ທ່ານ​ ສີ​ຈິ້ນ​ຜິງ ​ກ່າວ​ຄຳ​ປາ​ໄສ​ສຳ​ຄັນ​ໃນກອງ​ປະ​ຊຸມ​ສຳ​ມະ​ນາລະ​ນຶກ ວັນ​ຄ້າຍ​ວັນ​ເກີດ ​ຂອງ ສະ​ຫາຍ ​ເຕິ້ງ​ສຽວ​ຜິງ​ ຄົບ​ຮອບ 120 ປີ

ວິທະຍຸໂທລະພາບສູນກາງຈີນ CMG ໄດ້ລາຍງານວ່າ: ຕອນ​ເຊົ້າ​ວັນ​ທີ 22 ສິງ​ຫາ​ນີ້, ສູນ​ກາງ​ພັກ​ກອມ​ມູ​ນິດ​ຈີນ​ໄດ້​ຈັດ​ກອງ​ປະ​ຊຸມ​ສຳ​ມະ​ນາ​ລະ​ນຶກວັນ​ຄ້າຍ​ວັນ​ເກີດ​ ຂອງ ​​ສະ​ຫາຍ​ ເຕິ້ງ​ສຽວ​ຜິ​ງ ​ຄົບ​ຮອບ 120 ປີ​ ຢູ່​ນະ​ຄອນຫຼວງ​ປັກ​ກິ່ງ. ທ່ານ ​ສີ​ຈິ້ນ​ຜິງ ເລ​ຂາ​ທິ​ການ​ໃຫຍ່​ຄະ​ນະ​ກຳ​ມະ​ການ​ສູນ​ກາງ​ພັກ​ກອມ​ມູ​ນິດ​ຈີນ, ປະ​ທານ​ປະ​ເທດ, ປະ​ທານ​ຄະ​ນະ​ກຳ​ມະ​ການ​ການ​ທະ​ຫານ​ສູນ​ກາງ​ຈີນ​ ໄດ້​ກ່າວ​ຄຳ​ປາ​ໄສ​ສຳ​ຄັນ ໂດຍ​ກ່າວ​ເນັ້ນ​ວ່າ: ສະ​ຫາຍ​ ເຕິ້ງ​ສຽວ​ຜິງ ​ແມ່ນ​ຜູ້​ນຳໂດດ​ເດັ່ນທີ່​​ມີ​ອິດ​ທິ​ພົນ​ສູງ​ສົ່ງ ທີ່​ໄດ້​ຮັບ​ຄວາມ​ຍົກ​ຍ້ອງໂດຍ​ທົ່ວ​ໄປ​ຈາກ​ທົ່ວ​ພັກ, ທົ່ວ​ກອງ​ທັບ ແລະ ປະ​ຊາ​ຊົນ​ບັນ​ດາ​ເຜົ່າ​ໃນ​ທົ່ວ​ປະ​ເທດ​ຈີນ, ເປັນ​ນັກ​ລັດ​ທິ​ມາກ​ທີ່​ຍິ່ງ​ໃຫຍ່, ເປັນ​ນັກ​ການ​ປະ​ຕິ​ວັດ​ຊົນ​ຊັ້ນ​ກຳ​ມະ​ຊີບ, ນັກ​ການ​ເມືອງ, ນັກ​ການ​ທະ​ຫານ ແລະ ນັກ​ການ​ທູດທີ່​ຍິ່ງ​ໃຫຍ່, ເປັນ​ນັກ​ຮົບ​ລັດ​ທິ​ກອມ​ມູ​ນິດ​ທີ່​ໄດ້​ຜ່ານ​ການ​ທົດ​ສອບ​ເປັນ​ໄລ​ຍະ​ຍາວ​ນານ, ເປັນ​​ແກ່ນ​ສານຂອງ​ຄະ​ນະ​ນຳ​​ຮຸ່ນ​ທີ​ 2 ຂອງ​ສູນ​ກາງ​ພັກ, ເປັນ​​ນັກອອກ​ແບບໃຫຍ່​ການ​ປະ​ຕິ​ຮູບ-ເປີດ​ປະ​ຕູ​ສູ່​ພາຍນອກ ແລະ ການ​ສ້າງ​ຄວາມ​ທັນ​ສະ​ໄໝຂອງ​ສັງ​ຄົມ​ນິ​ຍົມ​ຈີນ, ເປັນ​ຜູ້​ບຸກ​ເບີກ​ເສັ້ນ​ທາງ​ສັງ​ຄົມ​ນິ​ຍົມ​ທີ່​ມີ​ສີ​ສັນ​ພິ​ເສດ​ຂອງ​ຈີນ, ຜູ້​ສ້າງ​ຕັ້ງ​ຕົ້ນ​ຕໍ​ຂອງ​ທິດ​ສະ​ດີ​ ເຕິ້ງ​ສຽວ​ຜິງ ແລະ ເປັນ​ນັກ​ລັດ​ທິ​ສາ​ກົນ​ທີ່​ຍິ່ງ​ໃຫຍ່ ທີ່​ໄດ້​ປະ​ກອບ​ສ່ວນ​ອັນ​ສຳ​ຄັນ​ຕໍ່​ສັນ​ຕິ​ພາບ ແລະ ການ​ພັດ​ທະ​ນາ​ຂອງ​ໂລກ.
