ວັນທີ 9 ກັນຍາ 2024, ໄດ້ມີພິທີເຊັນບົດບັນທຶກຄວາມເຂົ້າໃຈ ວ່າດ້ວຍການສຶກສາສໍາຫຼວດຄວາມເປັນໄປໄດ້ໃນການລົງທຶນພັດທະນາໂຄງປູກເຂົ້າ, ຜະລິດແນວພັນເຂົ້າ ແລະ ພັດທະນາກະສິກໍາຄົບວົງຈອນ ໃນເນື້ອທີ່ 150 ເຮັກຕາ ຢູ່ເຂດບ້ານອຸທຸມ ເມືອງສຸຂຸມາ ແຂວງຈໍາປາສັກ ລະຫວ່າງ ອົງການປົກຄອງແຂວງຈຳປາສັກ ກັບ ບໍລິສັດ ດີເອັນເອສ ເຈແປນ ຄົບວົງຈອນ ຈໍາກັດຜູ້ດຽວ.
ພິທີຈັດຂຶ້ນຢູ່ພະແນກແຜນການ ແລະການລົງທຶນແຂວງ ໂດຍການໃຫ້ກຽດເຂົ້າຮ່ວມຂອງ ທ່ານ ອະລຸນໄຊ ສູນນະລາດ ກໍາມະການສູນກາງພັກ ເລຂາພັກແຂວງ ເຈົ້າແຂວງໆຈໍາປາສັກ, ທ່ານ ປອ.ສຸກສະຫວັນ ວິໄລວົງ ຄະນະປະຈໍາພັກແຂວງ ຫົວໜ້າພະແນກແຜນການ ແລະ ການລົງທຶນແຂວງ, ທ່ານ ສົມເພັດ ບຸດສະດີ ກໍາມະການພັກແຂວງ ເລຂາພັກເມືອງ ເຈົ້າເມືອງໆສຸຂຸມາ, ທ່ານ ຄໍາ ນີລາວົງ ຮັກສາຫົວໜ້າພະແນກກະສິກໍາ ແລະ ປ່າໄມ້ແຂວງ, ທ່ານ ບູ໋ຍ ກວັກ ຢຸ໋ງ ຜູ້ອໍານວຍການບໍລິສັດ ດີເອັນເອສ ເຈແປນ ຄົບວົງຈອນ ຈໍາກັດຜູ້ດຽວ, ທ່ານ ສຸດໃຈ ແກ້ວຫາວົງ ຜູ້ຈັດການບໍລິສັດ ດີເອັນເອສ ເຈແປນ ຄົບວົງຈອນ ຈໍາກັດຜູ້ດຽວ ພ້ອມດ້ວຍການນໍາພະແນກການກົມກອງທີ່ກ່ຽວຂ້ອງອ້ອມຂ້າງແຂວງ, ຂະແໜງການ ແລະ ພະນັກງານວິຊາການທັງສອງຝ່າຍເຂົ້າຮ່ວມເປັນສັກຂີພະຍານ.
ຕາງໜ້າອົງການປົກຄອງແຂວງຈຳປາສັກ ໂດຍພະແນກແຜນການ ແລະການລົງທຶນແຂວງ ລົງນາມໂດຍ ທ່ານ ປອ.ສຸກສະຫວັນ ວິໄລວົງ ຄະນະປະຈໍາພັກແຂວງ ຫົວໜ້າພະແນກແຜນການ ແລະ ການລົງທຶນແຂວງ.ບໍລິສັດ ດີເອັນເອສ ເຈແປນ ຄົບວົງຈອນ ຈໍາກັດຜູ້ດຽວ ລົງນາມໂດຍ ທ່ານ ບູ໋ຍ ກວັກ ຢຸ໋ງ ຜູ້ອໍານວຍການບໍລິສັດ ດີເອັນເອສ ເຈແປນ ຄົບວົງຈອນ ຈໍາກັດຜູ້ດຽວ. ຝ່າຍອົງການປົກຄອງແຂວງ ລົງນາມເປັນພະຍານ ມີທ່ານ ສົມເພັດ ບຸດສະດີ ກໍາມະການພັກແຂວງ ເລຂາພັກເມືອງ ເຈົ້າເມືອງໆສຸຂຸມາ, ທ່ານ ຄໍາ ນີລະວົງ ຮັກສາຫົວໜ້າພະແນກກະສິກໍາ ແລະ ປ່າໄມ້ແຂວງ. ຝ່າຍບໍສັດ ລົງນາມເປັນພະຍານມີ ທ່ານ ສຸດໃຈ ແກ້ວຫາວົງ ຜູ້ຈັດການບໍລິສັດ ດີເອັນເອສ ເຈແປນ ຄົບວົງຈອນ ຈໍາກັດຜູ້ດຽວ.
ການເຊັນບົດບັນທຶກຄວາມເຂົ້າໃຈ ຄັ້ງນີ້ ແມ່ນປະຕິບັດຕາມຂໍ້ຕົກລົງ ຂອງເຈົ້າແຂວງຈໍາປາສັກ ເລກທີ 976/ຈຂ.ຈສ, ລົງວັນທີ 23 ສິງຫາ 2024 ວ່າດ້ວຍການມອບສິດໃຫ້ພະແນກແຜນການ ແລະ ການລົງທຶນແຂວງ ຕາງໜ້າອົງການປົກຄອງແຂວງ ເຊັນບົດບັນທຶກຄວາມເຂົ້າໃຈ ວ່າດ້ວຍການສຶກສາສໍາຫຼວດຄວາມເປັນໄປໄດ້ໃນການລົງທຶນພັດທະນາ ໂຄງການປູກເຂົ້າ, ຜະລິດແນວພັນເຂົ້າ ແລະ ພັດທະນາກະສິກຳ ຄົບວົງຈອນ ຢູ່ເຂດບ້ານອຸທຸມ ເມືອງສຸຂຸມາ ແຂວງຈໍາປາສັກ ໃນເນື້ອທີ່ 150 ເຮັກຕາ, ຂອງບໍລິສັດ ດີເອັນເອສ ເຈແປນ ຄົບວົງຈອນ ຈຳກັດຜູ້ດຽວ, ເປັນການລົງທຶນຂອງຕ່າງປະເທດ 100% ເຊິ່ງຈະໄດ້ເລີ່ມຈັດຕັ້ງປະຕິບັດໂຄງການສຶກສາສໍາຫຼວດນັບແຕ່ມື້ເຊັນບົດບັນທຶກຄວາມເຂົ້າໃຈເປັນຕົ້ນໄປ, ຄາດວ່າຈະໃຫ້ສໍາເລັດໃນເວລາ 12 ເດືອນ..
ຂ່າວ-ພາບ: ທູນທອງໃຈ
| ສະກຸນເງີນ | ອັດຕາຊື້ | ອັດຕາຂາຍ | |
|
EUR | 21.356 | 21.571 |
|
USD | 21.996 | 22.140 |
|
THB | 683 | 690 |
|
CNY | 2.713 | 2.740 |