ທ່ານ ພັທ ຄຳສີ ທູນທະວົງສັກ ຫົວໜ້າກອງບັນຊາການ ປກສ ນະຄອນ ໄກສອນ ພົມວິຫານ ແຂວງສະຫວັນນະເຂດ ໄດ້ລາຍງານໃຫ້ຮູ້ວ່າ: ໃນຄັ້ງວັນທີ 29 ສິງຫາ 2024 ທາງເຈົ້າໜ້າທີ່ໜ່ວຍງານສະກັດກັ້ນ-ຕ້ານຢາເສບຕິດ ປກສ ນະຄອນໄກສອນພົມວິຫານ ໄດ້ຮັບລາຍງານຈາກພົນລະເມືອງດີວ່າ: ຢູ່ເຮືອນຂອງ ທ້າວ ເດືອນປະເສີດ ສົງສີ ຫຼື ແບັກແຮັມ ອາຍຸ 24 ປີ ອາຊີບ ກໍາມະກອນ ບ້ານສຸນັນທາ ນະຄອນໄກສອນພົມວິຫານ ແຂວງສະຫວັນນະເຂດ ເປັນບ່ອນ ຊື້-ຂາຍ ສີ່ງເສບຕິດປະເພດຢາສູບໄຟຟ້າ (ພ໋ອດ) ຈາກນັ້ນທາງວິຊາສະເພາະຈື່ງໄດ້ລົງໄປພິສູດແຫຼ່ງຂ່າວ ເຫັນວ່າມີມູນຄວາມຈິງແທ້ ຮອດເວລາ 10 ໂມງຂອງວັນດຽວກັນຈື່ງໄດ້ສະແດງຕົວເຂົ້າຈັບກຸມ ທ້າວ ເດືອນປະເສີດ ຢູ່ເຮືອນຂອງຜູ້ກ່ຽວ ຈາກນັ້ນຈີ່ງໄດ້ສົມທົບກັບອໍານາດການປົກຄອງບ້ານສຸນັນທາ ແລະ ເຈົ້າໜ້າທີ່ ປກສ ກຸ່ມບ້ານທີ 02 ທຳການກວດຄົ້ນເຮືອນຂອງຜູ້ກ່ຽວພົບເຫັນຢາສູບໄຟຟ້າ (ພ໋ອດ) ຈໍານວນ 1,299 ກັບ ແລະ 08 ອັນ ລວມທັງໝົດເທົ່າກັບ 12,998ອັນ ພົບເຫັນໃນຫ້ອງເກັບເຄື່ອງຈາກນັ້ນຈື່ງໄດ້ນໍາຕົວຜູ່ກ່ຽວເຂົ້າມາ ປກສ ນະຄອນໄກສອນພົມວິຫານ ພ້ອມຂອງກາງຢາສູບໄຟຟ້າ 12,998ອັນ ,ໂທລະສັບ ໄອໂຟນ1ໜ່ວຍ 01ໜ່ວຍ ແລະລົດໃຫຍ່ ຍີ້ຫໍ້ຝອດ ເອເວີເລັດ ສີຂາວທະບຽນ ກຍ 9699 ສະຫວັນນະເຂດ.