ທ່ານ ​ສີ​ຈິ້ນ​ຜິງ ​ກ່າວ​ເນັ້ນ​ວ່າ: ​ການຊຸກ​ຍູ້​ພາ​ລະ​ກິດ​ສັງ​ຄົມ​ນິ​ຍົມ​ທີ່​ມີ​ສີ​ສັນ​ພິ​ເສດ​ຂອງ​ຈີນ​ ທີ່​​ບຸ​ກ​ເບີກ​ໂດຍ ​ສະ​ຫາຍ ​ເຕິ້ງ​ສຽວ​ຜິງ ​ໃຫ້ຂະ​ຫຍາຍ​​ຕົວກ້າວ​ໄປ​ໜ້າ​ກໍ​ເປັນ​ການ​ລະ​ນຶກ​ ສະ​ຫາຍ​ ເຕິ່ງ​ສຽວ​ຜິງ ​ທີ່​ດີ​ທີ່​ສຸດ. ພວກ​ເຮົາ​ຕ້ອງ​ປິ່ນ​ອ້ອມ​ພາ​ລະ​ໜ້າ​ທີ່​ໃຈ​ກາງ ຄື: ​ຊຸກ​ຍູ້​ການ​ສ້າງ​ສາ​ປະ​ເທດ​ໃຫ້​ເຂັ້ມ​ແຂງ​ ດ້ວຍ​ຄວາມ​ທັນ​ສະ​ໄໝ​ແບບ​ຈີນ ແລະ ຟື້ນ​ຟູ​ຄວາມ​ຈະ​ເລີນ​ຮຸ່ງ​ເຮືອງ​ທີ່​ຍິ່ງ​ໃຫຍ່​ຂອງ​ຊົນ​ຊາດ​ຈີນ, ສືບ​ຕໍ່​ພາ​ລະ​ກິດ​ຄົນ​ຮຸ່ນ​ກ່ອນ ແລະ ສູ້​ຊົນ​ຜ່ານ​ຜ່າ. ຕ້ອງ​ຍຶດ​ໝັ້ນ​ທິດ​ທາງ​ແລະ​ຄ່າ​ນິ​ຍົມ​ທີ່​ຖືກ​ຕ້ອງ, ຍຶດ​ໝັ້ນ​ການປະ​ດິດ​ສ້າງ​ໃໝ່, ລົງ​ເລິກ​ການ​ປ​ະ​ຕິ​ຮູບ​ຢ່າງ​ຮອບ​ດ້ານ​ຕື່ມ​ອີກ, ສະ​ໜອງ​ພະ​ລັງ​ຂັບ​ເຄື່ອນ​ທີ່​​ແຂງແຮງ ແລະ ການ​ຄ້ຳ​ປະ​ກັນ​ດ້ານ​ລະ​ບຽບ​ການ​​ໃຫ້​ແກ່​ຄວາມ​ທັນ​ສະ​ໄໝ​ແບບ​ຈີນຢ່າງ​ບໍ່​ຢຸດ​ຢັ້ງ.
[11:28, 23/8/2567] Pae: ຄົນລາວໄປເຮັດວຽກຢູ່ຕ່າງປະເທດກວ່າ 4 ແສນຄົນ ນໍາເງິນເຂົ້າປະເທດ 625 ລ້ານໂດລາຕໍ່ປີ

ການຈັດສົ່ງແຮງງານລາວໄປເຮັດວຽກຢູ່ຕ່າງປະເທດ ເຫັນວ່າໃນແຕ່ລະປີ ຈຳນວນແຮງງານເພີ່ມຂຶ້ນຢ່າງຕໍ່ເນື່ອງ ເຊັ່ນ: ໃນ 2017 ມີ ຈຳນວນ 49,441 ຄົນ, ໃນປີ 2018 ມີ ຈຳນວນ 120,360 ຄົນ ແລະ ໃນປີ 2024 ມີຈຳນວນຫຼາຍກວ່າ 60,000 ຄົນ.

ປະຈຸບັນມີຜູ້ອອກແຮງງານລາວທີ່ກຳລັງເຮັດວຽກຢູ່ຕ່າງປະເທດ ຫຼາຍກວ່າ 4 ແສນຄົນ ແລະ ສາມາດສົ່ງເງິນກັບຄືນປະເທດ ປະມານ 52,110,961 ໂດລາສະຫະລັດ ຕໍ່ເດືອນ ຫລືເທົ່າກັບ 625,331,532 ໂດລາຕໍ່ປີ.
ທີ່ມາ: ຮສສ

แชร์