ເປີດເວທີປາໄສການຮ່ວມມືດ້ານສື່ມວນຊົນ ປະຈໍາປີ 2024

ເວທີປາໄສການຮ່ວມມືດ້ານສື່ມວນຊົນປະຈໍາປີ 2024 ໃນຂອບ “ໜຶ່ງແລວໜຶ່ງເສັ້ນທາງ” ແນໃສຊຸກຍູ້ການພົວພັນແລກປ່ຽນ ແລະການຮ່ວມມືຂອງລັດຖະບານ ສປ ຈີນ ກັບບັນດາປະເທດທີ່ເຂົ້າຮ່ວມໂຄງການ "ໜຶ່ງແລວໜຶ່ງເສັ້ນທາງ" ຈັດຂຶ້ນໃນວັນທີ 28 ສິງຫາ 2024 ຢູ່ ນະຄອນເສິນຕູ່ ແຂວງເສສວນ ສປ ຈີນ ໂດຍໃຫ້ກຽດເຂົ້າຮ່ວມ ຂອງ ທ່ານ ຫລີ ຊຸຍ ເຫລ ກຳມະການກົມການເມືອງ, ຫົວໜ້າກົມໂຄສະນາເຜີຍແຜ່, ທ່ານ ຫວັງ ສຽວ ຮຸ້ຍ ເລຂາພັກກອມມູນິດຈີນ ແຂວງ ເສສວນ, ຜູ້ປະຈຳການຄະນະກຳມະການແຂວງເສສວນ, ທ່ານ ຕູ ເຊີນ (Tuo Zhen) ປະທານໜັງສືພິມປະຊາຊົນແຫ່ງ ປະເທດຈີນ, ມີສື່ມວນຊົນ 274 ສື່ ແລະ ຈາກສະຖາບັນບັນຕ່າງໆ 110 ປະເທດເຂົ້າຮ່ວມ.

ທ່ານ ຫລີ ຊຸຍ ເຫລ ໄດ້ມີຄຳເຫັນເປີດງານຄັ້ງນີ້ວ່າ: ເວທີປາໄສການຮ່ວມມືດ້ານສື່ມວນຊົນເປັນເວທີ່ທີ່ສຳຄັນ ແລະໄດ້ຮັບຜົນສຳເລັດເປັນຢ່າງສູງໂດຍໄດ້ເນັ້ນໜັກການປັບປຸງໜຶ່ງແລວໜຶ່ງເສັ້ນທາງ ແລະ ການຫັນປ່ຽນສູ່ໂລກທີ່ທັນສະໄໝ, ການຮ່ວມມືດ້ານສື່ມວນຊົນໄດ້ຊຸກຍູ້ໃນການພັດທະນາຮ່ວມກັນ, ແລກປ່ຽນ, ເພີ່ມທະວີຄວາມເຂົ້າໃຈ ແລະປັບປຸງໃຫ້ມີຄຸນນະພາບສູງ, ການຮ່ວມມືທີ່ມີໄຊ ຊະນະ, ເປີດກວ້າງ ແລະ ເປັນຄວາມມູ່ງມາດປາຖະໜາຂອງ ປະຊາຊົນ, ພັດທະນາການຮ່ວມມືກໍ່ສ້າງໜຶ່ງແລວໜຶ່ງເສັ້ນທາງຮ່ວມກັນເຊິ່ງເວທີດັ່ງກ່າວ, ໄດ້ເລີ່ມຈັດຕັ້ງປະຕິບັດນັບແຕ່ປີ 2014 ແລະ ໃນປີ 2024 ນີ້ ແມ່ນເປັນຄັ້ງທີ 8. ສື່ມວນຊົນເປັນຈຸດເຊື່ອມຕໍ່ທາງດ້ານໜຶ່ງແລວໜຶ່ງເສັ້ນທາງ, ການຄ້າ ແລະ ເຊື່ອມຕໍ່ລະຫວ່າງປະຊາຊົນ ກັບປະຊາຊົນ, ການຮ່ວມມື ສ້າງທາງຫລວງ, ທາງລົດໄຟ ເຊື່ອມຕໍ່ຊຸກຍູ້ດ້ານອຸດສາຫະກຳ, ນຳຜົນປະໂຫຍດມາສູ່ປະຊາຊົນຂອງ ແຕ່ລະປະເທດ.

ພ້ອມນີ້, ທ່ານ ຫວັງ ສຽວ ຮຸ້ຍ ກໍໄດ້ໃຫ້ຮູ້ວ່າ: ແຂວງເສສວນ ເປັນຈຸດພົບກັນຂອງເສັ້ນທາງສາຍໄໝທີ່ຮ່ວມມືກັນຢ່າງຮອບດ້ານ, ກວ້າງຂວາງ, ມີລົດໄຟຂົນສົ່ງຜູ້ໂດຍສານ 75 ລ້ານຄົນເປັນອັນດັບທີ່ 3 ຂອງ ສປ ຈີນ, ມີການຂົນສົ່ງສິນຄ້າໄປຮອດ 220 ປະເທດ, ມູນຄ່າການຄ້າເສດຖະກິດ 6.000 ຕື້ຢວນ (ສະກຸນເງິນຈີນ) ເປັນອັນດັບທີ 5 ຂອງປະເທດ, ສ່ວນການການພັດທະນາຂອງແຂວງແມ່ນໄດ້ຊຸກຍູ້ວິສາຫະກິດໃຫ້ເພີ່ມຂຶ້ນຢ່າງຕໍ່ເນື່ອງ, ມີການແລກປ່ຽນໃນຂົງເຂດຕ່າງໆ, ລົງເລິກການຮ່ວມມືຫລາຍຂົງເຂດວຽກງານ ແລະ ອື່ນໆ.

แชร์