ປກສ ແຂວງວຽງຈັນ ແຂ່ງຂັນກີລາສະຫຼອງວັນສ້າງຕັ້ງ ກຳລັງປ້ອງກັນຄວາມສະຫງົບ

ເນື່ອງໃນໂອກາດວັນສ້າງ ຕັ້ງກໍາລັງປ້ອງກັນຄວາມສະຫງົບ ຄົບຮອບ 58  ປີ ຄື 5 ເມສາ 1961 ຫາ 5 ເມສາ 2019 ແລະເພື່ອເປັນ ການສົ່ງທ້າຍປີເກົ່າ ພສ 2561 ແລະຕ້ອນຮັບປີໃໝ່ລາວ ພສ 2562  ນີ້ໃຫ້ມີຄວາມໝາຍຄວາມສຳຄັນ ເຕັມໄປດ້ວຍບັນຍາກາດເບີກບານ ມ່ວນຊື່ນ ແລະໄດ້ຮັບຜົນສຳເລັດ ຕາມລະດັບຄາດໝາຍທີ່ວາງໄວ້ສະ ນັ້ນກອງບັນຊາການ ປກສ ແຂວງ  ວຽງຈັນ ຈຶ່ງໄດ້ສ້າງຂະບວນການແຂ່ງຂັນກີລາເຕະບານ, ບານສົ່ງ, ກີລາເປຕັງ ແລະກີລາດຶງເຊືອກຍິງຊີງຂັນກອງບັນຊາການຂຶ້ນໃນວັນທີ 26 ມີນາ ແລະສຳເລັດລົງໃນວັນທີ 11 ເມສາ  ຜ່ານມາ.

ທ່ານ ພັຕ ບົວລຽນ ຄະນະຮັບ ຜິດຊອບຈັດການແຂ່ງຂັນກ່າວວ່າ: ການຈັດການແຂ່ງຂັນຄັ້ງນີ້ມີທິມກີລາເຕະບານເຂົ້າຮ່ວມແຂ່ງຂັນທັງ ໝົດ 9 ທີມ, ກີລາບານສົ່ງ 8 ທີມ, ກີລາເປ່ຕັງ 68 ທີມ ໃນນີ້ເປຕັ່ງຄູ່ ຍິງ, ຄູ່ຊາຍ ມີ 56 ທີມ, ເປຕັງຄູ່ ການນຳມີ 12  ທີມ, ດຶງເຊືອກຍິງ 8 ທິມ, ຜ່ານການແຂ່ງຂັນຊະນະເລີດ ກີລາເຕະບານໄດ້ແກ່ທິມນັກກີລາ ຈາກຫ້ອງຕຳຫຼວດໄດ້ຮັບຂັນ 1 ໜ່ວຍ, ທີ 2 ໄດ້ແກ່ທີມນັກກີລາຈາກກອງພັນປ້ອງກັນເຄື່ອນທີ່, ທີ 3 ຮ່ວມໄດ້ແກ່ນັກກີລາຈາກຫ້ອງການ ເມືອງ ແລະນັກກີລາຈາກຄ້າຍຄຸມຂັງ-ດັດສ້າງ, ກີລາບານສົ່ງຊະນະເລີດໄດ້ແກ່ທິມນັກກີລາຈາກຫ້ອງຕຳຫຼວດໄດ້ຮັບຂັນ 1 ໜ່ວຍ  ພ້ອມເງິນສົດຈຳນວນໜຶ່ງ ທີ 2 ໄດ້ແກ່ ນັກກີລາຈາກຫ້ອງການເມືອງ, ທີ 3 ຮ່ວມ ໄດ້ແກ່ນັກກີລາຈາກຫ້ອງສັນຕິບານ ແລະນັກກີລາຈາກກອງ ພັນປ້ອງກັນເຄື່ອນທີ່, ກີລາເປຕັງຄູ່ຊາຍຊະນະເລີດແມ່ນທີມກີລາ ຈາກ ປກສ ເມືອງແກ້ວອຸດົມໄດ້ຮັບຂັນ1ໜ່ວຍ, ທີ 2 ໄດ້ແກ່ທີມ ນັກກີລາຈາກ ປກສ ເມືອງກາສີ, ທີ 3 ຮ່ວມແມ່ນຫ້ອງການເມືອງ ແລະປກສ ເມືອງທຸລະຄົມ, ເປຕັງຄູ່ຍິງຊະນະເລີດໄດ້ແກ່ທີມນັກກີລາຈາກກອງພັນປ້ອງກັນເຄື່ອນທີ່ໄດ້ຂັນ 1 ໜ່ວຍ, ທີ 2 ໄດ້ແກ່ ນັກກີລາຈາກຫ້ອງຕຳຫຼວດ ທີ 3 ຮ່ວມໄດ້ແກ່ຫ້ອງການເມືອງ ແລະ ຫ້ອງພະລາທິການ, ຄູ່ການນຳຊະ ນະເລີດແມ່ນທີມກີລາຈາກຫ້ອງ ການເມືອງໄດ້ຮັບຂັນ 1ໜ່ວຍ, ທີ 2 ໄດ້ແກ່ນັກກີລາຈາກຫ້ອງຕຳຫຼວດ, ກີລາດຶງເຊືອກຊະນະເລີດແມ່ນທີມ ຫ້ອງການກອງບັນຊາການໄດ້ຮັບຂັນ 1 ໜ່ວຍ, ຮອງຊະນະເລີດແມ່ນຫ້ອງສັນຕິບານ, ທີ 3 ຮ່ວມແມ່ນຄ້າຍຄຸມຂັງດັດສ້າງ ແລະຫ້ອງຕຳຫຼວດໃຫ້ກຽດຂຶ້ນມອບລາງວັນທີ 3 ໂດຍແມ່ນທ່ານ ພັທ ທອງສະຫວັນ ເຮືອງພົມມີ ຮອງຫົວໜ້າ ກອງບັນຊາການ ປກສ ແຂວງ, ຂຶ້ນມອບລາງວັນຮອງຊະນະເລີດ ໂດຍທ່ານ ພັທ ຈະເລີນ ເລີດມຸງຄຸນ ຮອງຫົວໜ້າກອງບັນຊາການ  ປກສ ແຂວງ ແລະໃຫ້ກຽດຂື້ນມອບລາງວັນຊະນະເລີດປະຈຳປີນີ້ ໂດຍແມ່ນ ທ່ານ ພັອ ທອງເຄນ ບຸນໝັ້ນ ຫົວໜ້າກອງບັນຊາການ ປກສ ແຂວງ ວຽງຈັນພິທີມອບລາງວັນແມ່ນໄດ້ຈັດຂຶ້ນໃນວັນທີ 11  ເມສາ  ຜ່ານມາ.

