ບໍລິສັດ ພູເບ້ຍ ມາຍນິງ ໄດ້ເລີ່ມການພັດທະນາບໍ່ຂຸດຄົ້ນໃຕ້ດິນຂອງ ບ້ານຫ້ວຍຊາຍ ໃນປີ 2023 ເພື່ອສໍາຫຼວດເພີ່ມເຕີມແຫຼ່ງແຮ່ຄໍາຄຸນນະພາບສູງ ທີ່ຢັ່ງເລິກຢູ່ລຸ່ມຂອງບໍ່ປະຈຸບັນ. ທີມງານຮັບຜິດຊອບຂອງບໍລິສັດພູເບ້ຍ ມາຍນິງ ແມ່ນມາຈາກຊ່ຽວຊານດ້ານບໍ່ແຮ່ທີ່ມີຄວາມຫຼາກຫຼາຍ, ທັງມີຊ່ຽວຊານຈາກບໍລິສັດທີ່ປຶກສາ ເຊິ່ງເປັນບໍລິສັດບໍ່ແຮ່ຈີນ ZCM ລວມທັງພະນັກງານຄົນລາວຂອງບໍລິສັດ ພູເບ້ຍ ມາຍນິງ ທີ່ຂັບລົດບັນທຸກບໍ່ໃຕ້ດິນ 40ໂຕນ. ວຽກງານທີ່ດຳເນີນຢູ່ບໍ່ໃຕ້ດິນແມ່ນສໍາເລັດດ້ວຍມາດຕະຖານສູງ, ຂຸດຄົ້ນດິນຈາກອຸໂມງໄດ້ຫຼາຍກວ່າ 138,000 ໂຕນ ແລະ ປາດສະຈາກການບາດເຈັບ - ອັນນີ້ເປັນຜົນງານທີ່ດີເລີດ. ພວກເຂົາໄດ້ສໍາເລັດການພັດທະນາອຸໂມງໃນເດືອນ ສິງຫາ 2024 - ເຊິ່ງເຈາະລົງລິກ 181 ແມັດ, ໂດຍຄວາມຍາວຂອງອຸໂມງທັງໝົດແມ່ນ 1,441 ແມັດ.

 

ທີມພັດທະນາຊັບພະຍາກອນແຮ່ທາດ ແລະ ຜູ້ຮັບເໝົາ, ບອດ ລອງເຢຍ ຂອງບໍລິສັດ ພູເບ້ຍ ມາຍນິງ ໄດ້ເລີ່ມການຊີເຈາະເພື່ອພັດທະນາຊັບພະຍາກອນດັ່ງກ່າວໃນວັນທີ 9 ສິງຫາຜ່ານມາ, ເຊິ່ງມັນຈະກໍານົດຊັບພະຍາກອນແຮ່ທາດ (ຄໍາ, ເງິນ) ແລະ ປະລິມານສະສົມແຮ່ທາດທີ່ມີທ່າແຮງໃນອະນາຄົດ. ບໍ່ໃຕ້ດິນຂອງໂຄງການບ້ານຫ້ວຍຊາຍ, ເມື່ອດໍາເນີນງານ, ຄາດຄະເນວ່າຈະສະໜອງແຫຼ່ງແຮ່ອີກຫຼາຍປີ, ຄຸນນະພາບສູງເຊິ່ງມີທ່າແຮງຕໍ່ອາຍຸຂອງການດໍາເນີນງານ ບ້ານຫ້ວຍຊາຍໃນອີກທົດສະວັດຂ້າງໜ້າ.

ບໍ່ຂຸດຄົ້ນຄໍາໃຕ້ດິນຂອງບ້ານຫ້ວຍຊາຍຈະນໍາເອົາຜົນປະໂຫຍດດ້ານເສດຖະກິດ ແລະສັງຄົມທີ່ດີມາສູ່ລາວ ແລະ ໂດຍສະເພາະ ແຂວງໄຊສົມບູນ. ໜຶ່ງໃນບັນດາຜົນປະໂຫຍດທີ່ຈະໄດ້ຈາກໂຄງການກໍ່ແມ່ນການພັດທະນາຊຸມຊົນທ້ອງຖິ່ນ ໂດຍບໍລິສັດໄດ້ປະກອບທຶນພັດທະນາຊຸມຊົນ ປະຈໍາປີຈໍານວນ $750,000 ໂດລາສະຫະລັດ ໃນການສະໜັບສະໜູນໂຄງການພັດທະນາໂຄງລ່າງພື້ນຖານ, ປັບປຸງຊີວິດເປັນຢູ່ ແລະ ພັດທະນາຊຸມຊົນຢູ່ ແຂວງໄຊສົມບູນ.

