ກັນຍາ 2024 ທີ່ໂຮງແຮມຄຣາວພາຊາ ນະຄອນຫຼວງວຽງຈັນ ຈັດກອງປະຊຸມລັດຖະມົນຕີເສດຖະກິດອາຊຽນ ລົງນາມອະນຸສັນຍາ ຄັ້ງທີ 5 ເພື່ອປັບປຸງສັນຍາການລົງທຶນຮອບດ້ານຂອງອາຊຽນ ເຊິ່ງສະແດງເຖິງຄວາມໝາຍໝັ້ນຢ່າງຕໍ່ເນື່ອງຂອງອາຊຽນຕໍ່ກັບນັກລົງທຶນ ແລະພາກເອກະຊົນ ໂດຍມີລັດຖະມົນຕີເສດຖະກິດອາຊຽນ ເລຂາທິການໃຫຍ່ອາຊຽນ ພ້ອມດ້ວຍຄະນະທີ່ ເຂົ້າຮ່ວມ.

ໃນໂອກາດດຽວກັນ ທ່ານ ມະໄລທອງ ກົມມະສິດ ລັດຖະມົນຕີກະຊວງອຸດສາຫະກຳ ແລະການຄ້າ ແຫ່ງ ສປປ ລາວ ແລະທ່ານ ກາວຄິມຮຸນ ເລຂາທິການໃຫຍ່ອາຊຽນ ການລົງນາມອະນຸສັນຍາທີ 5 ເພື່ອປັບປຸງສັນຍາການລົງທຶນຮອບດ້ານອາຊຽນ (ACIA) ໃນກອງປະຊຸມລັດຖະມົນຕີເສດຖະກິດອາຊຽນ ຄັ້ງທີ 56 ແລະ ກອງປະຊຸມສະພາເຂດການລົງທຶນອາຊຽນ ຄັ້ງທີ 27 ແມ່ນຂໍ້ຕົກລົງສຳຄັນລະຫວ່າງບັນດາປະເທດສະມາຊິກອາຊຽນ ເຊຶ່ງສະແດງເຖິງຄວາມໝາຍໝັ້ນຢ່າງຕໍ່ເນື່ອງຕໍ່ກັບນັກລົງທຶນ ແລະ ພາກເອກະຊົນເປັນຈໍານວນຫຼວງຫຼາຍ ເພື່ອໃຫ້ຄວາມແນ່ນອນ ຊັດເຈນ ແລະ ຄວາມໂປ່ງໃສຫຼາຍຂຶ້ນກ່ຽວກັບລະບົບການລົງທຶນໃນອາຊຽນ ພ້ອມທັງຮັບປະກັນວ່າ: ສັນຍາການລົງທຶນພາຍໃນຂອງອາຊຽນ ຍັງຄົງມີຄວາມກ່ຽວຂ້ອງກັບບັນດາສັນຍາພາຍນອກຂອງອາຊຽນ ທັນສະໄໝ ມີວິໄສທັດ ແລະ ປັບຕົວເຂົ້າກັບທຸລະກິດ ແກ່ບັນດານະໂຍບາຍ ແລະ ການລົງທຶນຂອງປະເທດສະມາຊິກອາຊຽນຢ່າງເຂັ້ມແຂງ ຈະດຶງດູດການລົງທຶນຈາກທົ່ວໂລກຫຼາຍຂຶ້ນ.

ໃນອະນຸສັນຍານີ້ໃຫ້ 3 ລັກສະນະສຳຄັນຄື: ການປະຕິບັດການຫັນປ່ຽນບັນຊີລາຍການຈອງເອກະສານຊ້ອນທ້າຍດຽວຂອງການລົງທຶນຮອບດ້ານອາຊຽນ ໃນປັດຈຸບັນໄປຫາບັນຊີລາຍຊື່ລົບສອງເອກະສານຊ້ອນທ້າຍ ລວມທັງການຈອງຕໍ່ກັບພັນທະກ່ຽວກັບການຫ້າມການປະຕິບັດຄວາມຕ້ອງການພາຍໃຕ້ອະນຸສັນຍາທີ 4 ເພື່ອແກ້ໄຂ ການລົງທຶນຮອບດ້ານອາຊຽນ ຕໍ່ມາແມ່ນການຂະຫຍາຍຂອບເຂດຂອງການລົງທຶນຮອບດ້ານອາຊຽນ ເກີນຂອບເຂດທີ່ມີຢູ່ແລ້ວຂອງການຜະລິດການກະສິກໍາການປະມົງ ປ່າໄມ້ ການຂຸດຄົ້ນບໍ່ແຮ່ ແລະການບໍລິການເສີມ ສິ່ງໜຶ່ງຄືການນຳໃຊ້ກົນໄກຮັດແຄບຈະຖືກນຳໃຊ້ກັບບາງປະເທດສະມາຊິກອາຊຽນ ເຊິ່ງອາຊຽນຄົງມີຄວາມຫວັງວ່າ: ປະເທດສະມາຊິກທີ່ຍັງເຫຼືອຈະສາມາດເຮັດໄດ້ເຊັ່ນດຽວກັນພາຍໃນປີນີ້ສັນຍາສະບັບນີ້ເມື່ອໄດ້ຮັບລາຍເຊັນບັນດາປະເທດສະມາຊິກທັງໝົດບັນຊີລາຍຊື່ການຈອງການລົງທຶນຮອບດ້ານຂອງອາຊຽນສະບັບປັບປຸງຈະສໍາເລັດພາຍໃນຫົກເດືອນ.

แชร์