ວາງສີລາລຶກສ້າງອາຄານຮຽນ ມສ ນາປຸ່ງ ເມືອງຫົງສາ

 

ໃນວັນທີ 19 ເມສາຜ່ານມາ ທີ່ໂຮງຮຽນ ມສນາປຸ່ງເມືອງ ຫົງສາ ແຂວງໄຊຍະບູລີໄດ້ຈັດພິທີວາງສີລາລຶກໂຄງການກໍ່ສ້າງອາຄານຮຽນຫຼັງໃໝ່.ໂດຍມີທ່ານ   ນາງ ເຍິ່ມ ທິເຟືອງ ຮອງປະທານສະພາປະຊາຊົນແຂວງເຊີນລາ ສສ ຫວຽດນາມພ້ອມດ້ວຍຄະ ນະການນຳແຂວງເຊີນລາ, ມີທ່ານ ນາງບຸນພັກ ອິນທະປັນຍາ ຮອງ ເຈົ້າແຂວງໄຊຍະບູລີ ພ້ອມດ້ວຍຄະນະການນຳຂອງແຂວງໄຊຍະ ບູລີ, ມີການນຳຂອງເມືອງຫົງສາ, ມີຄູ-ອາຈານ, ນັກຮຽນ, ອຳນາດ  ການປົກຄອງບ້ານ ແລະພາກສ່ວນ ທີ່ກ່ຽວຂ້ອງເຂົ້າຮ່ວມ.

ທ່ານ ກາບແກ້ວ ສີບຸນມາ ຫົວ ໜ້າພະແນກສຶກສາທິການ ແລະ ກີລາແຂວງໄຊຍະບູລີ ໄດ້ຂຶ້ນລາຍ ງານສະພາບໂຮງຮຽນ ມສ ນາປຸ່ງ ແລະທີ່ມາຂອງໂຄງການດັ່ງກ່າວ ວ່າ: ໂຮງຮຽນ ມສ ນາປຸ່ງສ້າງ ຕັ້ງຂຶ້ນປີ 2008 ຢູ່ບ້ານພັດທະ ນານາປຸ່ງຊຶ່ງເປັນຈຸດສຸມພັດທະນາ ຂອງແຂວງໄຊຍະບູລີແລະເມືອງ ຫົງສາ. ໂຮງຮຽນແຫ່ງນີ້, ໄດ້ຮັບນັກຮຽນທີ່ຈົບຈາກໂຮງຮຽນປະ ຖົມຈຳນວນ 5 ບ້ານໃກ້ຄຽງຄື: ບ້ານນາປຸ່ງ, ບ້ານນາແກ່ນຄຳ, ບ້ານຫ້ວຍໃຍ, ບ້ານໜອງຫຼວງ ແລະບ້ານປາກຫ້ວຍຍາງ, ມີ 6 ເຜົ່າ, ມີ 19 ຫ້ອງຮຽນ, ມີນັກຮຽນ ທັງໝົດ 604 ຄົນ ຍິງ 292 ຄົນ, ມີຄູສອນ 40 ຄົນ ຍິງ 19 ຄົນ, ຍ້ອນເປັນຈຸດສຸມພັດທະນາຈິ່ງເຮັດ ໃຫ້ນັກຮຽນເພີ່ມຂຶ້ນຢ່າງໄວວາ ເຮັດໃຫ້ສະຖານທີ່ຮຽນບໍພຽງພໍ. ດ້ວຍເຫດຜົນດັ່ງກ່າວ, ໂດຍປະຕິບັດຕາມບົດບັນທຶກທີ່ໄດ້ເຊັນຮ່ວມກັນໃນຄັ້ງວັນທີ 12 ມີນາ 2019 ອຳນາດການປົກຄອງປະຊາຊົນ ແຂວງເຊີນລາ ສສ ຫວຽດນາມ ໄດ້ໃຫ້ທຶນຊ່ວຍເຫຼືອຫຼ້າກໍ່ສ້າງໂຮງ ຮຽນ ມສ ນາປຸ່ງ ມູນຄາ 5 ຕື້ດົງ. ໃນການກໍ່ສ້າງໂຮງຮຽນຫຼັງໃໝ່ນີ້, ໂດຍສ້າງເປັນອາຄານ 2 ຊັ້ນມີຂະໜາດ 9x43,5 ແມັດ, ສູງ 10,5 ແມັດ, ໂຄງສ້າງເບຕົງເສີມ   ເຫຼັກ, ຝາກໍ່ດ້ວຍດິນຈີ່ພ້ອມໂບກ, ໂຄງຫຼັງຄາໄມ້, ມຸງດ້ວຍກະເບື້ອງ ສີ, ປະກອບມີ 10 ຫ້ອງຮຽນ, ແຕ່ ລະຫ້ອງສາມາດບັນຈຸນັກຮຽນ   ໄດ້ 30 ຄົນ ແລະຈະໃຊ້ເວລາໃນການກໍ່ສ້າງ 12 ເດືອນ ໂດຍແມ່ນ ບໍລິສັດສົມປະສົງກໍ່ສ້າງເປັນຜູ້ຮັບ ເໝົາໂຄງການ.

ທ່ານ ກາບແກ້ວ ສີບຸນມາ ຍັງ ກ່າວອີກວ່າ: ການກໍ່ສ້າງໂຮງຮຽນ ມສ ນາປຸ່ງ ພາຍຫຼັງສຳເລັດ ແລະ ເປີດນຳໃຊ້ຈະໄດ້ເອື້ອອຳນວຍຄວາມສະດວກໃຫ້ແກ່ການຮຽນ-ການສອນຂອງນັກຮຽນ ແລະຄູ-ອາຈານ. ພ້ອມທັງເປັນການປະ ກອບສ່ວນສ້າງຊັບພະຍາກອນມະນຸດທີ່ມີຄຸນນະພາບ. ເວົ້າສະເພາະ ກໍແມ່ນສາຍພົວພັນມິດຕະພາບ ແບບພິເສດລາວ-ຫວຽດນາມອ້າຍນ້ອງກໍຄື: ປະຊາຊົນສອງຊາດ ລາວ-ຫວຽດນາມໃຫ້ມີຄວາມ ແໜ້ນແຟ້ນຍິ່ງໆຂຶ້ນ.

ໂດຍ: ກິດຕິສັກ

แชร์