ສຳລັບວຽກງານການສຶກສາແມ່ນຂະບວນການຮຽນການສອນ ແລະການຮຽນຮູ້ທາງດ້ານທິດສະດີ ແລະພຶດຕິກຳຕົວຈິງ ກ່ຽວກັບວິທະຍາສາດທຳມະຊາດ, ວິທະຍາສາດສັງຄົມ ແລະ ເຕັກໂນໂລຊີ ເພື່ອພັດທະນາຊັບພະຍາກອນມະນຸດໃຫ້ຂະຫຍາຍຕົວຢ່າງຮອບດ້ານຊຶ່ງການພັດທະນາວຽກງານດັ່ງກ່າວໃຫ້ໄດ້ມາດຕະຖານ, ມີຄຸນນະພາບ ແລະ ມີຄວາມຍືນຍົງນັ້ນ ແມ່ນເພື່ອແນໃສ່ພັດທະນາຄົນໃຫ້ກາຍເປັນພົນລະເມືອງດີ, ມີຄຸນສົມບັດສິນທຳປະຕິວັດ, ມີຄວາມຮູ້ຄວາມສາມາດ, ມີວິຊາຊີບ, ມີຄວາມຊຳນິຊຳນານງານ, ມີສຸຂະພາບພະລານາໄມແຂງແຮງ, ຮູ້ຮັກສາ ແລະ ສົ່ງເສີມສິລະປະ-ວັດທະນະທຳ ແລະ ຮີດຄອງປະເພດນີອັນດີງາມຂອງຊາດ ສາມາດເຊື່ອມໂຍງເຂົ້າກັບພາກພື້ນ ແລະ ສາກົນ ປະກອບສ່ວນເຂົ້າໃນການປົກປັກຮັກສາ ແລະ ສ້າງສາພັດທະນາປະເທດຊາດ ໃຫ້ຈະເລີນຮຸ່ງເຮືອງສີວິໄລ ຕາມຍຸກສະໄໝ ຊຶ່ງໜຶ່ງໃນນັ້ນ “ໂຮງຮຽນ ນານາຊາດລາວປາກເຊ” ກໍເປັນອີກໜຶ່ງສະຖານການສຶກສາພາກເອກະຊົນ ທີ່ໄດ້ປະກອບສ່ວນຢ່າງຕັ້ງໜ້າຊ່ວຍພັກ-ລັດ ໃນການພັດທະນາຊັບພະຍາກອນມະນຸດ ໃຫ້ມີຄຸນນະພາບດີຂຶ້ນເທື່ອລະກ້າວ.

ທ່ານ ເຈນກິດ ໂອໂຣຊາຣິບ ຜູ້ບໍລິຫານໂຮງຮຽນນານາຊາດ ສາຂາປາກເຊໃຫ້ສຳພາດຕໍ່ນັກຂ່າວຜ່ານທາງໂທລະສັບ ວ່າ: ສຳລັບໂຮງຮຽນ ນານາຊາດລາວ ສາຂາປາກເຊ ເຮົາໄດ້ເປີດການຮຽນການສອນສອນມາແລ້ວຫລາຍກວ່າ 9 ປີ ຊຶ່ງໃນນັ້ນມີທັງຄູຄົນລາວ ແລະ ຄູຄົນຕ່າງປະເທດລວມກັນແລ້ວຫລາຍກວ່າ 40 ຄົນ ແລະ ຈຳນວນຫ້ອງຮຽນຫລາຍກວ່າ 20 ຫ້ອງຮຽນ.

ປະຈຸບັນນີ້ທາງໂຮງຮຽນ ນານາຊາດລາວປາກເຊ ເຮົາໄດ້ເປີດຮຽນເປີດສອນມາແລ້ວຫລາຍກວ່າ 9 ປີ ເຊິ່ງໃນນັ້ນມີທັງຄູຄົນລາວ ແລະ ຄູຄົນຕ່າງປະເທດລວມກັນແລ້ວຫລາຍກວ່າ 40 ຄົນ . ແລະ ຈຳນວນຫ້ອງຮຽນຫລາຍກວ່າ 20ຫ້ອງຮຽນ.

ສຳລັບການເປີດສົກຮຽນໃໝ່ທາງໂຮງຮຽນນານາຊາດລາວ ສາຂາປາກເຊ ຕ້ອງການເຊີນຊວນໃຫ້ຜູ້ຄອງທີ່ມີຄວາມຕ້ອງການໃຫ້ລູກຫລານຂອງຕົນໄດ້ຮັບການສຶກສາທີ່ມີຄຸນນະພາບ ແລະ ທັນສະໃຫມເຊິ່ງໂຮງຮຽນເຮົາໄດ້ນຳໃຊ້ທັງຫລັກສູດນານາຊາດ (ຫລັກສູດແຄມບຣີສ) ແລະ ຫລັກສູດແຫ່ງຊາດລາວ ເຂົ້າໃນການສິດສອນເຊິ່ງຈະຊ່ວຍໃຫ້ລູກຫລານຂອງພວກເຮົາເຂົ້າເຖິງການຮຽນການສອນແບບສາກົນ, ທາງໂຮງຮຽນມີທັງຫລັກສູດການຮຽນສະເພາະສາຍກ່ອນກຽມເຂົ້າມະຫາວິທະຍາໄລໃຫ້ນ້ອງໆໄດ້ເລຶອກຮຽນເພື່ອກຽມຄວາມພ້ອມສຳລັບເຂົ້າຂັ້ນມະຫາວິທະຍາໄລ ບໍ່ວ່າຈະເປັນມະຫາວິທະຍາໄລພາຍໃນ ແລະ ຕ່າງປະເທດ.

ສຸດທ້າຍນີ້ເພື່ອສານຝັນໃຫ້ລູກຫລານຂອງເຮົາໃຫ້ກ້າວໄກ ແລະ ກາຍເປັນຈິງພວກເຮົາມາຮ່ວມກັນຜັກດັນ ແລະ ສົ່ງເສີມໃຫ້ເຂົາເຈົ້າເຂົ້າມາຮຽນໃນຮົ້ວໂຮງຮຽນທີ່ເຕັມໄປດ້ວຍການຮຽນຮູ້ທີ່ຫລາກຫລາຍ,ມິດຕະພາບຈາກໝູ່ເພື່ອຈາກນານາປະເທດ, ຫລັກສູດການຮຽນທີ່ມີຄຸນນະພາບສູງ ແລະທົ່ວໂລກຮອງຮັບ.