ໂຮງຮຽນນານາຊາດ ອົດສະຕຣາລີ ເປັນເຈົ້າພາບຕ້ອນຮັບ ຄູອາຈານຈາກ“ຈັງຫວັດນະຄອນລາດຊະສີມາ” ປະເທດໄທ

ໂຮງຮຽນນານາຊາດ ອົດສະຕຣາລີ ໄດ້ເປັນເຈົ້າພາບຕ້ອນຮັບຄະນະຜູ້ອຳນວຍການ, ຄູອາຈານ ແລະ ເຈົ້າຂອງໂຮງຮຽນຈຳນວນ 250 ທ່ານ ຈາກສຳນັກງານບໍລິຫານການສຶກສາປະຈຳ “ຈັງຫວັດນະຄອນລາດຊະສີມາ” ປະເທດໄທ ເຊິ່ງໄດ້ມາຢ້ຽມຢາມ ແລະ ແລກປ່ຽນປະສົບການທາງດ້ານການສຶກສາ ພາຍໃຕ້ໂຄງການເສີມສ້າງສັກກະຍະພາບຜູ້ບໍລິຫານການສຶກສາ.

ການມາຢ້ຽມຢາມຄັ້ງນີ້ຖືເປັນໂອກາດທີ່ສຳຄັນຢ່າງຍິ່ງທີ່ທາງໂຮງຮຽນນານາຊາດ ອົດສະຕຣາລີ ໄດ້ນຳພາຄະນະຜູ້ບໍລິຫານ, ຄູອາຈານ ແລະ ບຸກຄະລາກອນເຂົ້າມາຢ້ຽມຢາມສະຖານກາຮສຶກສາ, ແນວທາງການບໍລິຫານ ແລະ ແລກປ່ຽນຄວາມຮູ້ດ້ານໂຄງການຕ່າງໆຂອງໂຮງຮຽນນານາຊາດ ອົດສະຕຣາລີ. ເພື່ອນຳເອົາຄວາມຮູ້ ແລະ ການແລກປ່ຽນປະສົບການຄັ້ງນີ້ໄປປັບໃຊ້ໃນການບໍລິຫານການສຶກສາ ແລະ ບຸກຄະລາກອນດ້ານການສຶກສາ. ເຊິ່ງຖືວ່າເປັນການສ້າງສາຍສຳພັນທີ່ເຂັ້ມແຂງ ແລະ ສົ່ງເສີມຊຸມຊົນການຮຽນຮູ້ໃນລະດັບນານາຊາດ.

แชร์