ອັດຕະປື ອະນຸຍາດໃຫ້ບໍລິສັດເອກະຊົນ ຄຸ້ມຄອງອະນຸລັກ ຟື້ນຟູປ່າໝາກຈອງ

ວັນທີ 6 ກັນຍາ 2024 ນີ້ ທີ່ຫອ້ງປະຊຸມພະແນກແຜນການ ແລະ ການລົງທຶນ ອົງການປົກຄອງແຂວງອັດຕະປື ໄດ້ຈັດພິທີເຊັນສັນຍາອະນຸຍາດໃຫ້ບໍລິສັດສົມສັກ ພັດທະນາຄົບວົງຈອນຄຸ້ມຄອງອະນຸລັກຂະຫຍາຍພັນ, ຟື້ນຟູປ່າໝາກຈອງ ແລະ ເຄື່ອງປ່າ ຂອງດົງອື່ນໆໃນ 4 ບ້ານຂອງເມືອງຊານໄຊ ແຂວງອັດຕະປືໂດຍໃຫ້ກຽດເຂົ້າຮ່ວມໃນພິທີໂດຍ ທ່ານ ພົທ ວັນທອງ ກອງມະ ນີ ເຈົ້າແຂວງອັດຕະປື, ມີບັນດາຫົວໜ້າພະແນກການ, ເຈົ້າເມືອງ, ບໍລິສັດ ແລະ ພາກສ່ວນກ່ຽວຂ້ອງເຂົ້າຮ່ວມ.
ຈຸດປະສົງໃນການໃຫ້ບໍລິສັດຄຸ້ມຄອງ, ອະນຸລັກຂະຫຍາຍພັນ, ຟື້ນຟູປ່າໝາກຈອງ ແລະ ເຄື່ອງປ່າຂອງດົງໃນ 4 ບ້ານຂອງເມືອງຊານໄຊ ເພື່ອພັດທະນາໂຄງການ, ຫັນຊັບພະຍາກອນທຳ ມະຊາດຕິດພັນກັບການພັດທະນາເສດຖະກິດ ເພື່ອສົ່ງເສີມການ ພັດທະນາວຽກງານກະສິກຳ ຢູ່ແຂວງອັດຕະປື ແລະ ອະນຸລັກຮັກ ສາຟື້ນຟູນຳໃຊ້ເຄື່ອງປ່າຂອງດົງໃຫ້ມີຄວາມຍືນຍົງຢູ່ໃນເນື້ອທີ່ດິນ 4 ບ້ານຂອງເມືອງຊານໄຊແຂວງອັດຕະປື ຄື: ວັງຕັດນ້ອຍ, ບ້ານວັງຕັດໃຫຍ່, ບ້ານຢຽງດາກ ແລະ ບ້ານໜອງຟ້າໃໝ່ ເຊິ່ງຟາຍຫຼັງເຊັນສັນຍາສຳເລັດຕ້ອງໄດ້ດຳເນີນຕາມຂັ້ນຕອນໃນເນື້ອທີ່ໄດ້ຮັບອະນຸຍາດຈາກ ອົງການການປົກຄອງແຂວງໃນທຸກຂັ້ນຕອນຕາມລະບຽບການ ແລະ ພະແນກຊັບພະຍາກອນທຳມະ ຊາດ ແລະ ສິ່ງແວດລ້ອມ, ພະແນກກະສິກຳ ແລະ ປ່າໄມ້ແຂວງຕ້ອງລົງສຳ ຫຼວດກຳນົດທີ່ດິນຄືນໃໝ່ລະອຽດຈຶ່ງສາມາດພັດທະນາໂຄງການໄດ້.
ຮ່ວມລົງນາມເຊັນສັນຍາໃນຄັ້ງນີ້ ມີຕາງໜ້າໃຫ້ອົງການປົກ ຄອງແຂວງອັດຕະປື ໂດຍແມ່ນ ທ່ານ ສູນນະຄອນ ແກ້ວວຽງຄຳ ຫົວໜ້າພະແນກ ແຜນການ ແລະ ການລົງທຶນແຂວງອັດຕະປື, ທ່ານ ທອງສະຫວັດ ສິດທິຈັກ ຮອງຫົວຫົວໜ້າພະແນກກະສິ ກຳ ແລະ ປ່າໄມ້ແຂວງ, ທ່ານ ຫັດສະໄນ ສີບຸນເຫືລອງ ຫົວໜ້າພະ ແນກຊັບພະຍາກອນທໍາມະຊາດ ແລະ ສິ່ງແວດລ້ອມ, ທ່ານ ສັນ ຕິໄຊ ສີລືໄຊ ຫົວໜ້າພະແນກກະອຸດສະຫະກຳ ແລະ ການຄ້າແຂວງ, ທ່ານ ສາຍທາລາ ໂສທິດາ ຮອງເຈົ້າເມືອງຊານໄຊ ແລະ ຝ່າຍ ບໍລິສັດມີທ່ານ ສົມສັກ ແກ້ວສະໜອນ ອໍານວຍການບໍລິ ສັດສົມສັກພັດທະນາຄົບວົງຈອນຈຳກັດຜູ້ດຽວ ແລະ ທ່ານ ອະ ນຸສິດ ວຽງຈະເລີນຮອງປະທານບໍລິສັດພັດທະນາຄົບວົງຈອນຈໍາກັດຜູ້ດງວ.

ຂ່າວ: ມະນີວອນ

แชร์