 

ທ່ານ ດາລິງ ເຊັງ, ຜູ້ອໍານວຍການ ແລະ ປະທານບໍລິຫານບໍລິສັດ ແພນອອສ໌, ໄດ້ກ່າວກ່ຽວກັບຄວາມຄືບໜ້າທີ່ດີຢູ່ລາວ ໃນການພັດທະນາບໍ່ຂຸດຄົ້ນໃຕ້ດິນຂອງບໍລິສັດ ກວາງດົງ ຣາຍຊີງ ໂຮນດີ້ງ ກຣຸບ (GDRH) ເຊິ່ງເປັນບໍລິສັດ ແມ່ນຂອງບໍລິສັດ ແພນອອສ໌.

 

“ນີ້ ແມ່ນການພັດທະນາບໍ່ຂຸດຄົ້ນຄໍາໃຕ້ດິນບໍ່ທໍາອິດຢູ່ລາວ ຂອງຜູ້ຖືຮຸ້ນພວກເຮົາ. ບໍລິສັດ ແພນອອສ໌ ແລະ GDRH ເຊື່ອວ່າເຂດດໍາເນີນງານຂອງ ບ້ານຫ້ວຍຊາຍ ມີການສະສົມຂອງແຮ່ທາດຫຼາຍທີ່ຢູ່ເລິກໃນບາງເຂດທີ່ບໍ່ທັນສໍາຫຼວດຢູ່ໃນ ແລະ ອ້ອມຂ້າງບໍ່ບ້ານຫ້ວຍຊາຍ.

 

“ເນື່ອງຈາກເປັນບໍ່ໃຕ້ດິນທໍາອິດຂອງບໍລິສັດ, ພວກເຮົາຂໍຂອບໃຈມາຍັງທີມງານພັດທະນາບໍ່ໃຕ້ດິນຂອງບ້ານຫ້ວຍຊາຍ, ຜູ້ທີ່ໄດ້ສໍາເລັດໂຄງການນີ້ດ້ວຍທັກສະ ແລະ ວິຊາການສູງສົ່ງ, ແລະ ຂ້າພະເຈົ້າ ຍິນດີລາຍງານໃຫ້ຊາບວ່າບໍ່ມີການບາດເຈັບຕໍ່ພະນັກງານໃນໄລຍະຂຸດຄົ້ນ. ພວກເຮົາຍັງຂໍຂອບໃຈມາຍັງບັນດາພະແນກຜູ້ທີ່ສືບຕໍ່ສະໜອງການສະໜັບສະໜູນຂອງພວກເຂົາ ໃນໄລຍະໂຄງການນີ້ທີ່ໃຊ້ເວລາ ແລະ ທ້າທາຍ.”

 

ທ່ານ ຈັນເພັງ ບຸນນະຜົນ, ປະທານບໍລິສັດ ພູເບ້ຍ ມາຍນິງ ໄດ້ກ່າວຕື່ມວ່າ: “ແຫຼ່ງແຮ່ທາດທີ່ພວກເຮົາກໍາລັງກໍານົດຢູ່ໃນໄລຍະການພັດທະນາບໍ່ໃຕ້ດິນຂອງບ້ານຫ້ວຍຊາຍແມ່ນຍັງຢູ່ຂັ້ນເລີ່ມຕົ້ນ. ທ່າແຮງສໍາລັບການຄົ້ນພົບແຮ່ໃນຕໍ່ໜ້າຈາກໂຄງການຊີເຈາະຂອງພວກເຮົາຈະເພີ່ມມູນຄ່າຕື່ມໃຫ້ການດໍາເນີນງານຂອງ ບ້ານຫ້ວຍຊາຍ ແລະ ສາມາດສືບຕໍ່ສະໜັບສະໜູນການເຕີບໂຕໄລຍະຍາວຂອງພວກເຮົາໃນລາວ”