1) ກປມ ເຫັນດີດ້ານຫຼັກການ ໃນການປ່ອຍນໍ້າຜ່ານປະຕູລະບາຍນ້ຳລົ້ນ (Spillway) ເພື່ອການບໍລິຫານຈັດການນໍ້າ ໃນອ່າງເກັບນໍ້າເພື່ອຄວາມປອດໄພຂອງໂຄງການເຂື່ອນໄຟຟ້ານໍ້າຄານ 2 ແລະ 3. ດັ່ງນັ້ນ, ໃຫ້ໂຄງການປະຕິບັດຕາມຂັ້ນຕອນ, ວິທີການໃນການບໍລິຫານຄຸ້ມຄອງເຂື່ອນ. ພ້ອມດຽວກັນນີ້, ກອ່ນທີ່ຈະປ່ອຍນໍ້າ, ໃນເວລາທີ່ປ່ອຍນໍ້າ ແລະ ຫຼັງການປ່ອຍນໍ້າໂຄງການຕ້ອງມີແຜນລະອຽດໃນການກະກຽມຄວາມພ້ອມ ແລະ ປະຕິດບັດຕາມລະບຽບການຂອງກະຊວງພະລັງງານ ແລະ ບໍ່ແຮ່ ໂດຍສະເພາະຄໍາແນະນໍາວ່າດ້ວຍຄວາມປອດໄພເຂື່ອນ (ພາກແຜນຮັບມືສຸກເສີນ) ຢ່າງເຂັ້ມງວດເພື່ອປ້ອງກັນເຫດການສຸກເສີນ ແລະ ຫຼີກລ້ຽງບໍ່ໃຫ້ເກີດຜົນກະທົບຕໍ່ດ້ານລຸ່ມເຂື່ອນໃນໄລຍະທີ່ເປີດປະຕູລະບາຍນໍ້າ;

2) ເພື່ອຮັບປະກັນຄວາມປອດໄພ ປ້ອງກັນຜົນກະທົບຕໍ່ປະຊາຊົນໃນເຂດດ້ານເທິງເຂື່ອນ ແລະ ລຸ່ມເຂື່ອນຂອງໂຄງການໃຫ້ໂຄງການເອົາໃຈໃສ່ໃນການແຈ້ງເຕືອນ ແລະ ປະສານສົມທົບກັບຂັ້ນທ້ອງຖິ່ນ (ແຂວງ, ເມືອງ ແລະ ບ້ານ) ຢ່າງໃກ້ສິດ ແລະ ລາຍງານຜົນການຈັດຕັ້ງປະຕິບັດວຽກງານດັ່ງກ່າວໃຫ້ ກປມ ຮັບຊາບຢ່າງເປັນປົກກະຕິ.

ດັ່ງນັ້ນ ຈື່ງແຈ້ງມາຍັງທ່ານ ເພື່ອຮັບຊາບ ແລະ ຈັດຕັ້ງປະຕິບັດຕາມນີ້ດ້ວຍ.