8 ເດືອນ ນະຄອນປາກເຊ ເກັບລາຍຮັບໄດ້ 18 ຕື້ກວ່າກີບ

ທ່ານ ບົວລີ ເພັດສົງຄາມ ເຈົ້ານະຄອນປາກເຊ ໄດ້ລາຍງານວ່າ: ປີ 2024 ນີ້, ນະຄອນປາກເຊ ແຂວງຈໍາປາສັກ ໄດ້ຮັບແຜນຕົວເລກລາຍຮັບຈາກແຂວງ ມອບໃຫ້ຈັດເກັບທັງໝົດ​ ​24​ ​ຕື້​ 704​ ລ້ານກີບ ໃນນັ້ນ ມີລາຍຮັບຈາກສ່ວຍສາອາກອນ 23​ ຕື້​ 700 ລ້ານກີບ ເທົ່າກັບ 95,94% ແລະລາຍຮັບຈາກຊັບສິນ 1 ຕື້ກວ່າກີບ (4,06%); ສ່ວນ ແຜນລາຍຈ່າຍ ປີ 2024 ມີທັງໝົດ 12​ ຕື້​ 422 ລ້ານກວ່າກີບ ເປັນນະຄອນ ທີ່ມີລາຍຈ່າຍງົບປະມານໃນປີໜ້ອຍທີ່ສຸດ, ທຽບໃສ່ຕົວເລກລາຍຮັບ 50,28% ຂອງແຜນລາຍຮັບ.​

ສໍາລັບການຈັດຕັ້ງ​ປະຕິບັດ 8 ເດືອນ​ມາຮອດ​ວັນທີ​ 30​ ສິງຫາ​ 2024, ສາມາດເກັບລາຍຮັບໄດ້ ທັງໝົດ​ 18 ຕື້​ 685 ລ້ານກວ່າກີບ, ທຽບໃສ່ແຜນການປີ 75,6%, ທຽບໃສ່ໄລຍະດຽວກັນ 145,51%.

แชร์