ທູດຝຣັ່ງ ແລະເຢຍລະມັນ ຢ້ຽມຢາມ ມະຫາວິທະຍາໄລສະຫວັນນະເຂດ

ເມື່ອບໍ່ດົນມານີ້, ທ່ານ ນາງ ຟລໍຣັອງສ ຊ້ອງບລັອງ-ຣີສແລກ ເອກອັກຄະລັດຖະທູດແຫ່ງສາທາລະນະລັດຝຣັ່ງປະຈຳ ສປປ ລາວ ແລະທ່ານ ເຢັນສ ລຸດເຄັນແຮມເອກອັກຄະລັດຖະທູດແຫ່ງສາທາລະນະລັດສະຫະພັນເຢຍລະມັນປະຈຳ ສປປ ລາວ ໄດ້ເຂົ້າຢ້ຽມຢາມມະຫາວິທະຍາໄລສະຫວັນນະເຂດ ໂດຍໄດ້ຮັບການຕ້ອນຮັບຢ່າງອົບ ອຸ່ນຈາກທ່ານ ບຸນປົງແກ້ວໂຣດົມອະທິການບໍດີມະຫາວິທະຍາໄລສະ ຫວັນນະເຂດພ້ອມດ້ວຍຄະນະ.

ໃນພິທີ, ທ່ານອະທິການບໍດີ ມຂ ກໍ່ໄດ້ກ່າວຕ້ອນຮັບຄະນະທ່ານເອກອັກຄະລັດຖະທູດພ້ອມທັງ ກ່າວນຳສະເໜີປະຫວັດຄວາມ ເປັນມາຂອງມະຫາວິທະຍາໄລ ສະຫວັນນະເຂດ ແລະລາຍງານໂຄງການການຮ່ວມມືລະຫວ່າງ ມຂ ແລະປະເທດຝຣັ່ງແລະເຢຍ ລະມັນໃຫ້ທ່ານເອກອັກຄະລັດຖະ ທູດທັງສອງປະເທດໄດ້ຮັບຊາບ ໂດຍສະເພາະແມ່ນການພັດທະນາ ທາງດ້ານຊັບພະຍາກອນມະນຸດ, ໂຄງການ AUF (ທຶນການສຶກສາປະລິນຍາໂທ), ທຶນຝຶກອົບຮົມອາສາສະໝັກ, ໂຄງການຮ່ວມມື Erasmus, DAAD, ທຶນແລກປ່ຽນນັກສຶກສາ ແລະຄູອາຈານທີ່ ປະເທດເຢຍລະມັນ.

ທ່ານ ບຸນປົງ ແກ້ວໂຣດົມ ໄດ້ໃຫ້ຮູ້ຕື່ມເຖິງຄວາມຈຳເປັນທາງດ້ານການຊ່ວຍເຫຼືອໃນການສ້າງຄວາມອາດສາມາດໃຫ້ແກ່ຄູ-ອາ ຈານ ແລະນັກສຶກສາພາຍໃນ ມຂ ໂດຍຮຽກຮ້ອງຂໍຄວາມຮ່ວມມືນຳມະຫາວິທະຍາໄລຕ່າງໆ ແລະຜູ້ໃຫ້ ທຶນຈາກນີ້, ທ່ານກໍ່ໄດ້ກ່າວເຖິງ ຄວາມເປັນໄປໄດ້ໃນການຂະຫຍາຍ ການຮ່ວມມືທາງດ້ານການພັດທະນາຊັບພະຍາກອນມະນຸດພ້ອມທັງ ຮ່ວມກັນປຶກສາຫາລືຫຼາຍບັນຫາທີ່ສຳຄັນໃນການພັດທະນາມະຫາວິ ທະຍາໄລສະຫວັນນະເຂດໃຫ້ມີ ຄວາມທັນສະໄໝ ແລະສ້າງຊັບ ພະຍາກອນມະນຸດທີ່ມີຄຸນນະພາບອີກດ້ວຍ.

ນສພ ເສດຖະກິດ-ສັງຄົມ

แชร์