ທາມຍົກໃຫ້ BTS ຕິດ 1 ໃນ 100 ຜູ້ມີອິດທິພົນທີ່ສຸດໃນໂລກ

ວາລະສານທາມ (Time)ເປີດເຜີຍລາຍຊື່ຄົນດັງລະດັບໂລກທີ່ມີອິດທິພົນທີ່ສຸດໃນໂລກປະຈຳປີ 2019 ແລະໃນປີນີ້ກໍ່ມີທັງໜ້າເກົ່າແລະໜ້າໃໝ່ມາປະປົນກັນ ໂດຍວັນນີ້ໄດ້ນໍາລາຍຊື່ຄົນດັງທີ່ຢູ່ໃນສາຍບັນເທີງມາໃຫ້ເບິ່ງວ່າໃຜຈະຢູ່ໃນໝວດໃດແລະຂວັນໃຈຂອງໃຜຈະມີໃນລາຍຊື່ນີ້ກັນແດ່.

ວາລະສານທາມເປີດເຜີຍລາຍຊື່ຜູ້ມີອິດທິພົນທີ່ສຸດໃນໂລກປະຈຳປີ  2019 ໃນທ້າຍອາທິດທີ່ຜ່ານມາໂດຍລາຍຊື່ເຫຼົ່ານີ້ຄັດເລືອກມາ ຈາກບັນດາຜູ້ນໍາ, ສີລະປິນ ແລະ ຜູ້ລິເລີ່ມຕ່າງໆຈາກທົ່ວໂລກ. ໂດຍ ວົງ BTS ບອຍແບນສັນຊາດ ສ ເກົາຫຼີ ທີ່ໂດ່ງດັງໃນປະຈຸບັນມີ ລາຍຊື່ເຂົ້າໄປຢູ່ໃນໝວດສີລະປິນ ທີ່ມີອິດທິພົນຮ່ວມກັບເຣຈິນ່າຄິງ, ຣາມີແມລິກ, ອາຣິອານ່າເກຣນເດແລະບຣີລາສັນ, ຂະນະທີ່ຮາຊີນັກຮ້ອງ ແລະນັກແຕ່ງເພງຊື່ດັງຄົນ ອາເມລິກາ ຊຶ່ງຮ່ວມງານກັບວົງ BTS ໃນເພງຫຼ້າສຸດ ‘Boy WithLuv’ ອອກກ່າວເຖິງ 7 ໜຸ່ມວ່າຜົນງານເພງຂອງພວກເຂົາມີຄວາມ ໝາຍດ້ານບວກກ່ຽວກັບຄວາມ ໝັ້ນໃຈໃນຕົວເອງໃຫ້ກັບຄົນຟັງ ພ້ອມທັງສະມາຊິກແຕ່ລະຄົນຂອງ ວົງ BTS  ຍັງເປັນຕົວຢ່າງທີ່ດີໃຫ້ ກັບແຟນເພງອີກຫຼາຍລ້ານຄົນ, ຮາຊີກ່າວຕື່ມວ່າທັງ 7 ໜຸ່ມ  ສາມາດ ຄອງໂລກໄດ້ບໍ່ຍາກຈາກຄວາມ ຮັກ ແລະຄວາມທຸ່ມເທຂອງພວກ ເຂົາໃນທຸກໆບາດກ້າວ.

ນສພ ເສດຖະກິດ-ສັງຄົມ

 

แชร์