ເມືອງງອຍ ຈັດງານບຸນຊ່ວງເຮືອປະຈຳປີ

ເມື່ອວັນທີ 10 ເມສາຜ່ານ ມາເມືອງງອຍໄດ້ຈັດງານບຸນຊ່ວງ ເຮືອປະຈຳປີ 2019 ໂດຍການ ເຂົ້າຮ່ວມຂອງທ່ານ ບົວທອງ  ແພງ ສະຫວັນ ປະທານກວດກາພັກ-ລັດແຂວງຫຼວງພະບາງ, ທ່ານ ລັດຕະ ນະໄຊ ຄຳສີດາ ເຈົ້າເມືອງງອຍ, ມີການນຳເມືອງອ້ອມຂ້າງ, ຕາງ ໜ້າພະແນກການຂອງແຂວງ ແລະມວນຊົນເຂົ້າຮ່ວມເຊຍຕາມແຄມ ຝັ່ງນ້ຳອູ.

ງານບຸນຊ່ວງເຮືອຂອງເມືອງ ງອຍປີນີ້ມີເຮືອຊ່ວງເຂົ້າຮ່ວມທັງ ໝົດ  22 ລຳ ທີ່ມາຈາກບັນດາບ້ານ, ສຳນັກງານອ້ອມຂ້າງເມືອງ, ຊຶ່ງຜ່ານການແຂ່ງຂັນຜົນປະກົດວ່າອັນດັບທີ 1 ໄດ້ແກ່ເຮືອຊ່ວງຂອງ ຮ້ານອາຫານ 72 ອັນດັບທີ 2 ບ້ານສົບຮຸນ ແລະອັນດັບທີ 3 ບ້ານສົບຄານ, ສ່ວນຂອງລາງວັນທີ 1 ໄດ້ຮັບຂັນແຊ້ມ 1 ໜ່ວຍ ແລະຂັນ ລາງວັນ 1 ໜ່ວຍພ້ອມເງິນສົດ 3 ລ້ານກີບ, ທີ 2 ໄດ້ຮັບຂັນ 1 ໜ່ວຍພ້ອມດ້ວຍເງິນສົດ 2,5 ລ້ານກີບ, ທີ 3 ໄດ້ຮັບຂັນ 1 ໜ່ວຍ ພ້ອມເງິນ  ສົດ 2 ລ້ານກີບນອກນັ້ນແມ່ນໄດ້ຮັບລາງວັນຊົມເຊີຍຕາມອັນດັບທີ.

ນສພ ເສດຖະກິດ-ສັງຄົມ

 

แชร์