ງານວາງສະແດງລົດ Vientiane Center Motor Show 2024

ງານ Vientiane Center Motor Show 2024 ຄັ້ງທີ 8 ໄດ້ຈັດຂຶ້ນໃນລະຫວ່າງວັນທີ 31 ສິງຫາ- 8 ກັນຍາ 2024 ນີ້ ທີ່ສູນການຄ້າວຽງຈັນເຊັນເຕີ ນະຄອນຫຼວງວຽງຈັນ ພາຍໃຕ້ຫົວຂໍ້

“ກ້າວຂ້າມຂີດຈຳກັດ ສູ່ນິຍາມໃຫມ່ຂອງການຂັບຂີ່", ຊຶ່ງໃຫ້ກຽດເຂົ້າຮ່ວມມີ ທ່ານ ດວງເດືອນ ວົງນະລາດ ຮອງເລຂາພັກເມືອງສີສັດຕະນາກ ນະຄອນຫຼວງວຽງຈັນ, ທ່ານນາງ ສຸພະພອນ ຄໍາແສນນາມ ຮອງເລຂາທິການ ສະພາການຄ້າ ແລະ ອຸດສາຫະກຳແຫ່ງຊາດລາວ, ທ່ານນາງ ສະຫວັນທອງ ອຸ່ນມີໄຊ ຮອງຜູ້ອໍານວຍການ ບໍລິສັດ ພັດທະນາສູນເສດຖະກິດການຄ້າຄົບວົງຈອນ ໜອງຈັນຕອນເໜືອ ຈຳກັດ, ທ່ານ ອະພິຊາດ ສະຫວັດມົງຄົນ ຜູ້ຊ່ວຍຜູ້ອໍານວຍການ ສູນການຄ້າ ວຽງຈັນເຊັນເຕີ, ພ້ອມດ້ວຍຜູ້ບໍລິຫານບໍລິສັດຄ້າຍລົດຕ່າງໆ ແລະ ພາກສ່ວນທີ່ກ່ຽວຂ້ອງ.

ງານຄັ້ງນີ້ ຈັດຂຶ້ນເພື່ອສະແດງໃຫ້ເຫັນຄວາມສຳຄັນທາງດ້ານການພັດທະນານະວັດຕະກໍາທາງດ້ານຍານພາຫະນະ ແລະ ສົ່ງເສີມທຸລະກິດຍານພາຫະນະ ເພື່ອເປັນການຕອບສະ ໜອງຄວາມຕ້ອງການໃນການຊົມໃຊ້ໃຫ້ແກ່ລູກຄ້າ ແລະ ເປັນອີກທາງເລືອກໜຶ່ງໃນການຕັດສິນໃຈຊື້ພາຫະນະທີ່ມີຄຸນນະພາບ ແລະ ເໝາະສົມຕາມຄວາມຕ້ອງການ, ພ້ອມຫຼາກຫຼາຍໂປຣໂມຊັນຈາກບໍລິສັດຄ້າຍລົດຊັ້ນນໍາຂອງ ສປປ ລາວ ຊຶ່ງປະກອບມີ: Thivara AUTO (ທິວະລາ ໂອໂຕ), KINGSTAR (ຄິງສະຕາ ຕົວແທນຈໍາໜ່າຍລົດ ວູຫຼິງ), ຕັນຈົງມໍເຕີລາວ ຈຳກັດ ຕົວແທນຈໍາໜ່າຍລົດ ນິສສັນ, EVX Auto Import (ອີວີເອັກ ໂອໂຕອິມພອດ ບໍລິສັດນໍາເຂົ້າ ລົດໄຟຟ້າທຸຊະນິດ, Hongyun (ຫົງຢຸນ ຈໍາໜ່າຍລົດສະກາຍເວິດ), YADEA (ຢາຕິ), ELITE Motor Sports (ອີລິດ ໂມໂຕ ສະປອດ), BB AUTO (ປີປີ ໂອໂຕ ຕົວແທນຈໍາໜ່າຍອຸປະກອນຕົບແຕ່ງລົດອ໋ອບໂລດແບຣນ ໄອລອນແມນ, Kassan Auto (ຄາສສັນ ໂອໂຕ), UD Auto Glass (ຢຸດີ ໂອໂຕ ກາສ). ນອກຈາກນີ້ ຍັງບັນດາບໍລິສັດທີ່ໃຫ້ການສະໜັບສະໜູນ ເຊັ່ນ: ບໍລິສັດ ລາວໂທລະຄົມ, ໂຮງແຮມ ແລນມາກ ໄລເຊັນເຕີ, ເດີເລີດ ຄຣີນິກ, ບິກບູ ເອເຈັນຊີ ລາວ, ເພສ ອິນໄຊລາວ, ເພສ Lao press (ວຽງຈັນທາມ), ບໍລິສັດ Fang Laos Dance Studio, ບໍລິສັດ Anywhere, ເອສຊີຊີ ອໍແກໄນ), ເພສ Cooking class, ເພສ Thongtaek, ເພສ Jipnoil, Major platinum cineplex ແລະ ບໍລິສັດອື່ນໆອີກ.

ນອກຈາກນັ້ນ ພາຍໃນງານ ຍັງມີກິດຈະກຳ ເສວະນາໃຫ້ຄວາມຮູ້ ດ້ານການນໍາໃຊ້ລົດຈົນເຖິງວິທິການບຳລຸງຮັກສາລົດ ແລະ ການເລືອກສິນເຊື່ອໃນການຊື້ລົດ ຈາກກຸລຸໃນແຕ່ລະດ້ານ ແລະ ນອກຈາກນັ້ນລູກຄ້າທີ່ມາທ່ຽວຊົມໃນງານຍັງສາມາດຖ່າຍຮູບ, ເຊັກອິນ ຢູ່ພາຍໃນງານ ໂພສລົງ Facebook ພ້ອມກັບໃສ່ແຮັດແທັກ #Vientiane Center Motor Show 2024, #Vientiane Center Motor Show Photo Campaign ພ້ອມ Tag Vientiane Center ທີມງານຈະສຸ່ມເລືອກຮູບ ທີ່ມີຍອດ Like ຫຼາຍທີ່ສຸດໃນແຕ່ລະມື້ 5 ທ່ານ ຮັບບັດເບິ່ງຮູບເງົາ Major ຟຣີ. ພິເສດ ສຳລັບລູກຄ້າທີ່ຈອງ ຫລື ຊື້ລົດພາຍໃນງານ ຈະໄດ້ຮັບສິດ ລຸ້ນຮັບປີ້ຍົນ ວຽງຈັນ-ບາງກອກ, ຈາກສູນການຄ້າວຽງຈັນເຊັນເຕີ ນໍາອີກ.

แชร์