ແຟງລັງແຊ໋ມລະບົບການສຶກສາດີທີ່ສຸດໃນໂລກ

ແຟງລັງ ຊຶ່ງເປັນປະເທດນ້ອຍໆແຕ່ລະບົບການສຶກສາສຸດຍີ່ງໃຫຍ່ຈາກຜົນການຈັດອັນດັບ ແຟງລັງແຊ໋ມມີລະບົບການສຶກສາ ທີ່ດີທີ່ສຸດຂອງໂລກປະຈຳປີ2019.

ຕາມຂ່າວຕ່າງປະເທດລາຍ ງານວ່າ ປະເທດແຟງລັງມີປະຊາ ກອນພຽງ 5,5 ລ້ານຄົນ ແຕ່ມີລະ ບົບການສຶກສາຂຶ້ນສູ່ອັນດັບ 1 ຂອງໂລກຄົນທັງປະເທດອ່ານອອກຂຽນໄດ້ 100% ສ່ວນເດັກນ້ອຍເວົ້າໄດ້ຫຼາຍພາສາເປັນເລື່ອງປົກກະຕິ, ອົງກອນອິດສະຫຼະ NJ Med ຈັດໃຫ້ປະເທດແຟງລັງເປັນປະເທດທີ່ມີລະບົບການສຶກສາທີ່ດີທີ່ສຸດໃນໂລກ ໂດຍ ມີສະຖິຕິທີ່ອ່ານບໍ່ອອກທົ່ວປະເທດ 0% ແລະປະຊາຊົນສ່ວນໃຫຍ່ສາມາດເວົ້າໄດ້ຫຼາຍກວ່າ 1 ພາສາ ເນື່ອງຈາກແຟງລັງຄັດເລືອກບຸກຄະລາກອນທາງການສຶກສາຢ່າງເຄັ່ງຄັດ ໂດຍສະເພາະຄູໃນແຕ່ລະໂຮງຮຽນຕ້ອງຈົບປະລິນຍາໂທເດັກນ້ອຍຈຶ່ງບໍ່ຈຳເປັນຕ້ອງຊອກຫາໂຮງຮຽນທີ່ດີທີ່ສຸດໃຫ້ກັບຕົນເອງເພາະທຸກໂຮງຮຽນເປັນໂຮງຮຽນທີ່ດີທີ່ສຸດ.

ຢ່າງໃດກໍຕາມ ເດັກນ້ອຍໃນແຟງລັງສາມາດເລືອກໂຮງຮຽນທີ່ຢູ່ໃກ້ເຮືອນເພື່ອສະດວກໃນການເດີນທາງ ແລະມີເວລາໃນການຮຽນຮູ້ນອກໂຮງຮຽນເພີ່ມຂຶ້ນ.

ນສພ ເສດຖະກິດ-ສັງຄົມ

แชร์