ໂອກາດດຽວກັນນີ້ຢູ່ກອງບັນ ຊາການ ປກສ ແຂວງວຽງຈັນໄດ້ຈັດພິທີບາສີສູ່ຂັວນຂຶ້ນ ໂດຍມີຄະ ນະພັກ-ຄະນະກອງບັນຊາການ ປກສ ແຂວງວຽງຈັນ,  ຄະນະຫ້ອງ, ກອງພັນ, ຄ້າຍຄຸມຂັງດັດສ້າງ, ກອງບັນຊາການ ປກສ ເມືອງແຂກທີ່ຖືກເຊີນຕະຫຼອດເຖິງພະນັກງານ-ນັກຮົບທົ່ວກອງບັນຊາການປກສ ແຂວງວຽງຈັນເຂົ້າຮ່ວມຢ່າງຫຼວງຫຼາຍພາຍຫຼັງສຳ ເລັດການບາສີສູ່ຂັວນແລ້ວກໍ່ໄດ້ເຂົ້າຮ່ວມພາເຂົ້າສາມັກຄີ, ມອບກະຕ່າຂອງຂັວນໃຫ້ຄະນະພັກຄະນະບັນຊາ ແລະຫົດນໍ້າອວຍພອນເຊິ່ງກັນ ແລະກັນດ້ວຍຄວາມເບີກບານ ມ່ວນຊື່ນຖືກຕາມຮີດຄອງປະເພນີອັນດີງາມຂອງຊາດພ້ອມທັງຮ່ວມມ່ວນຊື່ນລຳວົງສາມັກຄີອີກດ້ວຍ.

ນສພ ເສດຖະະກິດ-ສັງຄົມ

แชร์