ທະນາຄານແຫ່ງ ສປປ ລາວ ປັບເພີ່ມອັດຕາດອກເບ້ຍເງິນກີບ ຈາກ 10% ມາເປັນ 10,5%

ວັນທີ 27 ສິງຫາ 2024 ນີ້, ທະນາຄານແຫ່ງ ສປປ ລາວ(ທຫລ) ອອກຂໍ້ຕົກລົງວ່າດ້ວຍການປັບປຸງອັດຕາດອກເບ້ຍພື້ນຖານ ໂດຍປັບເພີ່ມອັດຕາດອກເບ້ຍພື້ນຖານ ທະນາຄານແຫ່ງ ສປປ ລາວ ສະກຸນເງິນກີບ ໄລຍະບໍ່ເກີນ 7 ວັນ ຈາກ 10% ຕໍ່ປີ ມາເປັນ 10.5% ຕໍ່ປີ. ທັງນີ້ ກໍເພື່ອປັບປຸງອັດຕາດອກເບ້ຍພື້ນຖານທະນາຄານແຫ່ງ ສປປ ລາວ ໃຫ້ສອດຄ່ອງກັບສະພາບເສດຖະກິດ-ເງິນຕາພາຍໃນ ແລະ ສາກົນ ໃນປັດຈຸບັນ.

ທະນາຄານແຫ່ງ ສປປ ລາວ ນຳໃຊ້ອັດຕາດອກເບ້ຍພື້ນຖານທະນາຄານແຫ່ງ ສປປ ລາວ ໄລຍະ 7 ວັນ ສຳລັບເຄື່ອງມືນະໂຍບາຍເງິນຕາໄລຍະ 7 ວັນ ໂດຍສະເພາະ ອັດຕາດອກເບ້ຍພັນທະບັດທະນາຄານແຫ່ງ ສປປ ລາວ ໄລຍະ 7 ວັນ ເພື່ອຈັດຕັ້ງປະຕິບັດນະໂຍບາຍເງິນຕາແຕ່ລະໄລຍະ ແນໃສ່ຮັກສາສະຖຽນລະພາບເງິນຕາໃຫ້ໝັ້ນທ່ຽງ.

แชร์